Prezidan Martelly ak jounalis Jacquelin Bélizaire abòde kesyon tankou pwosesis elektoral la, fòmasyon konsèy elektoral pwovizwa a, reyalizasyon administrasyon Martelly-Lamothe la jiskaprezan, epi, antwòt, relasyon ant CSPJ a avèk KEP a.
Prezidan Michel Martelly pran lapawòl nan yon seremoni remiz diplòm nan Kolèj Entè-Ameriken Defans la ki nan Washington e kap fonksyone anba lobedyans Oganizasyon Eta Ameriken yo (OEA). Gen 4 ayisyen pami diplome yo.
Itali elimine nan koup di mond la menm jan ak Espay e Langletè, apre italyen yo pèdi devan Irigwe 1 a 0 -yon rankont Italyen yo te dwe ranpòte pou yo pase nan faz dechoukaj konpetisyon an.
Nan moman plizyè sektè kwè pwosesis electoral la twouve l nan yon enpas, anbasadè ameriken an nan Pòtoprens gen espwa sena a pral vote amandman electoral la anvan lontan.
Nan peyi Lejip, yon tribinal kondane 3 jounalis televizyon Al-Jezeera ki te anba akizasyon deske yo tap apiye gwoup politik entèdi Fratènite Mizilman an e yo tap sikile fo enfòmasyon, nan yon pwosè ki te pwovoke gwo kondanasyon entènasyonal.