دکھنی افریقہ

دکھنی افریقہ
Republic of South Africa
	80px
چنڈا	نشان
راجگڑھ:	پریٹوریا ،کیپ ٹاؤن تے بلوئمفونٹین
تھاں:	1,221,037 مربع کلومیٹر
لوک گنتی:	49,991,300
کرنسی:	رانڈ

دکھنی افریقہ براعظم افریقہ دے دکھن وچ اک دیس دا ناں اے۔ ایدے اتر وچ بوٹسوانا، نامیبیا تے زمبابوے، چڑھدے ول موزمبیق تے سوازی لینڈ نیں تے لیسوتھو دے چار چفیرے دکھنی افریقہ اے۔ ایہ نو صوبیاں وج ونڈیا ہویا اے تے تے ایدے سمندری کنڈے دی لمبائی 2,798 کلومیٹر (1,739 میل) اے۔

دکھنی افریقہ کئی نسلی ٹولیاں نال رل کے بنیا اے ایتھے نو سرکاری بولیاں نیں جناں وچوں دو انگریزی تے افریکان یورپی بولیاں نیں۔ ایتھے پارلیمانی لوکراج اے۔ 79.5% دکھنی افریقہ دے واسی کالے لوک نیں۔ ایہ بنتو بولیان بولدے نیں

دکھنی افریقہ وچ پرانے ویلیاں تون وسن دے نشان ملے نیں۔ 170000 وریاں توں ایتھے لوک وس رۓ نیں۔ یورپی لوکاں دے آن ویلے وڈے دو افریقی لوک سن: خوسہ تے زولو۔ بارٹولومیو ڈیاس اک پرتگیز کھوجی 1487 وچ پہلا یورپی سی جینے دکھنی افریقہ دے کنڈے تے پیر رکھیا۔ مئی 1488 نوں افریقہ دے کیپ آف گڈ ہوپ اپڑیا۔ 1652 وچ ڈچاں نے کیپ ٹاؤن دے نگر دی نیو رکھی۔ 19ویں صدی وچ ایتھے سونا تے ہیرے لبے جیدے باجوں انگریزاں نال لڑائی مگروں دکھنی افریقہ 1806 وچ برطانیہ کول چلا گیا۔ 1910 وچ دکھنی افریقہ دے ہور راج رلا کے اک دکھنی افریقی جٹ بنایا گیا۔ 31 مئی 1961 نوں ایہ صرف چٹے لوکاں دا لوکراج بنیا۔1994 وچ نیلسن منڈیلا دی افریقی نیشنل کانگرس نے جوناں جتیاں تے تے دکھنی افریقہ وچ کالیاں دے راج دا مڈ رکھیا۔