"Газпром" можа абмежаваць пастаўкі газу ў Беларусь, калі яна не верне запазычанасць перад манапалістам у памеры 137 млн. долараў, паведамляюць расійскія "Ведомости" са спасылкай на крыніцы, блізкія да газавага канцэрна.

Чарговыя інвестыцыі British American Tobacco у мадэрнізацыю вытворчых магутнасцей Гродзенскай тытунёвай фабрыкі "Нёман" з’яўляюцца прыкладам паспяховага супрацоўніцтва ў складаных умовах эканамічнага крызыса - такой думкі прытрымліваецца кіраўніцтва фабрыкі.

З 20 мая па 31 жніўня ў дзённы час сутак (з 11.00 да 21.00) пры тэмпературы паветра вышэйшай за 25 градусаў будзе абмежаваны рух транспартных сродкаў з нагрузкай на адзіночную вось больш як 6 т. Рух такога аўтатранспарту дазволены ў начны час (з 21.00 да 11.00).

21 красавіка Эканамічны суд СНД вырашыў прыняць да разгляду іскавую заяву ўрада Беларусі да ўрада Расіі аб парушэнні палажэнняў дзеючых дагавораў аб свабодным гандлі і Мытным саюзе ў рамках ЕўрАзЭС у сувязі з увядзеннем пошлін на нафтапрадукты, якія вывозяцца з тэрыторыі Расіі ў Беларусь.

У Беларусь у бліжэйшыя 12 месяцаў плануецца паставіць 4 млн.т венесуэльскай нафты. Аб гэтым заявіў 17 мая ў эфіры Першага нацыянальнага канала намеснік дырэктара ЗАТ "Беларуская нафтавая кампанія" Аляксандр Дзямідаў.

Беларускі бок на сустрэчы кіраўнікоў урадаў краін Мытнага саюза ў Санкт-Пецярбургу будзе настойваць на адмене мытных пошлін на нафту і нафтапрадукты ва ўмовах саюза.

У студзені-красавіку 2010 года аб’ём вытворчасці прамысловай прадукцыі прадпрыемстваў Мінска знізіўся на 0,1% у супастаўных цэнах у параўнанні са студзенем-красавіком 2009 года пры гадавым прагнозе росту на 14,5-16,5%.

Аляксандр Лукашэнка даў права ўраду рэспублікі выпусціць еўрааблігацыі на $ 2 млрд. Адпаведны ўказ апублікаваны на нацыянальным прававым інтэрнэт-партале.

Крэдытаванне эканомікі ідзе ў поўным аб'ёме, на эфектыўныя праекты, заявіў старшыня кіраўніцтва Нацыянальнага банка Пётр Пракаповіч 14 мая падчас справаздачы Аляксандру Лукашэнку, паведаміла прэс-служба беларускага кіраўніка.

Аб'ём выручкі ад рэалізацыі работ, паслуг, маёмасных правоў на аб'екты інтэлектуальнай уласнасці рэзідэнтамі Парка высокіх тэхналогій за першы квартал 2010 года склаў 98,1 млрд. рублёў, прырост да аналагічнага перыяду 2009 года — 38%.

Камітэт дзяржаўнага кантролю па Гродзенскай вобласці ўзмацняе барацьбу з фактамі прыярытэтнай рэалізацыі імпартнай прадукцыі і прымушае гандлёвыя прадпрыемствы ажыццяўляць продаж выключна тавараў беларускай вытворчасці.

Індывідуальныя прадпрымальнікі Гродзеншчыны і прадпрыемствы недзяржаўнай формы ўласнасці істотна павялічваюць выплаты падаткаў і сваю долю ў фармаванні бюджэта.

Яравыя культуры займаюць 2 млн. 215,8 тыс.га, або 92,8 працэнта ад запланаванага. Па тэмпах сяўбы сярод рэгіёнаў лідэрам стала Гомельская вобласць, дзе сяўба яравых ужо завяршылася.

Эканамічны семінар "Мэтавы рынак - Беларусь" праходзіць сёння ў Таліне (Эстонія). Як адзначыў начальнік упраўлення інфармацыі - прэс-сакратар МЗС Беларусі Андрэй Савіных, асноўная мэта мерапрыемства - прэзентацыя гандлёва-эканамічнага і інвестыцыйнага патэнцыялу Беларусі.

На Гродзеншчыне павялічваецца колькасць стратных прадпрыемстваў, а ў чатырох раёнах вобласці, згодна з дадзенымі галоўнага статыстычнага ўпраўлення, зніжаныя аб’ёмы прамысловай вытворчасці.