Wikipèdia:La tavèrna

Benvenguts a la Tavèrna de la Wikipèdia Archius de la tavèrna Tavèrna dels non-occitanofòns

Totas las discussions de 2013 son desenant archivadas. --— Joan Francés B. ^{(me´n parlar)} 3 genièr de 2014 a 07.32 (UTC)

Bona Annada!

Adieu a totes, espèri qu'avètz agut de fèstas de las bonas. Vos desiri una Bona Annada plan granada e acompanhada que siá plan melhora que las precedentas per vosautres e vòstras familhas e l'occitan! Amistats, a lèu, Claudi/Capsot (d) 1 genièr de 2014 a 12.19 (UTC)

Bona annada e VisualEditor arriba

Bona annada a totes, mercé a Claudi e als autres que fan avançar la wikipèdia occitana.

Avètz legir en decembre un messatge en anglés sus l'arribada de l'editor de paginas "visual" (sens afichatge de las marcas de compaginacion). Ne faguèri ièr la traduccion en occitan sus TranslateWiki. Deu arribar sus la wp occitana de cap al 12 de genièr. Vòstras remarcas son plan vengudas. --— Joan Francés B. ^{(me´n parlar)} 3 genièr de 2014 a 07.35 (UTC)

Adieu, per çò qu'ai vist endacòm mai, ai de mal a veire son utilitat. Personalament me geina mai que m'ajuda, que m'engani sovent d'endrech quand vòli copiar quicòm per exemple... mas bon veirem... Senon, voliái dire que tu e totes los autres avètz fach e fasètz un brave trabalh de tria. A lèu, amistats, Claudi/Capsot (d) 3 genièr de 2014 a 21.19 (UTC)

Bona Annada 2014 !

Vos desiri una excellenta annada a totes ǃ --Cedric31 (d) 3 genièr de 2014 a 17.38 (UTC)

De novèlas de la « corsa de chivaus »

Per començar una excellenta annada, lo lindau dei 25 pts es agantat dins lo classament de la tièra de Wikipèdias per un escapolon d'articles.--Nicolas Eynaud (d) 7 genièr de 2014 a 08.57 (UTC)

Adieu, una autra bona nòva, sèm montats un pel mai! Bon vèspre, a lèu, Claudi/Capsot (d) 6 febrièr de 2014 a 21.10 (UTC)

Wikidatar o wikidatar pas, aquí la question???

Adieu a totes, Fa ja un momenton qu'aviam parlat de l'afar de Wikidata e que lo daquòs es estat botat en "velha"... Pensi que se fasèm pas res contunharà aital que Boulaur sembla d'aver abandonat, mai o mens, definitivament la Wikipèdia. En consequéncia actualament los articles semblan nuses... La question doncas es Wikidata o infobóstias tradicionalas? A mai i aja de causas que m'agradan pas Wikidata pòt èsser quicòm de plan util e la solucion d'un futur mai o mens pròches. Pasmens n'ai pas pro d'informacions per ara e son emplec es, a mon vejaire, marginal dins las Wikipèdias... e ai l'impression que capita pas de passar de l'estadi experimental. Pensi que vist que lo daquòs es començat seriá benlèu bon de lo reactivar e d'apondre la categoria qu'empacha lo disfoncionament tre que vesèm que i a un problèma. N'ai fach ja qualques centenats e pensi que dapasset i arribarem, almens o espèri... A lèu, espèri de poder legir vòstres vejaires lèu. Amistats, Claudi/Capsot (d) 20 genièr de 2014 a 20.52 (UTC)

Adieu Capsot. Completament d'accòrd, seriá damatge de pas aprofièchar del trabalh ja complit per Bonlaur. Lo problèma es que mancam de qualqu'un que sàpia resòlvre las dificultats tecnicas de Wikidata, e n'i a un fum. Per exemple dins aquelas infobóstias i pas sonque lo problèma de la categoria a apondre, aquò rai, mas i tanben aqueles messatges roges "SCRIPT ERROR" qu'ai ensajat de far desapareisser mai d'un còp, sempre sens capitar. Tanben aquela rubrica "FISICA" totjorn presenta dins l'infobóstia: de que vòl dire? sens parlar de la rubrica "homo sapiens" per totes las personas, me sembla un pauquet estranha, non?

Ai vist tanben de còps que i a, que los còdes Wikidata Q seguit de chifras , desapareisson pas e mai quora la categoria en question es estada creada a Wikidata. Bon arresti aquí que vòli pas descoratjar lo monde...Jiròni (d) 22 genièr de 2014 a 11.51 (UTC)

Adieussiatz. Soi pas tant segur que i aja de dificultats tecnicas. La planeta Wiki* es comola de mond lèstes a ajudar... Mas fa de meses que Boulaur respond pas mos messatges. Lo problèma "script error" es degut a una tròp gròssa complexitat dels escripts utilizats, escrichs o adaptats per Boulaur. Es coma las paginas sus las comunas, que nos avian valgudas una menaça de blocatge: d'escripts o de modèls tròp complicats an un impacte fòrt sus l'anar dels sistèmas qu'albergan Wikipèdia, e los informaticians dins aquel cas prenon de decisions mai trencadas. Per las dintradas en "q" de Wikidata que demòran, es que la mesa a jorn es pas immediata (i a un sistèma d'amagatal) - cal esperar un pauc. Ai de contactes que podriai activar se Boulaur es disponible. --— Joan Francés B. ^{(me´n parlar)} 7 febrièr de 2014 a 04.45 (UTC)

Mèfi a la tendéncia "localista"...!

Adieu a totes, Sabi que i a una tendéncia actualament a reivindicar d'emplecs mai locals subretot dins l'airal de Tolosa, tendéncia que venguèt clarament vesedoira a partir dels darrièrs escriches d'Eric Fraj. Sens voler dintrar dins la polemica, nos cal veire mai que mai la practicitat de l'aisina. Personalament pensi qu'es ja pro complicat aital amb las grandas varietats qu'èran emplegadas per ara per anar cercar mai de problèmas amb de solucions mai localas, mens normativas se preferissètz qu'a mon vejaire geinan mai encara, en demandar als tres o quatre qu'escrivon de dominar una multiplicitat tròp importanta de varietat/variacion. Concretament soi plan embestiat quand vesi un article sus Gaudí per exemple qu'ai enveja de melhorar mas qu'es escrich dins un gascon que domini pas pro o pas gaire. Va plan d'apondre una o doas frasas e mai s'i pèrdes mai de temps que dins ta varietat abituala mas... Puèi, la solucion aisida seriá de passar tot aquò en lengadocian mas me geina... 1) pel respècte de la persona que comencèt l'article e 2) per la paur de poder semblar lengadocianocentric... Vos o disi es ja pro complicat aital, evitem de nos copar encara mai lo cap, personalament vau pas cambiar lo a le dins los articles del país tolosan o a el s'escrivi dins l'airal donesanés; es tròp complicat e fals, qu'en realitat (malgrat ma coneissença de la dialectologia occitana) podèm pas dominar totas las subtilitats del(s) parlar(s) local(s) e caldriá doncas servar, a mon vejaire, las solucions de compromés mai abitualas fins ara (NB: en lengadocian litoral s'emplega pas foguèt mas de formas siaguèt o seguèt e a l'oral vos disi pas... Mercés, a lèu, amistats, Claudi/Capsot (d) 15 març de 2014 a 22.22 (UTC)

Adieu, Soi ieu qu'ai adaptat los articles sus Tolosa, Le Miralh e Godolin. Me sembla coerent amb la charta lingüistica de nòstra Wikipèdia que preconiza que los articles sián escriches dins lo parlar del tèma concernit. Me coneissètz, soi lo Widipedian occitan lo pus ancian e soi pas particularament localista ; soi ieu que tradusissi l'interfàcia, per exemple, e fau atencion d'utilizar una lenga englobanta amb los mots los mai "comuns" possible.
Lo parlar mondin es en perilh ; demòri a Tolosa, e aquí, los corses dins las escòlas, las placas de las carrièras son en albijòroergat, es pas dramatic, mas es simptomatic de la situacion ; qualques motets cambiats, que remeton pas en compte las redireccions o los ligam entre los articles deurián pas geinar. Pasmens, s'aquò vos tracassa, mas modificacions pòdon èsser anulladas, mon intencion èra pas de reobrir una discussion sus tot aquò.
Coralament --Cedric31 (d) 16 març de 2014 a 06.58 (UTC)

Per l'article sus Gaudi, i a mantuna solucion. Pòdes demandar a la persona que creèt l'article s'aquò la derenga pas que lo passes en lengadocian (coma faguères), o alara lo pòdes completar dins ton parlar e demandar a qualqu'un que parle naut biarnés de lo t'adaptar.

Adieu, l'exemple èra marrit, èra pas Gaudí e pòdi pas remembrar ara qual èra... qualqu'un d'important pr'aquò (benlèu Pau Casals...)... Per çò qu'es de la carta, sabi pas exactament çò que s'i ditz, pasmens pensi pas que siá talament "ponchuda", val a dire qu'a mon vejaire, es puslèu lo dialècte e pas lo parlar (çò qu'es fòrça mai complicat de gerir...) que deu èsser pres en compte... Mai enlà de la forma de l'article "lo/le/so/el/eth"..., es la variacion morfologica que risca de venir problematica (es mens problematic tanben se s'agís d'una creacion d'article (podèm pas censurar la lenga de qualqu'un que crèa e mai se podèm corregir çò qu'i es fals/incorrècte) que d'una modificacion, sovent limitada a una "correccion"/passatge al local...), qu'en far local dobrisses la pòrta a de causas coma "aveire, agueire, avudre, agudre, avedre, aguedre, aguer", "vodre, vorre" etc... caracteristicas dels parlars litorals qu'an pas tròp sa plaça e que pòrtan pas res... Començar amb de "fosquèc", "fasquèc" (que son pas mai emplegats a Tolosa dempuèi la fin del sègle XIX a mai) e mai portarà pas res, manca mai de confusion. Ensagem, se podèm, de descomplicar l'afar e d'evitar los problèmas de lenga que crèan sonque de polemicas e fan pas avançar la causa. A lèu, amistats, Claudi/Capsot (d) 16 març de 2014 a 12.16 (UTC)

Aquí la carta e aquí los vòtes amb en pagina estacada las longas discussions que se faguèron a l'epòca. Aquò reglèt pas tot, mas permetiguèt lo debat. Coma te disiái, mas modificacions pòdon èsser anulladas, parli pas tolosenc, lo preni pas personalament, me semblava logic d'adaptar aqueles tèxtes e d'alhurs m'aprestavi a o far per Lagarda, Fraj o qualques unes mai. Avèm reüssit, dempuèi 2006, a bastir un projècte per una lenga unica en ne fasent veire la pluralitat, atal contunharem. Es sonque una question de dòsi, probable qu'aicí i a una pichona diferéncia d'apreciacion entre nautres, mas rai. Amistats --Cedric31 (d) 16 març de 2014 a 13.43 (UTC)

Adieu, mercés per las entresenhas. Ai vist que precisament aviái votat contra per la paur de veire "corregits" d'articles dins una varietat que correspond pas tròp a la varietat de referéncia o puslèu a una vision de çò qu'es admissible o pas (concretament en aquel temps m'aviá exasperat e mai conflat de veire que mos "mai" èran corregits en "pus"... entre d'autras causas). Coma t'o disiái, lo problèma es pas la redaccion iniciala fin finala, mas puslèu lo fach de passar aprèp, "corregir" dins un cèrt biais, sens apondre pas gaire o res de quantitativament o qualitativament concret dins l'article, mas simplament voler far "color locala"... Me passèt aquò per d'articles del país de Nimes, qu'aviái redigit en lengadocian e que me foguèron passats en provençal, e mai se lo parlar de Nimes respond pas a debon a totas las caracteristicas del provençal, e que tornèri modificar en foncion de çò del país (aqueu > aquel per exemple)... es pesuc, es contraproductiu e pòt menar sonque a de guerrilhas de qual ne sap mai en lenga o en dialectologia... Doncas cresi que deuriam establir coma "règla" o "nòrma" implicita (pas besonh de ne far una règla/lei) que se l'article es pas modificat substancialament (almens doas o tres linhas) se deuriá pas tocar çò qu'es estat escrich, manca corregir las fautas possiblas que s'i passejan. Mercés tornarmai, bon coratge per tot e bona fin de dimenjada, a lèu! Claudi/16 març de 2014 a 16.40 (UTC)

Recòrd batut

Lo nombre recòrd de vizualizacions mensualas d'òctòbre de 2013 (3,6 milions) es batut per abriu de 2014 ([1]). Eriam ja a 3,8 milions lo 27 e lo nombre finau pòu belèu passar lei 4 milions per lo premier còp de l'istòria de la wikipèdia nòstra.--NE (d) 28 abril de 2014 a 18.54 (UTC)
ːːÒsca ǃǃǃ --Cedric31 (d) 6 mai de 2014 a 13.34 (UTC)

Una associacion per la Wikipèdia occitana

Adissiatz monde de la Wikipèdia,
Dempuèi d'annadas s'evòca l'oportunitat e l'interès de crear una associacion Wikimèdia per l'occitan.
Aquí d'unas discussions ancianas a prepaus d'aquel subjècte ː Wikipèdia:Proposicion de creacion d'ua associacion
A qualques (paucs) fondators de la Wikipèdia occitana, amb aquela idèa, bastiguèrem, fa qualques annadas, l'associacion "Tot en òc", qu'amb son site internet www.totenoc.org nos permet de publicar los projèctes e traduccions de logicials que realizam.
Al moment que de mai en mai d'estructuras e de monde an besonh d'aisinas informaticas e que de proposicions de collaboracion ambiciosas nos son fachas (ne vos parlarai mai en detalh), solliciti vòstra implicacion dins aquela associacion. Nos cal retocar los estatuts (per mai d'independéncia e de neutralitat) e nos melhor estructurar. L'estructura existís e pòt ja se prevaler de realizacions concretas e d'un istoric ; sufiriá de la far evoluar dins lo sens que volèm.
Qué ne pensatz ? Se vos va, prepausarai una "presa de decision" per ne parlar. --Cedric31 (d) 22 mai de 2014 a 20.25 (UTC)

Adissiatz,
Vos prepausi de reactivar la discussion sus l'oportunitat de crear una associacion, per portar e difusar los projèctes de Wikimèdia en lenga occitana.
La discussion se fa aicí ː Wikipèdia:Presa de decision/Associacion, es dobèrta per un mes complet.
Quand de proposicion seràn fachas, votarem per nos posicionar sus aquel subjècte.
Plan coralament. --Cedric31 (d) 25 mai de 2014 a 11.11 (UTC)

Wikimédia France serait heureuse de pouvoir aider à la création/participation d'une « associacion Wikimèdia per l'occitan ». Il faudrait aussi tenir au courant la Wikimedia Foundation (qui possède la marque « Wikimédia », voir la page m:Affiliations Committee/fr). Cdlt, VIGNERON (d) 16 de junh de de 2014 a 15.16 (UTC)

Media Viewer

Greetings, my apologies for writing in English.

I wanted to let you know that Media Viewer will be released to this wiki in the coming weeks. Media Viewer allows readers of Wikimedia projects to have an enhanced view of files without having to visit the file page, but with more detail than a thumbnail. You can try Media Viewer out now by turning it on in your Beta Features. If you do not enjoy Media Viewer or if it interferes with your work after it is turned on you will be able to disable Media Viewer as well in your preferences. I invite you to share what you think about Media Viewer and how it can be made better in the future.

Thank you for your time. - Keegan (WMF) 23 mai de 2014 a 21.29 (UTC)

--This message was sent using MassMessage. Was there an error? Report it!

The 20-20 Vision of Wales Challenge

(Please translate the following:)

We have listed 20 ESSENTIAL articles which we believe would complement and enhance the Occitan Wikipedia. Please join us by creating or expanding articles on Welsh places, people and some of the things which make our hearts beat. Wales, like yourself, is a small nation, but we both have a large heart!

It would be lovely to have you on board. :-)

Diolch yn fawr - many thanks! We look forward to seeing you! Llywelyn2000 (d) 24 mai de 2014 a 11.11 (UTC)

Media Viewer is now live on this wiki

Media Viewer lets you see images in larger size

Greetings— and sorry for writing in English, please translate if it will help your community,

The Wikimedia Foundation's Multimedia team is happy to announce that Media Viewer was just released on this site today.

Media Viewer displays images in larger size when you click on their thumbnails, to provide a better viewing experience. Users can now view images faster and more clearly, without having to jump to separate pages — and its user interface is more intuitive, offering easy access to full-resolution images and information, with links to the file repository for editing. The tool has been tested extensively across all Wikimedia wikis over the past six months as a Beta Feature and has been released to the largest Wikipedias, all language Wikisources, and the English Wikivoyage already.

If you do not like this feature, you can easily turn it off by clicking on "Disable Media Viewer" at the bottom of the screen, pulling up the information panel (or in your your preferences) whether you have an account or not. Learn more in this Media Viewer Help page.

Please let us know if you have any questions or comments about Media Viewer. You are invited to share your feedback in this discussion on MediaWiki.org in any language, to help improve this feature. You are also welcome to take this quick survey in English, en français, o español.

We hope you enjoy Media Viewer. Many thanks to all the community members who helped make it possible. - Fabrice Florin (WMF) (talk) 19 de junh de de 2014 a 21.54 (UTC)

--This message was sent using MassMessage. Was there an error? Report it!

IMPORTANT : Examèn de l'activitat administrator

Bonjorn. Una novèla decision a prepaus del levament dels "dreches avançats" (administrator, burocrata, etc.) es estada adoptada recentament per un consensus general de la comunautat (vòstra comunautat a recebut un messatge a prepaus d'aquela discussion). En seguida d'aquela decision, los stewards examinan actualament l'activitat administrator dels pichons wikis. Per autant que sapiam, vòstre wiki a pas cap de procedura precisa per levar los "dreches avançats" als comptes inactius. Aquò significa que los stewards se'n van ocupar, segon las novèlas proceduras d'examèn d'activitat administrator.

Avèm establit que los utilizaires seguents reünisson los critèris d'inactivitat (pas de contribucion ni de connexion dempuèi mai de 2 ans) :

1. Midom (administrator) ;
2. ScArf (administrator) ;

Aqueles utilizaires recebràn lèu un avís que lor demanda de dobrir una discussion publica se vòlon conservar tot o partida de lors dreches. En l'abséncia de responsa, lors dreches avançats lor seràn levats pels stewards.

Pasmens, se vòstra comunautat vòl establir son pròpri processus d'examèn de l'activitat qu'anullat e remplaça los critèris retenguts mai globalament, se vòstra comunautat vòl prene una decision diferenta a prepaus dels detenidors de dreches que demòran inactius o se vòstra comunautat a ja pres una decision qu'auriam pas presa en compte, dins aqueste cas precisatz-lo se vos plai als stewards sus Meta-Wiki per tal que metam pas en plaça cap d'examèn dels estatuts dels utilizaires sus vòstre wiki. Mercé, Rschen7754 25 de junh de de 2014 a 01.33 (UTC)