കാസർകോട്: പത്തു കോടി രൂപയിൽ താഴെ നിർമ്മാണച്ചെലവു വരുന്ന പാലങ്ങൾക്ക്  ടോൾ പിരിവ്  ഒഴിവാക്കാനുള്ള ഓർഡിനൻസിനെ പറ്റി അടുത്ത കാബിനറ്റ് യോഗത്തിൽ തീരുമാനമുണ്ടാവുമെന്ന്  പൊതുമരാമത്ത് മന്ത്രി വി.കെ.ഇബ്രാഹിംകുഞ്ഞ്  പറഞ്ഞു.
നെല്ലിക്കുന്ന് കടപ്പുറം പാലം ഉദ്ഘാടനം ചെയ്യുകയായിരുന്നു അദ്ദേഹം.
നിർമ്മാണച്ചെലവ് അഞ്ചു കോടി രൂപയിലേറെയുള്ള പാലങ്ങൾക്ക് ഇപ്പോൾ ടോൾ പിരിക്കുന്നുണ്ട്. പാലം നിർമ്മാണത്തിനു സ്ഥലം ഏറ്റെടുക്കാൻ വൻതുക വേണ്ടിവരുന്നു. 25 ലക്ഷം രൂപ  ചെലവിൽ നിർമ്മിക്കുന്ന പാലത്തിനു സ്ഥലം ഏറ്റെടുക്കാൻ ഒരു കോടി രൂപ ആവശ്യമാണെന്നു വന്നാലോ?പാലത്തിന്റെ അപ്രോച്ച് റോഡിനു ഭൂമി നൽകാൻ ജനങ്ങൾ തയ്യാറാവണമെന്നു മന്ത്രി പറഞ്ഞു.