|
|
De novo estamos ante os seus 365 dias de incompeténcia
O Defensor del Pueblo afirma que nunca houbo información obxectiva por parte do governo galego e español sobre o Prestige
19/11/2003 Ante unha queixa apresentada polo Movimento polos Direitos Civís o Defensor del Pueblo traslada através dun escrito o seu desalento pois tanto o governo español como o galego non tiveron en conta as recomendacións que o Defensor del Pueblo lles fixo chegar para mellorar a información, a seguridade marítima e un extenso informe do Defensor del Pueblo que como escrebe Enrique Múgica Herzog "pasará a un definitivo olvido, es decir no serán escuchadas"
|
Queren calar as nosas conciéncias!
Unha circular da Xunta do 12 de novembro pedia que se retirarán cartaces e que se evitara a mobilización no cabodano do Prestige
17/11/2003 Desde aqui podedes coñecer o texto integro da circular da Xunta de Galiza onde se afirma " a firme vontade de evitar que se repitan como o ano pasado actividades promovidas por plataformas de mobilización social que alteren o normal funcionamento dos centros de traballo" e tamén di "dispoña as medidas necesárias que eviten actividades non autorizadas ou a colocación de carteis alusivos"; tamén solicita a retirada dos mesmos se os houbera e tendo en conta que era o 12 de novembro solicita tamén vixiancia prévia!!!
|
Máis de 150.000 persoas ateigan o Obradoiro
A dignidade galega volta encher Santiago do berro de Nunca Máis
16/11/2003 A plataforma Nunca Máis felicita a sociedade galega pola sua demostración, polo seu esforzo que un ano despois voltou encher o Obradoiro, despois de campañas de criminalización da Plataforma, propaganda de praias esplendorosas e moito máis. Todos e todas os que enchemos o Obradoiro e berramos Nunca Máis somos o futuro deste país, somos unha revolución civica que continúa a vencer.
|
Vencella o estudo de Freire da Coruña con NM
A Xunta tenta desmobilizar ao sector pesqueiro para que non acuda a manifestación do 16-N de Nunca Máis
14/11/2003 A Plataforma Nunca Máis ten constáncia polos seus contactos cos traballadores e traballadoras do mar que a consellaria de Pesca da Xunta de Galiza está a vencellar interesadamente o informe realizado polo grupo de Freire da Universidade da Coruña ñá Plataforma Nunca Máis, para de este xeito voltar falar de alarmismo e que Nunca Máis non apoia aos produtos galegos nen aos sectore produtivos, e tentar-se aproveitar de novo do sector pesqueiro e deste xeito tentar impedir que o 16 de novembro volten apoiar a manifestación de Nunca Máis convocada para este domingo.
|
Máis de 100.000 persoas nas 25 concentracións
Éxito da xornada de mobilización de Nunca Máis este 13 de novembro
13/11/2003 Na xornada de hoxe, os centros de ensino durante a mañá e a cidadania galega nas concentracións e actos organizados pola Plataforma Nunca Máis a partir das oito da tarde voltou amosar a dignidade e memória do povo galego. Fronte a tentativa de bloqueo e desmobilización do Partido Popular, ou coa frase de Fraga "se van a tragar todas las movilizaciones", a sociedade galega voltou demostrar a sua vitalidade e conciéncia activa, memória civil contra o esquecemento que voltará sair a rua en Santiago de Compostela este 16 de novembro na manifestación convocada pola Plataforma Nunca Máis. Todos e todas a Santiago este domingo!
|
As nosas reivindicacións un ano despois!
A sociedade galega voltará berrar Nunca Máis este domingo ás 12 en Santiago
14/11/2003 O povo galego voltará amosar este domingo a conciéncia viva e memória, a dignidade demostrada durante todo este ano frente a sua incompeténcia. Desde estas liñas queremos animar e convidar a cidadania galega a que acuda masivamente a Santiago de Compostela este domingo.
|
Máis de 20.000 persoas pola mañá
O mundo do ensino enche as ruas contra a desmemória en toda Galiza
13/11/2003 Máis de 20.000 estudantes e traballadores e traballadoras do ensino mobilizan-se en toda Galiza contra o esquecemento e a incompeténcia no cabodano do Prestige. A máis salientábeis foron as concentracións que se convertiron en manifestacións de Santiago de Compostela, Vigo e A Coruña.
|
Ver anteriores
|
|
|
|