...milliuns vehichels da persuna èn charrads l'onn 2005 sin 71'297 kilometers vias. La rait svizra da vias maina viandantas e viandants en ils lieus ils pli distants e perifers. 5024 kilometers binaris serpegian tras tut la Svizra ed han transportà 409'813'000 persunas l'onn 2004. 159 navs e bastiments a motor u a vapur han procurà l'onn 2004 per ina traversada senza pes bletschs dals lais e dals flums svizzers.

...onns ha durà l'introducziun definitiva da l'imni naziunal da la Svizra. Il psalm svizzer è vegnì represchentà per l'emprima giada l'onn 1843. Tranter ils onns 1894 e 1953 è el adina puspè vegnì chantà a festas patrioticas. L'onn 1961 ha il cussegl federal concludì d'introducir provisoricamain il psalm svizzer sco imni naziunal. Nagina da las alternativas inoltradas n'ha gì la forza da persvader, uschia ch'il cussegl federal ha deliberà l'onn 1981 il psalm svizzer definitivamain sco imni naziunal. Il cumenzament da l'onn 2006 è puspè naschida ina discussiun davart l'imni naziunal: in nov imni per il campiunadi europeic da ballape 2008 che tuts pon chantar. Perquai ch'il sustegn politic ha mancà è il project vegnì retratg.

...pizs da las Alps svizras èn pli auts che 4000 meters sur mar. Las Alps svizras cuvran 60% da noss territori ed èn la patria da 1'800 glatschers e d'ina fauna e flora multifara.

...persunas cun dretg da votar a Bülach han votà per handy resp. per SMS ils 30 d'october 2005 a chaschun da la votaziun dal pievel. En tut èn vegnidas dadas 3919 vuschs. Quai è stà l'emprima giada en Svizra ch'igl è er vegnì votà per handy resp. per SMS en il rom d'ina votaziun dal pievel politicamain lianta. I n'ha dà nagins problems en connex cun questa votaziun da pilot.

...vatgas vivevan l'onn 2005 en Svizra. Cun quai eran las vatgas – ina spezia da figura simbolica da la Svizra – però cleramain ina minoritad cumpareglià cun ils portgs. L'onn 2005 ha l'uffizi federal da statistica registrà en tut 1'609'497 portgs.

...ovs da consum èn vegnids mess da las giaglinas en Svizra. Tut en tut èn dentant vegnids consumads ca. 1 milliarda ovs l'onn 2005. L'industria fa la differenza tranter ovs per l'utilisaziun industriala ed ovs da consum.