Կազմակերպություններ
Ազգային փոքրամասնություններ
Վայոց ձորի մարզում բնակվող ազգային փոքրամասնություններ
Վայոց ձորի մարզում ազգային փոքրամասնություններով բնակեցված ամբողջական բնակավայրեր չկան:
2001 թվականի մարդահամարի տվյալներով` Սյունիքի մարզում բնակվում է ազգային փոքրամասնությունների ընդամենը 140 ներկայացուցիչ, որից` 71-ը ռուսներ, 49-ը` այլազգիներ: Մարզի ռուսազգի ներկայացուցիչներից 39-ը քաղաքաբնակ է, 32-ը` գյուղաբնակ, այլազգի ներկայացուցիչներից քաղաքաբնակ է 33-ը, գյուղաբնակ` 16-ը:
Ազգային փոքրամասնությունների լեզուներից մարզում գործածական է միայն ռուսերենը: Ազգային փոքրամասնությունների կողմից պետական և տեղական ինքնակառավարման մարմինների հետ հարաբերություններում ռուսերենով հաղորդակցվելու խնդիրներ չեն առաջացել:
Ազգային փոքրամասնությունների ներկայացուցիչների կողմից կառուցված պատմական հուշարձաններ մարզում չկան: Սակայն 20-րդ դարի վերջերին Վայոց ձորի մարզում հայտնաբերվել է հրեական գերեզմանատուն` 64 ամբողջական տապանաքարերով:
Մարզում գործում են ռուսերենի խորացված ուսուցմամբ կրթական 4 հաստատություններ` Եղեգնաձորի թիվ 2 հիմնական, Վայքի թիվ 2 հիմնական, Ջերմուկի թիվ 1 հիմնական և Մալիշկայի թիվ 2 միջնակարգ դպրոցները:
Մալիշկա գյուղում գործում է հայ-ռուսական բարեկամության թանգարան, իսկ նույն գյուղի թիվ 2 միջնակարգ դպրոցում` հայ-ռուսական բարեկամության լսարան: