پورتال:اسایی دکتهئون
ویکیپدیا، آزادِ دانشنومه، جه
(ویکیپدیا:وقایع کنونی جه بموئه)
مهم ِخورون ِعناوین |
دیگه خورون ِبخوندِستِن وسّه این بـِن ره هارشین. |
ساعت: ۲۳:۵۸ جهونی |
أمروز ۱۶ کِرچه ما ۱۵۲۶ هسته |
جهون ِساعِت (تابستون زمون):
توکیو: ۰۸:۵۸ پکن: ۰۷:۵۸ |
هفته | سپتامبر | شهریور | کِرچه ما | |||
سهشنبه | ۱ | ۱۰ | ۱۰ | |||
چارشنبه | ۲ | ۱۱ | ۱۱ | |||
پنجشنبه | ۳ | ۱۲ | ۱۲ | |||
جومه | ۴ | ۱۳ | ۱۳ | |||
شنبه | ۵ | ۱۴ | ۱۴ | |||
یهشنبه | ۶ | ۱۵ | ۱۵ | |||
اَمروز | ۷ | ۱۶ | ۱۶ | |||
دچیین
۷ سپتامبر ۲۰۱۵
- اروپایِ مهاجرون ِبحران:
- پاپ فرانسیس شه پهروون جه بخاسته مهاجرون و پناهندگون ره کومِک هاکِنِن و وشون وسّه سرپناه پیدا هاکِنِن. وه حتی کاتولیک کلیسائون ره دستور هِدا که هرکامین اتا بیسِره خانواده ره شه دله اسکان هادِن. (سیانان)
- فلاند ِنخستوزیر شه شخصی سِره ره آماده هاکرده که اتا مهاجر ِخانواده ونه دله زندگی هاکِنِن.
- این درحالی هسته که چن روز پیش مجارستون ِرییسجمهور تلویزون پِشت بائوت بییه این همه مسلمون که دَرنّه، مسیحی اروپا وسّه خطرناک هستنه. اسا مهاجرون دسته-دسته این کشور جه شونّه اتریش و آلمان. این دِتا کشور ِمردِم خله تِلاش دارنه که مهاجرون ره کومِک هاکِنِن و بعضیها حتی شه ماشین جه شونّه مجارستون و مهاجرون ره کومِک کانّه که بورِن اتریش و آلمان دله. (واشنگتنپست، یواسای تودِی، بوداپست بیزینس ژورنال و یورونیوز)
- بخارست ِشهردار رشوهیِ اتهام جه بازداشت بیّه. (یورونیوز)
دچیین
۵ سپتامبر ۲۰۱۵
- اتا مصری سرمایهدار شه توییتر دله پیشنهاد هِدائه که ایتالیا یا یونان شه جزیرهئون ره ونجه بَروشِن و وه بائوته حاضره این جزایر دله پناهندگون وسّه خار زندگی بسازه و وشون ره کار، سِره، رفاهی خدمات و... هاده. مدیترانه دریا دله اتخله جزیره دَره که هِچکی اونجاهان زندگی نَکانده. این میلیاردر مَردی نوم نجیب سویرس هسته که یورونیوز ِسهامدار و گلوبال تلکام ِرییس هسته. (یورونیوز)
دچیین
۴ سپتامبر ۲۰۱۵
- ترکیه پلیس دِ تا انگلیسی خَوِرنگار ره شمالی کوردستون دله بازداشت هاکرد بییه، که اسا هر دِ تا آزاد بَیینه، ولی وشون ِترکیهای دستیار، که دَگِردونکَر (= مترجم) بییه، هَنتا ترور ِاتهام جه بازداشت دَره. (تایم)
- اتا ریکا، آیلان کوردی نوم، ترکیهیِ سواحل دله بمرده که ونه لاشهیِ عکسون دِنیایِ تموم رسانهئون دله مردِم ره تحتتأثیر قِرار هِدائه. (انگلیسی ویکیپدیا: عکس دله)
دچیین
۳ سپتامبر ۲۰۱۵
- گواتمالایِ رییسجمهور شه کشور دله ممنوعالخروج بیّه. (نیویورک تایمز)
- تعداد آمریکایی سناتورونی که ایران ِاتمی توافق جه موافقت هاکردنه، یکسوم تعداد تموم سناتورون بیّه که یعنی اسا باراک اوباما بتونده جمهوریخاهِ سناتورون ِمخالفت ره وتو هاکنه. (یورونیوز)
- داغستون دله دربند ِشهر ِبساته بیّن ِدو هزارمین سالگرد ره جشن بَییتنه. این شهر ره ساسانیون بسات بینه که تُرکون ِحمله دَم ره بَییرِن. (یورونیوز)
- گوگل شه لوگو ره عَوِض هاکرده. چن وقت پیش بییه که این شرکِت دله زیرساختی تغییرات ره انجام هِدا بینه. (یورونیوز)
- کسی که تایلند دله بمب بترکنیبییه ره بَییتنه و ونه انگوسِاثر ره مقایسه هاکردنه که سِراق دِنه ونه اتهام دِرِسته. (بانکوکپست)
دچیین
۲ سپتامبر ۲۰۱۵
دچیین
۱ سپتامبر ۲۰۱۵
- داعش چنتا تاریخی معبد ره پالمیرایِ شهر دله رِقِد بِدائه. این چندمین بار هسته که داعش تاریخی معابد ره خِراب کانده چون وشون گانّه اینان ساختمونها شِرک ِسمبل هستنه. متحد ملل سازمان گانه ماهوارهئون سِراق دِنّه که چتی اسا بل ِمعبد جه هچّی نموندِسته. این معابد رومیون ِگادِر شِنه. (یورونیوز)
- چارتا آلترناتیو (=جایگزین) نیوزلند ِپرچم وسّه انتخاب بَیینه و قِرار هسته که مردِم اتا رفراندوم دله اتا ره انتخاب هاکِنِن که این کشور ِجدید ِپرچم بَواشه. نیوزلند ِپرچم بریتانیایِ مستعمره بیین تاسا تغییر نَکارده و ونه دله اون کشور ِسمبلئون بَدییه وانه. (نیوزلند تیوی)
- پاپ فرانسیس بائوته زنانی که شه وَچه ره سقط هاکردنه، بتونّه اعتراف هاکِنِن تا خدا وشون ره ببخشه. (واشنگتن پست)
اسایی دکتهئون تلمبار