Portugal

Der Artikl is im Dialekt Obaboarisch gschrim worn.

Portugal
(Flaggn) (Woppm)
Amtssproch	Portugiesisch
Haptstod	Lissabon
Stootsform	Parlamentarische Republik
Stootsoberhaupt	Präsident Aníbal Cavaco Silva
Ministerpresident	Pedro Passos Coelho
Flechn	92.345 km² (50. Plotz)
Oawohnerzoi	10.543.290 (2006) (30. Plotz)
Beväikarungsdichtn	115 Eiwohner pro km²
BIP	$20,673 pro Kopf
Hymne	A Portuguesa
Wearung	Euro
Zeitzona	UTC
Kfz-Kennzeichen	P
Internet-TLD	.pt
Vorwoi	+351

Portugal (amtle República Portuguesa) is a eiropejischa Stoot im Westn vo da iberischn Hoibinsl. Im Westn und Siadn weads vom Atlantischn Ozean, im Ostn und Noadn vo Spanien begrenzt. Zan portugiesischn Stootsgebiet ghean aa de Insln vo de Azoren und Madeira (mit Porto Santo). Westli vo da Haptstod Lissabon liegt[Cabo da Roca, da westlichste Punkt vom europejischen Festland.

Da Nama Portugal kimmt vo da Siedlung Cale im Nordn, wo friara a wichtiga Hofn wor. Drum ham de Rema, wo Portugal a Teil vom remischen Reich gwen is, Portus Cale dazua gsogt. Da draus is spada Portugal worn, und aus der Siedlung de Stod Porto.

Eadkunde

As portugiesische Festland hod vaschiedne Landschoftsforma: im Norden is eha bergig und grea, do woxn aa de moastn landwiatschoftlichn Gita vom Land. im Winta kos in de Berg recht koid wern. Noch Sidn hin werds oiwei flocha, hoassa und drickana. Do hods nacha eha Baam wia Eukalyptus oda Poimen, und s'kimmt im Summa regelmassi zu Woidbrand. Ganz im Siden liagt de Algarve, a beliabts Urlaubsgebiet.

Zum Stoot ghean aa no mehrane Inseln im Atlantik: d'Azoren und Madeira. Auf de Azoren hods aa an gressten Berg vo ganz Portugal, an Monte Pico (2.351 m).

Beväikarung

D'Eiwohner vo Portugal han insgsamt recht oaheitlich, bsundas wann mas mit sein Nochbarn Spanien vergleicht. D'ollagresste Mehrheit is katholisch und spricht im Oidog portugiesisch, bloß im Norden hods a poor Deafa wos an asturischn Dialekt ren. Auslända hods a ned so vui im Land (Portugal is ned reich gnua), und de wo do han kumman zum Großtei eh aus ehemolign Kolonien (Brasilien, Kap Verde, Mosambik oda Angola), han a katholisch und redn portugiesisch ois Muattasprach.

Heitzdog lem d moastn Portugiesen in da Stod, vor oim an da Kistn. As Hinterland is dageng ned so dicht bsiedelt. De greßten Städt (2006) han:

• Lissabon (508.209 Oawohner)
• Porto (246.264)
• Amadora (179.486)
• Braga (123.367)
• Setúbal (118.056)
• Coimbra (107.506)
• Queluz (107.328)

Politik

Seit da Revolution vo 1974 is Portugal a parlamentarische Republik. Da offiziej Chef is da President, wo oi fimf Joar vom Voik direkt gwäid wead. Da President hod a weng mea zan sogn wia in Deitschland oda in Östareich, zum Beispui isa da oberste Kommandant vo da Armee. Da Schef vo da Regierung is owa da Ministerpräsident, de wor wiedeum vom Präsident ernennd werd. Dea muass owa mit de Mehrheitsvoäitnisse im Parlament zammapassen, des wo da President owa jedazeit auflesen ko.

S Parlament werd oi via Joar im Vahejtniswoirecht vom Volk gwäid. D'wichtigsen Partein han d'Sozialisten (PS) und d'Sozialdemokraten (PSD) (wobei noch unsere Verhejtnis de Sozialisten eher Sozaldemokraten und d'Sozialdemokraten eher konservativ/birgerlich han). Greane und Kommunisten hots a im Parlament.

Gliedarung

Portugal is in fimf Regiona am Festland und zwoa autonome Regionen (Azoren, Madeira) im Atlantik eiteilt. D'Regiona han säibst wieda in 28 Subregiona zalegt. Danem gibts owa aa a Eiteilung in 18 Distrikt, wo mit de Regiona ned gscheid zammapassen. Und neilich homs no a neie Gliederung mit siem Metropolregiona, zwejf Stodgreis und via Landgreis eigfiat.

Kuitua

Portugiesische Kuhe

Drangln

Glas mit Portwein

Da portugiesische Portwein is wäidweit bekonnt. S is a Likeawein, wo vor oim zua Nochspeis drunga wead. Duachn Zuasotz von Branntwein wiad da Gearungsprozess untabrocha und wearend da Logarung entsteht nacha da charaktaristische Gschmock. De Rebm dafia woxn nua in am kloan Gebiet vom Dourotoi.

Aa ondane Weinsortn ham an guadn Ruaf. De siasse Version vom Vinho da Madeira aus Madeira is a weng wia da spanische Sherry, da Madeirawein is owa in oin Variantn vo trockn bis siass zan kriagn. Im Land säim wead unta ondam da Vinho Verde („greana Wein“) gean drunga, wo in da Region Minho im Nordn vo Portugal obaut wead.

S Nationaldrangl vo Madeira is da Poncha (Punsch), a Cocktail aus Aguardente und Orangensoft (mangmoi aa duach ondane Fruchtsaftln, wia Maracujasoft, easetzt). Dazua gibts aa oft Eadniss und/oda eiglegte Bohnln.

Literadua

• Dietrich Briesemeister, Axel Schönberger (Hrsg.): Portugal heute. Politik, Wirtschaft, Kultur. Vervuert, Frankfurt am Main 1997, ISBN 3-89354-564-6
• Gilberto Freyre: Herrenhaus und Sklavenhütte. Klett-Cotta, Minga 1990, ISBN 3-423-04554-X
• Eckhart Nickel: Gebrauchsanweisung für Portugal. Piper, Minga 2001, ISBN 3-492-27520-6
• Antonio Henrique R. de Oliveira Marques: Geschichte Portugals und des portugiesischen Weltreichs. Kröner, Stuttgart 2001, ISBN 3-520-38501-5
• Henry Thorau (Hrsg.): Portugiesische Literatur. Suhrkamp Verlag, Frankfurt am Main 1997, ISBN 3-518-39270-0

Im Netz

 Wikimedia-Atlas: Portugal – geografische und historische Koartn

 Commons: Portugal – Oibum mit Buidl, Videos und Audiodateien

• cibera - Virtueje Fochbibliothek vo Ibero-Amerika / Spanien / Portugal
• Portuguese Culture, Digitale Bibliothek, Biblioteca Nacional de Portugal

Stootn in Eiropa

Albanien | Andorra | Bäigien | Bosnien-Herzegowina | Buigarien | Denemark² | Deitschland | Estland | Finnland | Frankreich² | Griachaland | Holland² | Irland | Island | Italien² | Kasachstan¹ | Kosovo | Krowozien | Lettland | Liachtnstoa | Litaun | Luxnbuag | Malta | Mazedonien | Moldawien | Monaco | Montenegro | Norwegn² | Östareich | Poin | Portugal² | Rumänien | Russland¹ | San Marino | Schweden | Schweiz | Serbien | Slowakei | Slowenien | Spanien² | Tiakei¹ | Tschechei | Ukraine | Ungarn | Vaoanigts Kinireich (UK)² | Vatikanstod | Weißrussland

¹ Liegt zan gresstn Tei in Asien.  ² Hod aa Gebiete aussahoib vo Eiropa.

 

Mitgliedsstootn vo da Eiropäischn Union

Bäigien | Buigarien | Denemark | Deitschland | Estland | Finnland | Frankreich | Griachaland | Holland | Irland | Italien | Krowozien | Lettland | Litaun | Luxnbuag | Malta | Östareich | Poin | Portugal | Rumänien | Schweden | Slowakei | Slowenien | Spanien | Tschechei | Ungarn | Vaoanigts Kinireich (UK) | Zypan

 

Mitgliedstootn vo da OECD

Australien | Bäigien | Chile | Denemark | Deitschland | Finnland | Frankreich | Griachaland | Irland | Island | Israel | Italien | Japan | Kanada | Luxnbuag | Mexiko | Neiseeland | Holland | Norwegn | Östareich | Poin | Portugal | Schwedn | Schweiz | Sidkorea | Slowakei | Slowenien | Spanien | Tschechei | Tiakei | Ungarn | USA | Vaoanigts Kinireich (UK)