Júní 2011 Júlí 2011 ágúst 2011
su þr mi fi la
Week 26 1 2
Week 27 3 4 5 6 7 8 9
Week 28 10 11 12 13 14 15 16
Week 29 17 18 19 20 21 22 23
Week 30 24 25 26 27 28 29 30
Week 31 31



svartkot.jpg


Landsbyggð tækifæranna - Þekkingar- og fræðastarf á landsbyggðinni.


ReykjavíkurAkademían hefur jafnan átt gott og framsækið fræðasamstarf víða um land og hefur til að mynda tekið þátt í þessu verkefni sem það hvetur alþjóð til að kynna sér:

svartrkot.jpg

Fréttatilkynning.

Miðvikudaginn 8. júní kl. 13:00 – 17:00 verður haldin ráðstefna um þekkingar- og fræðastarf á landsbyggðinni undir heitinu Landsbyggð tækifæranna - Þekkingar- og fræðastarf á landsbyggðinni. Ráðstefnan verður haldin á Grand Hótel Reykjavík, Sigtún 38 í Háteigi A, 4. hæð.

Á ráðstefnunni verður fjallað um mikilvægi og tækifæri þekkingar- og fræðastarfs á landsbyggðinni og tengsl þess við rannsókna- og háskólasamfélagið á höfuðborgarsvæðinu. Meðal viðfangsefna ráðstefnunnarr er að skýra umfang og fjölbreytileika í starfsemi þekkingarsetra víða um land með áherslu á þau tækifæri sem þar liggja. Aukið samstarf bæði svæðisbundið og á landsvísu er líklegt til að skila auknum tækifærum til svæðisbundinnar þróunar á Íslandi.

Á ráðstefnunni verða 10 stuttir fyrirlestrar og umræður.

Vinsamlega tilkynnið þátttöku á netfangið Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.

Ráðstefnan er á vegum Mennta- og menningarmálráðuneytisins.

Nánar...
 
ReykjavíkurAkademían leitar að nýdoktorum í menningar, hug- og félagsvísindum
reykjavkur akademan.jpg

ReykjavíkurAkademían leitar að nýdoktorum í menningar,  hug- og félagsvísindum

ReykjavíkurAkademían, rannsóknarstofnun og nýsköpunarmiðstöð í menningar, hug- og félagsvísindum, leitar eftir samstarfi við umsækjendur um um START rannsóknastöðustyrki Rannsóknasjóðs. Sjá www.rannis.is
Um er að ræða áætlun um nýja rannsóknastöðustyrki sem veittir eru í samstarfi við Mannauðsáætlun Evrópusambandsins (PEOPLE / Marie Curie). Hæfir til að sækja um eru allir þeir sem lokið hafa doktorsprófi á síðastliðnum fimm árum.

Leitað er eftir fræðimönnum á sviði menningar, hug- og félagsvísinda sem hafa áhuga á að sækja um styrki í samstarfi við ReykjavíkurAkademíuna og stunda rannsóknir sínar innan vébanda hennar.
Áætlunin skiptist í fjóra undirflokka:

Outgoing fellowships
Incoming fellowships
Reintegration fellowships
Fellowships without mobility

Umsóknarfrestur er til 15. júní 2011 (kl. 16:00). Styrkirnir eru veittir í 12-24 mánuði með möguleika á allt að 12 mánaða framlengingu.

Allar nánari upplýsingar um styrkina má finna á heimasíðu Rannsóknamiðstöðvar Íslands, www.rannis.is en upplýsingar um ReykjavíkurAkademíuna gefur Sólveig Ólafsdóttir framkvæmdastjóri, Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. .

Jafnfram auglýsir ReykjavíkurAkademían starfsaðstöðu fyrir sjálfstætt starfandi fræðimenn lausa til umsóknar frá og með 1. júní næstkomandi.  Nánari upplýsingar veitir skrifstofa ReykjavíkurAkademíunnar, Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. , s. 562 8561, www.akademia.is
 
Hoffmannsgallerí VINNUSTOFA 2010-11

ingi hrafn stefnsson.jpg

Mynd eftir Inga Hrafn Stefánsson

Föstudaginn 6. maí, kl. 17:00 opnar sýningin

VINNUSTOFA 2010-11 í Hoffmannsgalleríi.

ReykjavíkurAkademían Hringbraut 121 (JL-húsið) 4. hæð

Á sýningunni eru verk eftir 7 listamenn sem hafa unnið í nokkurs konar vinnustofu í Myndlistaskólanum í Reykjavík í vetur. Vinnustofan er samstarfsverkefni Myndlistaskóla Reykjavíkur og Fjölmenntar, símenntunar- og þekkingarmiðstöðvar. Síðastliðna þrjá vetur hefur Myndlistaskólinn boðið heilsvetrarnám í myndlist fyrir fatlað fólk og er markmið námsins að þátttakendur kynnist helstu aðferðum í hugmyndavinnu og útfærslu í myndlist og þeir finni eigin styrk og listræna sérstöðu. Vinnustofan er hugsuð sem framhald þess náms.

Í upphafi vetrar var byrjað á því að kanna hvað hver einstaklingur hefði áhuga á að gera og með tiliti til þess og fyrri vinnu og verka stakk leiðbeinandinn upp á plani fyrir hann að vinna eftir. Leiðbeinandinn fylgdist síðan með vinnunni, aðstoðaði eftir þörfum, benti á það sem betur mætti fara og mögulegar úrvinnsluleiðir. Hann fylgdist með framvindu nemandans og hjálpaði honum að teygja út ramma sinn og fjölga möguleikum sínum. Það var þó nemandinn sem réð ferðinni allan tímann.

Nánar...
 
<< Byrja < Fyrra 1 2 3 4 5 6 7 8 9 10 Næsta > Endir >>

Síða 1 af 42
Icelandic (IS)English (United Kingdom)