Tabares
heyəti seçdi
3-5 yanvar 2014-cü il tarixdə 20 yaşadək oğlanlar arasında voleybol üzrə Avropa çempionatının seçmə qrup oyunları keçiriləcək. Baş məşqçisi kubalı mütəxəssis Sillis Tabares Leonardo olan Azərbaycan yığması seçmə qrup oyunlarını göstərilən vaxtda İngiltərənin Ketterinqe şəhərində keçirəcək.
Rəqibsə ev sahibi ilə yanaşı, Norveç yığması olacaq. Artıq oyunların təqvimi də bəllidi. Yanvarın 3-də voleybolçularımız Norveçdən olan həmyaşıdları ilə, ertəsi günsə ev sahibləri ilə qarşılaşacaqlar. Yanvarın 5-də isə İngiltərə - Norveç matçı ilə qrup oyunlarına yekun vurulacaq. Reqlamentə görə qrupda birinci yeri tutan komanda mübarizəni növbəti mərhələdə davam etdirmək hüququ qazanmış olacaq.
Yeri gəlmişkən yığmamızın kubalı çalışdırıcısı həmin oyunlarda xidmətindən istifadə etmək istədiyi oyunçuların adlarını elan edib. O, 12 nəfərdən ibarət heyətə İlkin Əliyev, Vüsal Rüstəmov, Laçın Rzayev, Əlif Məmmədli, Elməddin Məmmədli, Aqil Ağazadə, Vaqif Əliyev, Vüqar Həsənov, Elnur Hüseynov, Cahangir Cahangirli, Anar Məqsudzadə və Kənan Mustafeyevi cəlb edib.