İstintaq Rusiyanın Pyatiqorsk şəhərinin mərkəzindəki partlayışla bağlı əsas şübhəlini müəyyən edib.
Milli.Az xəbər portalı LifeNews-a istinadən xəbər verir ki, bu, 42 yaşlı Çeçenistan sakini Aleksandr Kimdir. Hüquq-mühafizə orqanlarından məlumat verilib ki, “Keyptaun” kafesinin qarşısında partladılan “Vaz-2106” avtomobilindən son vaxtlar məhz Aleksandr Kim istifadə edirmiş.
O da bildirilir ki, Aleksandr Kim indiyədək bir neçə dəfə hüquq-mühafizə orqanları əməkdaşlarının diqqətini cəlb edib. O, son vaxtlar heç bir yerdə işləməyib və Pyatiqorskda fərdi sərnişindaşıma ilə məşğul olub.