|
|
|
Galicia ou Galiza é unha nación recoñecida internacionalmente en 1933 e establecida xurídica e administrativamente desde 1978 como Comunidade Autónoma segundo a Constitución española e con estatuto de nacionalidade histórica no seu Estatuto de Autonomía, dentro do Reino de España. O seu territorio está situado no extremo noroeste da Península Ibérica e linda, ao leste, coas comunidades autónomas de Asturias e Castela e León, ao oeste co Océano Atlántico, ao norte co Mar Cantábrico e ao sur coa República de Portugal.
Ten como lingua propia o galego, similar e de orixe común co portugués, e comparte oficialidade co castelán, que é oficial en todo o Estado Español.
Galicia posúe 2.778.913 habitantes (2012), cunha distribución poboacional que aglomera a meirande parte na franxa entre Ferrol e Vigo. Santiago de Compostela é a capital cun estatuto especial, dentro da provincia da Coruña. En Galicia, os núcleos urbanos con rango de cidade son sete, que segundo criterios poboacionais son os seguintes: Vigo, A Coruña, Ourense, Lugo, Santiago de Compostela, Pontevedra e Ferrol.
|
|
Vexa tamén o mes de xuño na cultura popular galega
|
|
|
|
O RMS Titanic (en inglés: Royal Mail Steamship Titanic) foi un transatlántico construído en Irlanda, que se afundiu na súa viaxe inaugural a través do Océano Atlántico Norte ao colisionar cun iceberg na noite do 14 ao 15 de abril de 1912 na viaxe a Nova York. Morreron máis de 1500 persoas e recolléronse soamente uns 300 corpos do mar. Considérase popularmente a maior traxedia naval dun só buque da historia, aínda que outros afundimentos producisen máis vítimas, coma os do Steuben (4500) ou o Wilhelm Gustloff (7000).
O Titanic era o segundo dun trío de transatlánticos, a clase Olympic, que pretendía dominar o negocio das viaxes transoceánicas a principios do século XX.
O RMS Olympic foi botado ao mar no 1910 e entrou en servizo no 1911, o Titanic foi botado no 1911 e entrou en servizo no 1912, e o HMHS Britannic (orixinalmente RMS Gigantic) foi botado no 1914 e entrou en servizo no 1915, aínda que o estalido da Gran Guerra fixo que nunca prestase servizo comercial, sendo destinado a buque hospital.
Foron deseñados por Thomas Andrews e eran propiedade da White Star Line, foron construídos nos estaleiros de Harland and Wolff en Belfast (Irlanda do Norte, Reino Unido), a clase Olympic destacaba polo seu tamaño, luxo e avances técnicos fronte aos Transatlánticos da competencia, o RMS Mauretania e o RMS Lusitania, da Cunard Line. O Titanic foi o barco de pasaxeiros máis grande e luxoso da época xunto co Olympic.
|
|
|
- 1389, forzas otomanas arrasan os exércitos da Europa cristiá en Kosovo, abrindo camiño para a conquista otomana do sueste europeo.
- 1914, Francisco Ferdinando, Arquiduque da Austria e herdeiro do trono austro-húngaro, é asasinado en Saraievo por Gavrilo Princip, un nacionalista serbio, desencadeando a Primeira Guerra Mundial.
- 1931, nas Eleccións a Cortes Constituíntes en Galicia a ORGA, que concorría baixo as siglas da FRG, resultou a forza vencedora con 14 escanos. Nas Cortes, a FRG, os galeguistas e algún outro deputado formaron a Minoría Gallega.
- 1936, celébrase o plebiscito do primeiro Estatuto de Autonomía de Galicia
- 1969, clientes do bar Stonewall Inn de Nova York, voltado para o público homosexual e transexual, fan fronte á acción policial alí ocorrida, desencadeando dous días de protestas que culminaron na marcha do 1 de xullo de 1970, precursora das do Orgullo Gai.
- 1984, trasládase a Galicia entre polémicas e violencia os restos de Castelao, para o seu enterramento en Bonaval.
Hoxe é o Día do Orgullo Gai.
|
|
Vexa máis efemérides do día de hoxe
|
|
|
|
|
|
 Índice de categorías |
|
|
|
COMOs 
Índice de categorías
