Uganda
| Uganda | |||||||||
|---|---|---|---|---|---|---|---|---|---|
|
|||||||||
| Motto: For God and My Country[1] | |||||||||
|
|
|||||||||
| Informasion | |||||||||
| Nome par intiero: | Republica de ł'Uganda | ||||||||
| Nome ufisiałe: | Republic of Uganda | ||||||||
| Łéngoa uficiałe: | inglexe, swahili | ||||||||
| Cavedal: | Kampala (1 208 544 ab. / 2002) | ||||||||
| Polìtega | |||||||||
| Governo: | republica | ||||||||
| Capo de stato: | Yoweri Museveni | ||||||||
| Capo de governo: | Apolo Nsibambi | ||||||||
| Indipendensa: | 9 de otobre 1962 | ||||||||
| Ingreso a l'ONU: | |||||||||
| Area | |||||||||
| Totale: | 236 040 km² | ||||||||
| Pos. nel mondo: | 81° | ||||||||
| % delle acque: | 15,39 % | ||||||||
| Popolasion | |||||||||
| Totałe: | 28 195 754 ab. (stima 2006) | ||||||||
| Pos. nel mondo: | 43° | ||||||||
| Densità: | 105 ab./km² | ||||||||
| Giografia | |||||||||
| Continente: | Africa | ||||||||
| Fuxo oràrio: | UTC +3 | ||||||||
| Economia | |||||||||
| Vałuta: | scellino ugandese | ||||||||
| Varie | |||||||||
| TLD: | .ug | ||||||||
| Prefiso tełef.: | +256 [2] | ||||||||
| Sigla autom.: | EAU | ||||||||
| Ino nasionałe: | Oh Uganda, Land of Beauty | ||||||||
| Festa nasionałe: | |||||||||
|
|
|||||||||
Ł'Uganda, ufisialmente ła Republica de ł'Uganda, el xe on Stato de ł'Africa Orientałe.
Ła confina a nord col Sud Sudan, a est col Kenia, a sud co la Tanzania, a sudovest co el Ruanda e a ovest co ła Republica Democratica del Congo.
Indice
Giografia[canbia | canbia sorxente]
 |
Par saverghene de pì, varda ła pajina Giografia de l'Uganda. |
Ła ga 'na superfisie de 236 040 km².
En Uganda ghe alte montagne, masicio del Rwenzori, el monte Elgon e l'acrocoro del Karam. El sud del paexe xe colinoso.
El centro del paexel'è trasversà da fiumi e caraterizà da laghi, come el łago Kyoga e l'Alberto.
Tuto el paexe xe dentro el bacin acquifero del Nilo. El Nilo scomincia a Jinja, doe vien fora da el Lago Vitoria setentrional.
El nord est, distreto del Karamoja, xe desertico.
Storia[canbia | canbia sorxente]
|
Par saverghene de pì, varda ła pajina Storia de l'Uganda. |
Antighità[canbia | canbia sorxente]
I primi abitanti de l’Uganda xera i twa, on popolo de pigmei che xera presente in tuta l’Africa Centrale.
I twa xe stà spinti a sud da le migrasioni bantu, a loro olta en contrasto co le migrasioni nilotiche.
Dal XV secolo se forma i quatro regni del sud (Buganda, Toro, Bunyoro e Ankole).
Al nord, le popolasioni de origine nilotica se organiza en entità teritoriali pi pecenine, a esclusion de i acholi che cuerzea n’area vasta tra Uganda e Sud Sudan de ancò.
Modernità[canbia | canbia sorxente]
Nel 1860 i esploratori inglexi John Hanning Speke e James Augustus Grant ie rivà fin a Jinja.
Dopo de lori, i misionari anglicani e catolici riva a la corte del re de i baganda.
Nel 1888, i inglexi gha proclamà el protettorato de l’Uganda, costruio la ferovia che da Mombasa colega Kampala e scominsià a sfrutar el paexe co le piantagioni de cafè e coton.
Indipendensa[canbia | canbia sorxente]
L’indipendenza la rivò el 9 otobre 1962.
Le prime elezioni vegnea vinte dal catolico Kiwanuka ma la regina Elisabeta II de Inghiltera no gha reconosesto el voler popolar e gha imposto un primo ministro anglicano, Milton Obote.
Nel 1966, Obote gha fato on colpo de stato, arestà el re de i baganda [3] e tolto e so posto.
Idi Amin Dada, el capo de stato magiore de Obote, gha a so olta fato on colpo de stato nel 1971 e preso el poder a Kampala. Amin xe stà on ditator sanguinario, gha compa miliaia de persone, espulse la comunità axiatica [4], espulse i misionari che difendea la zente e tacò guera co la Tanzania.
En tel 1979, la Tanzania gha invaso l’Uganda, e caturà la cavedal. Milton Obote fu rieleto presidente e na stagione de vendeta gha portà a la morte de mezo milion de abitanti.
Nel genaro 1985, Obote gha subiò n’altro colpo de stato e, dopo altre traversie, Yoweri Kaguta Museveni gha conquistà la cavedal e sa promosso presidente.
Nel 1987 Museveni gha caturà Alice Auma Lakwena, profetesa e fondatrice de l’Esercito de lo Spirito Santo. La Lakwena vegnea mandà in esilio en Kenya, e i ribeli a casa. Però Joseph Kony, on cosino de la Lakwena, dopo esar scapà en Sudan, gha fondà el Esercito de Libarasion de el Signore (LRA), poi ribatezà Esercito de la Resistenza de el Signore. Konyi volea prendar el poter, ricostruire el regno de i acholi e governar co i Diexe Comandamenti.
L’LRA gha copà sopratuto zente de la tribù acholi, sequestrà buteleti, costreto le putine a servir i soldai e far da mojere, insegnà a i puteleti a torturar la zente, e altri abusi de i diriti umani. El governo no gha mai fato tanto par fermar sta guera civil che ła xe ndà vanti par 18 ani.
Museveni l’è stà rieleto nel 1996, 2001, e 2006. L’oposision guidà da Kizza Besigye no gha riconosù il risultato de le ultime elezioni. Besigye l’è stà arestà co de le acuse false e no gha poduo combatar a armi pari.
A la fin del 2006, Museveni gha tentà de rivar a n’acordo de pace, che parò no l’è stà ancora firmà. I coloqui de pace va avanti a Juba, nel Sud Sudan.[citasion nesesaria]
Giografia połitega[canbia | canbia sorxente]
Popołasion[canbia | canbia sorxente]
Ła ga 'na popołasion de 28 195 754 abitanti[6].
Etnie[canbia | canbia sorxente]
I bantu se cata al sud (baganda 12%, ankole 8%, basoga 8%, bakiga 7%, bagisu 6%, batoro 4%, banyoro 3%, bagwere 2%, bakonjo 1%).
I nilotici xe al nord (iteso 8%, lango 7%, acholi 5%, alur 3%, karamojong 2%).
I sudanici se cata nel nord ovest (logbara 4%, kakwa, madi).
Religione[canbia | canbia sorxente]
Quasi tuta la popolasion xe de religione cristiana (catoleghi[7] 45%, protestanti 35%).
I musulmani xe poco manco de el 10%. El resto segue le religioni tradisionali.
Lengoe[canbia | canbia sorxente]
Le lengoe uficiali xe l’inglexe e el swahili.
La zente la parla le lengoe locali.
Le pi importante xe el luganda che se parla ne la cavedal.
Economia[canbia | canbia sorxente]
L'Uganda gha na tera fertile, a ecesion de el Karamoja, semi desertico. L'agricoltura produse anca par l'esportasion (cafè, coton, bagigi, fruta tropicale).
Ghe boni giacimenti de rame e cobalto. Ghe giacimenti petroliferi soto el Lago Alberto.
Note[canbia | canbia sorxente]
- ↑ Tradusion: "Par Dio e par la me Patria"
- ↑ +006 da Kenia e Tanzania
- ↑ che xera el presidente del paexe
- ↑ tuta gente che l’era nata en Uganda
- ↑ che vol dir "colina de le gazele"
- ↑ Stima del 2006 trata dal CIA Factbook
- ↑ Tuto el nord de l’Uganda xera stà afidà a i misionari comboniani de Verona. I misionari gha laorà sia par l’evangelizasion che par costruir le infrastrutre del paexe (scole, ospedali, strade). Quasi tuti i studi so le lengoe, le culture e la storia del nord Uganda xe stà fati da misionari.
.svg){kind=small}
