Tijolismo reintegrato-reunificacionista
Un comunicante anónimo púxose en contacto con alema.org para denunciar as prácticas de spam que practican os membros (ou debería de dicir “o membro”?) da Comissão para a Reunificação Nacional da Galiza e Portugal ás portas da sede da Bazán en Ferrol. Os pobres traballadores, despois dunha dura xornada de curro, reciben coitados este tipo de tijolos (ou ladrillos, en galego internacional de Galicia). Para evitar mareos, podes ampliar as imaxes clicando enriba delas.
Definitivamente, o(s) da CRNGP debería(n):
- Non estenderse tanto (aposto a que nin o 0,01% das vítimas do spam leron integramente o tijolo entregado: non só teñen que esforzarse en ler portugués padrão senón que teñen que facelo despois dunha longa xornada de traballo) e recordar que os nomes de empresas (”Izar”) non se traducen nin transliteralizan (”Içar”). Ai, ai, ai…
- Ir esquecendo os textos xustificados e as MAIÚSCULAS HOYGAN nos seus panfletiños, optar por unha redacción máis directa e menos tijoleira,… en definitiva… postos a facer spam, mellor facelo como deus manda, non? Agora que… visto o blog da CRNGP , moito me temo que a cousa ten pouco remedio…
Isto, e mais as pintadas, non poden darlle peor imaxe ao reintegracionismo. Ademais, a saber cantos traballadores da Bazán poden pensar que os que escriben en reintegrata defenden tamén a reunificación política con Portugal. En fin, o que avisa… 
20 comments Decembro 2nd, 2008
