Bahrain

مملكة البحرين Mamlakat al-Bahrayn
Bandera de Bahrain Escudu de Bahrain
Lema nacional: n/d
Himnu nacional: Bahrainona («El nuesu Bahrain»)
Capital  • Población	Manama 150.400 Hab (2007)
Ciudá más poblada	{{{ciudá_más_poblada}}}
Llingües oficiales	{{{llingües_oficiales}}}
Llingües reconocíes	{{{llingües_reconocíes}}}
Forma de gobiernu Rei Príncipe herederu Primer Ministru	Monarquía constitucional Hamad ibn Isa Al Khalifah Salman bin Hamad bin Isa Al Khalifa Khalifa bin Salman Al Khalifa
Independencia  • De Persia  • Del Reinu Xuníu	1783 1971
Superficie  • Total  • % agua Llendes Costes	Puestu 175º 765 km² 0% Nun tien n/d
Población  • Total  • Densidá	Puestu 157º 698,585 (2007 987 hab/km²
PIB (PPA)  • Total (2007)  • PIB per capita	Puestu 106º US$ 24.499 millones US$ 32.063 (2007)
Moneda	Dinar (BHD)
Xentiliciu	Bahrainín, -ina. -ino
Zona horaria	UTC+3
Dominiu d'Internet	.bh
Códigu telefónicu	+973
Prefixu radiófonicu	A9A-A9Z
Códigu ISO	048 / BHR / BH
Miembru de: ONX, Lliga Árabe, CCEAGP
Sitiu web del Gobiernu: www.ega.gov.bh
¹ Inclúi 235.108 habitantes non nacionalizaos.

Bahrain o Baḥréin, oficialmente Reinu de Bahrain (Mamlakat al-Bahrain), ye un país del mediu Oriente y ún de los paises más pequeños de la rexón. Ta integrau por 5 islles, de les que la mayor ye Bahrain, arriendes hai ente 25 y 28 isllotes menores. Ta allugáu nel Golfu Pérsicu y tien fronteres marítimes con Qatar pel Este y l'Oeste, y con Arabia Saudita pel Oeste y el Noreste, xuníos pela calzada del Rey Fahd.

El nome de Mamlakat al-Bahrain quier decir lliteralmente "reinu de los dos mares".

El so sistema de gobiernu ye la monarquía parlamentaria, col rei como Xefe del Estáu y un primer ministru como Xefe de Gobiernu.

Hestoria

Bahrain foi poblau dende tiempos prehistóricos, la so estratéxica posición nel gulfu pérsicu ficieron que fuese controlada polos asirios primeru, y llueu polos babilonios, perses, griegos y finalmente polos árabes, que convertiríen a la so población al Islam. Bahrain foi conocida en tiempos antiguos como Dilman, Tylos( nome dau polos Griegos) Awal o Mishmahig, nome que tuviera cuando yera gobernada polos Perses.

La Islla foi nos sos entamos abellugu de los musulmanes gármates, fasta que foi ocupada polos portugueses en 1507. Ente 1602 y 1783 tuvo ocupada polos perses qu'echaren a los portugueses, si más la gobernación yera ocasional, con dómines d'independencia nominal.En 1783 dixebrase de la influyencia persa finalmente y pasa a tar gobernada pola dinatía al Khalifa cona forma oficial de Xecatu. En 1861 los perses intentaren reanexionarla, polo que la dinastía pidió ayuda al Imperiu Británicu, convirtiéndose dende entos nun proteuturáu británicu. Esti tratáu foi reratificau nos años 1880, 1892 y 1913, magar que Persia siguió reclamándola fasta 1970.

En 1932 descubrieron petróleu nel reinu, lo que propiciara un gran desargau del país. En 1950 entamaron a xurdir movimientos nacionaliegos que llevaríen a la independencia nel añu 1968 ya la integración na federación d'Emiratos Árabes, magar que tres años dempués dixebrárase d'esti, mantuviéndose la dinastía al Khalifa que tomaría el títulu d'Emir. Esti mesmu añu roblose un tratáu d'amistá colos británicos y la retirada de les sos tropes, polo que munchos consideren esti añu el de la so independencia dafechu. N'avientu del mesmu añu roblose otru tratau colos Estaos Xuníos pol que la marina americana obtuvo el permisu pa se instalar na base naval d'al-Jufayr.