Гостивар за Италија ќе извезe 500 тони јагнешко

За велигденскиот шпиц, гостиварската кланица "Горни Полог ГВ" планира на италијанскиот пазар да извезе околу 500 тони јагнешко месо. Од оваа зделка се очекува прилив од околу 2,5 милиони евра. За исполнување на планираното од почетокот на оваа недела се работи во три смени.

Според најавите од гостиварската кланица на  трпезите за католички Велигден во Италија треба да испорачаат околу 50 илјади јагниња. 

Во наредниве дваесетина дена, сите активности околу откупот и обработка се подредени за што поуспешно да се реализира пролетниот извозен шпиц на јагнешко месо.
Откупната цена за килограм живо јагне е 160 денари, а се очекува пред крајот таа  се зголеми за десет до дваесет денари, бидејќи побарувачката значително ќе се зголеми. (З.Г.М)