....

Þetta er heimasíða hins hugljúfa og hugumprúða: ...

Magnúsar H. Skarphéðinssonar

Þú ert gestur númer , síðan 26.11.98..

(Uppfærð síðast 30.12.98. á 8 ára dánardægri fóstru minnar og velgjörðarmanns lífs míns Birnu H. Steingrímsdóttur.)


Áður en lengra er haldið vil ég benda á nokkra skemmtilega frændsemisvefi sem við höfum ofið:.

Sálarrannsóknarvefurinn / vefur Sálarrannsóknarskólans,

Dýravinavefurinn,

Pólitíski vefurinn, sem hefur m.a. langhressilegustu og skemmtilegustu pólitísku umræðurnar á Íslandi í dag,

Réttlætisvefurinn,

Álfa- og huldufólksvefurinn,

Geimveruvefurinn,

Skrímslavefurinn,

Og stóra Tengslasafnið mitt,

- - Sjá einnig enn önnur áhugamál mín hér.


Það sem þið eruð að skoða núna er án efa smartasta heimasíðan hjá háskólanum! - Ég er enn og aftur kominn í sagnfræðinám mitt í Háskóla Íslands, Önnu Agnarsdóttur míns hugljúfa kennara og öðrum til mikillar gleði (meira um þann skandal síðar!! - Fylgist vel með þessum skemmtilega framhaldsþætti!!). - Ef þið viljið skoða heimasíðu Félags Sagnfræðinema þá er hún ágæt. - Einnig getið þið skoðað heimasíðu Sagnfræðiskorar þá er hún hér og yfirleitt alltaf jafngeld og stór hluti deildarinnar er (??). Einnig er ég að læra sænsku í Háskólanum líka, og hef gaman af hjá sumum kennurum þar einnig. Svo ég að sjálfsögðu í Félagi samkynhneigðra stúdenda (FSS) sem er langflottasta baráttufélag samkynhneigðra á Íslandi í dag.

Áður en lengra er haldið þá getið þið sent mér tölvupóst sem mér þykir sérstaklega gaman að skoða, en nenni því miður alltof sjaldan að svara (enþá a.m.k.). Háskólatölvupóstfangið mitt er magnussk@hi.is, og hitt og aðalpóstfangið mitt er mhs@vortex.is, og getið þið gjarnan og megið senda mér tölvupóst í tíma og ótíma á hvort póstfangið sem er. Sérstaklega ef þið hafið einhverja skemmtilega brandara til að gefa mér til að segja á fundum Tilraunafélagsins (sjá meira um það hér neðar).

Þessi heimasíða varð til í áfanga sem ég er í hjá Má Jónssyni kennara í áfanganum Saga, vefur, net sem er ljómandi skemmtilegur áfangi, en umfram allt sérstaklega nytsamur fyrir mig sem trúi á internetið og kaos þess í ekki-ritskoðuðum tjáskiptum manna á milli. (Enginn helvítis Moggi eða DV til að ritskoða það sem almenning langar að koma á framfæri við annað hugsandi fólk!)

Ég er einn af stofnendum Sálarrannsóknarskólans og er skólastjóri hans og hef verið frá upphafi. Skólinn er nýlega kominn með heimasíðu, sem er að vísu ekki merkileg, en vonandi stendur það til bóta ef hann Már getur kennt okkur eitthvað meira í þessum tölvu-net-sagnfræðiáfanga. Nú svo er ég líka skólastjóri Álfaskólans, Geimveruskólans og Draugaskólans, - sem eru nokkurs konar undir-menntastofnanir Sálarrannsóknarskólans. Svo

Einnig er ég formaður Félags áhugamanna um fljúgandi furðuhluti á Íslandi - og líka umsjónarmaður Geimveruvefsins, sem er eins konar auka-heimasíða Geimverufélagsins (FÁFFH), - og hef gaman af því eins og öðrum málum og upplýsingabrunnum sem þokað getað mannkyninu nokkur hænufet í senn í leitinni að sumum hinstu rökum tilverunnar. (Heimasíða FÁFFH á eftir að verða betri seinna væntanlega). Og ef þið vitið um einhverjar slíkar sögur skráðar eða óskráðar sem ég eða við höfum ekki komist yfir ennþá, þá allravinsamlegast látið þið mig vita af því hér í tölvupóstinum mínum.

Ennfremur er ég líka skólastjóri Álfaskólans, sem er nánast eingöngu fyrir útlendinga sem koma í hópum til okkar mestmegnis á sumrin. Þar segjum við þeim yfirlit yfir allar helstu og flottustu álfasögurnar, nýjar og gamlar sem vitað er um. Og endilega ef þið vitið um slíkar sögur sem eru enn óskráðar, þó ekki væri nema rétt orðrómur, þá endilega látið þið mig vita hér í póstfanginu mínu. Annað hvort bara skrifið þið söguna eða sögurnar, eða bara stutt ágrip af henni eða þeim, eða gefið mér nafn ykkar og síma eða aðrar leiðir til að nálgast ykkur og ég mun með glöðu geði hafa samband við ykkur.

Og ég er líka fundarstjóri Tilraunafélagsins, sem er líklega eina hálf-vísindalega miðilsfundafélagið á Íslandi í dag og þó líklega víðar væri leitað. Í það minnsta er Sálarrannsóknarfélag Íslands það alls ekki, þótt ég sé í stjórn þess. Þar eru miklir flokkadrættir í gangi sem fyrr, og eru aðalleikararnir í þessari atrennu forseti félagsins Gunnar St. Ólafsson arkitekt, sem er nýlega orðinn ástmaður framkvæmdastjóra félagsins Ragnhildar Eggertsdóttur, og er félagið meira og minna allt í uppnámi vegna þessara ástartengsla og í tómri fjárhagslegri og félagslegri upplausn vegna þess. Meira um skapsmuni Gunnars og Ragnhildar síðar á undirsíðum þessarar heimasíðu. (Fylgist vel með!! - Framhald í næstu þáttum!!!)

Um mig sjálfan er það að segja að ég er fæddur 2. júli 1955 í Reykjavík (og fæddist reyndar tveimur mánuðum fyrir tímann og ætti því að vera í alltöðru stjörnumerki en ég er í dag því miður!). Ég fæddist að Rauðarárstíg 40 hér í Reykjavík á ljósmóðursheimili Guðrúnar Pétursdóttur (að mig minnir að hún hafi heitið), sem er í dag aðsetur tannlæknisins míns Friðleifs Stefánssoar (pabba Sifjar þingkonu) stór-Siglufjarðarframsóknarmanns. - Sambýlismaður minn er Reynir Baldursson og er hægt að senda honum póst í gegnum reynirb@vortex.is (en sendið mér afrit af því öllu saman, svona til öryggis (??) ).

Stóri bróðir minn er Össur Skarphéðinsson, og hefur hann allt til dagsins í dag verið mikill stóri bróðir minn í tvennum skilningi þess orðs. (Sjá líka Össur hér í prófkjörinu sínu og kosningabaráttunni nú í vetur).

 Ég á mér þann draum meðal margra annara að koma upp vefrænu tímariti í stíl við gamla Þjóðviljann sem var og hét. Og þá á ég alls ekki við þessa leiðindarnotkun Vef-Þjóðviljans sem einhverjir mannúðarlitlir hægrigaurar gefa út hér á netinu. Annars mæli ég sérstaklega með lestri Pólitíska vefsins sem ég hefi tekið saman tengingar út um allt íslenska (og reyndar erlenda) pólitíska litrófið fyrir allt hugsandi fólk. Vefblaðið Sameining sem Óskar Guðmundsson, fyrrverandi ritstjórnarfulltrúi gamla góða Þjóðviljans ritstýrir, er eitt skemmtilegasta blaðið sem gefið er út í dag á landinu. Þar er margt hressandi að lesa, sem og margt annað á Pólitíska vefnum okkar hér. Ég á mér reyndar þann draum að allir, eða í það minnsta nægjanlega margir hugsandi og gagnrýnir vinstrisinnar komi sér sem fyrst upp þannig hugsandi og gagnrýnum fjölmiðli, sem væri eitthvað í líkíngu við gamla góða Þjóðviljann. Einkum þann Þjóðvilja sem þeir Ólafur Ragnar Grímsson ástsæll forseti vor, (heill forseta vorum, - punktur, - ferfalt húrra!!! punktur … punktur … punktur … ), og þeir Össur bróðir, Árni Bergmann, Óskar Guðmundsson og Mörður Árnason ritstýrðu. En að mínu mati er alveg lífsnauðsynlegt að koma upp slíku vinstra blaði, sem er ekki eins hundleiðinlegt og svartsýnt (og því miður steingelt í nánast öllum andlegum og trúarlegum málum) eins og flestir vinstri menn hér á landi og víðast eru í dag.

Ég sjálfur mun innan skamms æfa mig í þessu og koma hér upp pistlum frá mér um allt það sem mig langar að hneykslast á, og það sem ég er og verð ánægður með. Hálfpartinn til fyrirmyndar er þó þessi alltof hrokafulli Vef-Þjóðvilji sem nokkrir hressir en alltof mannúðarlitlir hægrimenn og konur gefa út hér í bæ. Mér sjálfum finnst reyndar hálfósmekklegt af þessum annars hressu hægri mönnum að hafa kallað rafræna hægra blaðið sitt eftir hugsjónablaðinu Þjóðviljanum gamla sem ég hélt mikið upp á, og held reyndar ennþá (blessuð sé minning hans). - (Heill forseta vorum, - punktur, - ferfalt húrra!!! punktur … punktur … punktur … ).

Fljótlega og síðar mun ég örugglega bæta mörgu skemmtilegu við þessa síðu. - En sendið fyrir komuna og látið í ykkur heyra þar!!

Endilega sendu mér línu línu hér eða ummæli (mhs@vortex.is) um síðuna og vefina sem henni tengjast hér, og segðu mér hvað þér finnst. - Líka hverju megi við bæta og eða breyta!

Takk annars kærlega fyrir komuna!

og kveðjur …

Magnús H. Skarphéðinsson.


En allir muni svo þegar þeir setjast næst til borðs, að … :

 

Máltíð er morð! … … 

 

… … - nema hjá jurtaætum.