DIIDADA GUMEYSIGA IYO DOONISTA XORNIMADA
Qore: Shiikh Hassan musseMay 13, 2001
Nin rag ah ayey dardaaran utahay ee doqoni waa moog
Umad walibo waxay leedahay diin, hide, iyo dhaqan ay kufaanto sidaas
darteed ayaa dhaqamada umada Soomaaliyeed ay caanka ku tahay waxaa
kamid ah nacaybka iyo ladagaalanka gumeysiga.
Waxaana arintan marqaati cad u
ah dagaaladii iyo halgamadii ay umadu lagashey gumeysteyaalkii
ree galbeedka kuwaasoo isku dayey iney Soomaaliyo xoog oogu taliyaan,
taasoo natiijadeedii ay noqotey iney guul daro iyo ceeb kala galbadaan
geyiga Soomaaliyeed.
Seyid Mohamed Abdulle Hassan
|
Halgamada gumeysi nacaybka ah oo kasoconayey meelo badan
oo dalka katirsan ayaa waxaa kamid ahaa kii uu madaxada ka ahaa
halyeeygii geesiga ahaa ee magaciisa mar qura geyiga Soomaaliyeed looga
haasaawey magac laga miskiin ma ahane waa Darwiishkii Sayid Maxamed -
Cabdulle Xasan. Kaasoo jihaad xaq ah ku qaadey dawladii Ingiriiska oo
xiligaas aduunka oogu xooga weyneyd. Waxa uu Sayid Maxamed go'aansadey
inuu Ingiriiska ladagaalamo kadib markey si dhab ah oogu cadaatey
ujeedadiisii kama danbeysta ahayd taasoo ahayd inuu Diinta xididada u
siibo dadkana gumeysto. Sayid Maxamed halgankiisii waxa uu qaatey in ka
badan labaatan sano. Waana tan soo jiidey fadliga Eebe kasakow xornimada
iyo madax banaanida aynu maanta hooskeeda harsaneyno.
Mogadishu, Destroyed
|
Hadabo maanta oo aynu kujirno qarnigaan koob iyo labaatanaad ayaa waxaa
ayaan daro ah inuu marlabaad gumeystihii soo damaaciyey gayiga qaniga ah
ee uu Eebe kumanaystay Umada Soomaaliyeed. Waxaan shaki kujirin iney
dawlado iyadu caan ku ah daneysi qaawan ay dooneyaan iney
dalka Soomaaliya kheyraadkiisa dihin kafaa iideysataan iyadoon haba yaraatee
katala galin umadii dalka laheyd. Hadabo si ay olajeedadaas ugaaraan waxa ay
geed dheer iyo mid gaabanbo ufuuleen ineysan marnabo soo
noqon qaranimadii Umada Soomaaliyeed ee ay iyadu gacmaheeda kuburburisey.
Waxaa arintan inoo bayaaninayo dhawrkaan su'aalood ee hoos ku qoran.
Waxaynu ognahay iney Xabashidu tahay cadawga soo jireenka ah ee Umadda
Soomaaliyeed taasoo haysato dhul Soomaaliyeed gumeysatana dad Somaliyed
isla markaana kaalin weyn kaqaadatey burburintii qarankii Soomaaliyeed.
Hadabo isweydiintu waxaytahay maxey qaramada midoobey oogu xilsaareen
Itoobiyo iney wakiil aduunka ooga noqoto Soomaaliyo? Iyadoo walibo masuul
looga dhigey xal uhelida xaalada murugtey ee Soomaaliyo.
Sidaynu wada ognahay qaarada Afrika waxaa kubadan dagaalo sokeeye iyo
dhibaatooyin dabiici ah kuwaasoo ay aalaabo sabab uyihiin cadaalad xumo
iyo musuq maasuq, kuwaasoo mararka qaar geysta dhibaatooyin balaaran oo
aykamid yihiin dhimasho sabab la'aaneed iyo burbur dhaqaale.
HAaabo - dalalka ay duruufahaani soo wajahaan waxa ay beesha caalamka kahelaan
gurmad banii'aadninimo iyo iney labaadi goobaan xal uhelida khilaafaadka
siyaasadeed iyo soo celinta nidaamkii uu mushtamacaasi lahaanjirey.
Mida aynu markaana isweydiineynaayi waxay tahay maxaa lataabankaraa oo
ay reer galbeedka uqabteen shacbigii
Soomaaliyeed ee mudada kabadan tobanka sano ay salfadeen dagaalada
sokeeye? Waxbo yeysan ugaline faraha maka qaadeen mise waa kuwa hurinayey
dagaalada sokeeye ee dagaal oogayaasha midkasta oo kamid ah umuujinayey
saaxiibtinimo gooni ah islamarkaana ubidhaaminayey rajo ah inuu isagu
Soomaaliyo madaxweyne kanoqondoono taasoo ujeedadeedu aheyd ineysan marna
qaboobin dhiilada colaadeed ee dalka ka holceysey?
|
Oogu danbeyntii dhibaatada inagu dhacdey iyo kuwo kadaranbo waxa ay soo
gaareen qaar kamid ah dadyowga qaarada inala degen mana aynaan arag
umad kaalmo looga dhigey in lagu kala firdhiyo dacalada dunida si xididad
loogu siibo Diintoodii, Dhaqankoodii Luqadoodii,iyo Qoomiyadoodii.
Hadabo isweydii kaligaa manaxariis iyo dhaqaaleyn beynu uqaadanaa gabal
dhacay iyo waa beryey diyaaradaha uu reergalbeedku kusoo daabulayo
dhalinyaradii iyo aqoonyahanadii dalka lafdhabarka u aheyd?
Waxaan rajeynayaa su'aalahaan Jawaabtooda oo koobani iney tahay dadkeeni
iyo dalkeenii waa loo tashadey. Hadeynaan maanta gacmaha isqabsan oo
aynaan is hortaagin damaaciga indho la'aanta ah ee gumeystayaasha reer
galbeedka iyo taliska Tigreeda oo iyadu dilaal u ah.
waxeynu baraarugi doonaa waqti ay fandhaal iyo xeero kala dhaceen dalkiina
uu gacanteena kabaxay. Walaalayaal waa ineynu ogaano inuusan
nakala aqoon, uusana kala jeleyn qabiilkaad kadhalatey iyo gobolkaad ka
timid. Aritan waxey kamid tahay khidada uu cadowgu adeegsado oo uu kadhaa
dhiciyo makasta iyo dagaal oogayaasha aan damiirka iyo wadaniyada lahayn.
Nin rag ah ayey dardaaran utahay ee doqoni waa moog.
Qore: Shiikh Hassan musse
halable@hotmail.com
CanadaPublished: May 13, 2001
QORAALKII HORE EE Shiikh Hassan
ALLAH SI'UU INOO JECLAADO WA INEYNU IS JECLAANAA
NB: Links made by SomaliTalk Team
|