Kutaageer intii aad awood u leedahay.

Waxaa lagayaabaa halbuug oo aad maktabadaha kasoo iibisid oo aad markaas u dirtid Jaamacada in ay kafaa'iidaystaan jiilkan iyo kuwa soosocdaba, idanka Ilaah.

WQ: Maxamed-deeq Cabdulqaadir
sahan@brtel.net
Sabti, 28 Abriil 2001. Bosaaso

 Print friendly format

Jaamacad cusub oo wakhti aan dheerayn laga amaamuday magaaladda Bosaaso wakhti aan sidaas u dheerayn ayaa waxaa haatan waxaa soo food saaray wal wal aan yarayn oo dhinacyo kala duwan ka imaanaya.

Eeg Sawirka oo weyn Sawirakan waxaa Sooqaaday Mohamed Deeq, April 28, 2001

Jaamacaddan oo lagu magacaabo “jaamacadda Bariga Afrika” (East Africa university) waxaa si rasmi ah loo furay markay taariikhdu ahayd 23/10/1999, waxaana lagu bilaabay 95 arday oo ku baasay imtixaan horudhac ahaa oo laga qaaday dadkii soo dalbaday, kuwaasoo loo furay bilowgii koorasyo barashada luqada; carabiga, ingiriiska iyo xisaabta ah. Bishii Oktoobar 2000 ayayna ardaydaasi waxbarashadoodii rasmiga ahayd ee jaamacadeed bilaabeen.

Jaamacaddu waxa ay haatan ka kooban tahay labo kulliyadood oo kala ah; Kuliyadda Shareecadda Islaamka iyo kuliyadda Maamulka, iyadoo sida ay xaqiijiyeen masuuliyiinta jaamacaddu aan la soo buuxin kuliyad kale oo ah kuliyadda macalimiinta oo horay ugu jirtay qorshaha waxbarasho ee jaamaccadda, iyadoo ay ardayda is diiwaan galisay ay gaarayeen ilaa 200 oo arday oo u badan ardaydii ka soo baxday dugsiyadii sare ee Soomaaliya oo aan horay u helin fursad ay wax barashadoodii ku sii wataan.

Jaamacadda Bariga Africa oo markeedii hore lagu bilaabay dhisme kiro ah ayaa waxa ay haatan haysataa dhul ku dhaw 500,000 Mitir oo laba jibaaran oo ku yaal meel in yar u jirta cirifka koonfureed ee magaaladda Bosaaso, waxaana horaantii sanadkii hore halkaas laga bilaabay dhisme ka kooban lix qaybood oo isugu jira fasaladii waxbarashada, jiifkii ardayda, guryihii macalimiinta, gurigii buugaagta (maktabad ama library), Masaajid iyo qaybta cuntada iyo kaydka, iyadoo qaybahaas ay ku dhex jiraan xafiisyadii maamulka, musqulo iyo qol shireed oo weyn. Ardaydii jaamacaduna waxa ay wali wax ku bartaan dugsi khaas ah (private) oo ku yaal magaaladda dhexdeeda, maadaam uusan dhamaan dhismihii jaamacaddu, qalabayna aan wali loo hayn.

Jaamacadan waxaa maamula laba gole oo la kala yiraahdo

Eeg Sawirka oo weyn Sawirakan waxaa Sooqaaday Mohamed Deeq, April 28, 2001

Mudiirka oo ka hadlayay dadaaladii ay u sameeyeen horumarinta Jaamacdda ayaa waxaa hadaladiisii ka mid ahaa “waxa aan la xiriirnay Jaamacado dhawr ah oo ku yaal dalalka carbeed iyo Yurub, waxaan kaloo la xiriirnay dadka Soomaaliyeed oo ku nool Yurub iyo Maraykanka iyo guud ahaan dibada waxaana u bandhignay baahiyaha haatan ee Jaamacadda, meelo badan oo macluumaad na soo waydiistay oo aan siinay ayaa jira hase ahaatee aanaan wali jawaab ka hayn, iyagana waa sugaynaa, waxa ugu weyn ee aan ka helnaa dadka dibada ku nool ee Soomaaliyeed waa dhiira galin xagga niyadda ah, waana u mahad celinaynaa guud ahaan, gaar ahaan waxaan u mahad celinaynaa Jaaliyadda Buntilaan ee ku nool dalka Ingiriiska oo noo soo diray kutub ay Jaamacadda u soo aruuriyeen, waa dadkaas dadka aan rajadda ugu weyn ka qabnaa, waxaana jeclaan lahayn in ay wax intaas ka badan ku kaalmeeyaan Jaamacada oo qof waliba waxa uu ka qaban karo dadaalka loogu jiro horumarinta jaamacadda af iyo adinba in uu ka qayb qaato, mana hilmaami doono talooyin qiimo badan oo ay noo soo jeediyeen dad fara badan oo kala duwan”

Waxa kale oo uu Dr. Cabdulqaadir intaas ku daray in ay sii wadi doonaan xiriir Jaamacadaha kale ee diabadda iyo kuwa Soomaaliya marka ay meel iska dhigaan fariisinta hawlaha asaasiga ah ee qalabaynta iyo horumarinta Jaamacadda, waxa kale oo uu sheegay in ay damacsan yihiin in ay abuuraan kuliyado kale oo Cilmi ah.

Baahiyaha asaasiga ah ee jaamacaddu ma yara marka la barbar dhigo awooda dhaqaale ee maanta dalka ka jirta, waxayse noqon kartaa mid aad u yar haddii ay dadka ay arintani khusayso isu xil qaamaan in ay gacan weyn ka geystaan hirgalinteeda.

Qiimayn baahiyaha dhiman ee asaasiga ah qaarkood uu ku sameeyay Eng. Axmed Bare oo aan qoraalkooda arkay ayaa waxa uu ahaa sidan:

1. Qiimaha qalabaynta fasalada iyo xafiisyada maamulka: 35.409.00 $
2. Qalabaynta library-ga oo aysan ku jirin kutubtu; 29.708.00 $
3. Qolalka macalimiinta : 10.896.00 $
4. Qalabaynta degaanka ardayda: 20.920.00 $
5. Qalabaynta jikada iyo hoolka cuntada: 34.849.20.$
6. Matoorka korontada 80 kv: 11.000.00 $

Eeg Sawirka oo weyn Sawirakan waxaa Sooqaaday Mohamed Deeq, April 28, 2001

Qiimayn kale oo 20 Nof. 2000 ay samaysay shirkad Magaalada Bosaaso biyaha Siisa oo la yiraahdo Gumco ayaa cadaysay in ay biyo ku gaarsiinayso Jaamacadda kharash ay ku qiimaysay 40.193.00$, taasoo sabab uga dhigtay masaafadda dhulka iyo dhismayaasha Jaamacadda oo kala durugsan, waxayse talaabadan maamulka jaamacaddu ka door bidayaan in ay helaan ceel gaar ah oo ay Jaamacaddu yeelato kaasoo ay kaga kaaftoomi karaan biilasha joogtada ah ee Biyaha shirkaddan, waxayse taas laf ahaanteedu fududaan kartaa marka ay jaamacaddu hesho Matoor weyn oo koronto oo ah kan haatan baahida ku cad.

waxayna baahida aqooneed ee degaankan ka jirtay qaybta ugu weyn ka qaadatay in gobolku mudadii Soomaaliya dawladda ahayd noqdo meel cidlo ciirsala ah oo aan loo soo xiisin maadaama aqoontii iyo dhaqaalihii dalkuba ka fogaadeen

Dhinac kale haddaan u yara jaleecno ahmiyaddan ay jaamacadani u leedahay degaanka Buntilaan iyo Bosaasaba waa jaamacaddii ugu horaysay ee guud ahaan laga dhisao degaankan, waxayna baahida aqooneed ee degaankan ka jirtay qaybta ugu weyn ka qaadatay in gobolku mudadii Soomaaliya dawladda ahayd noqdo meel cidlo ciirsala ah oo aan loo soo xiisin maadaama aqoontii iyo dhaqaalihii dalkuba ka fogaadeen, waxaa kale oo jira kumanyaal arday oo sanadkan iyo sanadaha xiga ka soo baxaya dugsiyada sare ee ku yaal Gobolka kuwaas oo aan in aad u yar ma ahee hali karin dhaqaale ay ku raadsadaan wax barasho dibadeed ayna noqonayso in ay dib suuqyada ugu baagamuudeeyaan haddii aysan helin hoy waxbarasho oo ay ku wareegaan si ay wax barashadoodii u sii wataan.

Dhismaha Jaamacaddani waxa kale oo uu qayb weyn ka qaadanayaa in xataa ardayda dhiganaysa dugsiyadda Hoose ee dalku ay arkaan miidaan ka weyn kan ay markaas fadhiyaan oo ay higsadaan, waxayna qayb ka qaadanaysaa in kuwa heerka jaamacadeed ku jira laf ahaantoodu ay helaan goob munaasb ah oo ay si degan wax ugu baran karaan noloshiina aysan kaga walwalayn.

Si kastabase ha ahaatee dhamaystirka Jaamacaddaan oo ay dhismaheeda ku deeqday hay’ad Kuwayti ah ayaa waxa ay guushiisu ku xiran tahay sida ay uga qayb qaataan dadka ehelka u ah degaanka ee garanaya qiimaha ay aqoontu u leedahay ummad horumar iyo nolol wanaagsan rajo ka qabta.

Qore: Mohamed Deeq, April 28, 2001, Bosaso.

Posted by Somalitalk.com Team
Updated: April 28, 2001