Botswana
| Botswana | |||||||||
|---|---|---|---|---|---|---|---|---|---|
|
|||||||||
| Motto: Euli [1] | |||||||||
|
|
|||||||||
| Informasion | |||||||||
| Nome par intiero: | Republica del Botswana | ||||||||
| Nome ufisiałe: | Lefatshe la Botswana | ||||||||
| Łéngoa uficiałe: | inglexe | ||||||||
| Cavedal: | Gaborone (186 000 ab. / 2001) | ||||||||
| Polìtega | |||||||||
| Governo: | Republica | ||||||||
| Capo de stato: | Festus Mogae | ||||||||
| Capo de governo: | |||||||||
| Indipendensa: | dal Regno Unìo ntel 1966 | ||||||||
| Ingreso a l'ONU: | 17 de otobre 1966 | ||||||||
| Area | |||||||||
| Totale: | 600 370 km² | ||||||||
| Pos. nel mondo: | 44° | ||||||||
| % delle acque: | 2,5 % | ||||||||
| Popolasion | |||||||||
| Totałe: | 1 640 115 ab. (2005) | ||||||||
| Pos. nel mondo: | 144° | ||||||||
| Densità: | 2,7 ab./km² | ||||||||
| Giografia | |||||||||
| Continente: | Africa | ||||||||
| Fuxo oràrio: | UTC +2 | ||||||||
| Economia | |||||||||
| Vałuta: | pula | ||||||||
| Varie | |||||||||
| TLD: | .bw | ||||||||
| Prefiso tełef.: | +267 | ||||||||
| Sigla autom.: | RB | ||||||||
| Ino nasionałe: | Fatshe leno la rona [2] | ||||||||
|
|
|||||||||
El Botswana, ufisialmente ła Republica del Botswana (in tswana Lefatshe la Botswana) el xe on Stato de l’Africa del Sud.
El confina col Sudafrica a sudest, ła Namibia a ovest e nord, el Zanbia a nord e el Zimbabwe a nord-est.
Indice
Giografia[canbia | canbia sorxente]
 |
Par saverghene de pì, varda ła pajina Giografia del Botswana. |
No ghe xe montagne e l'aspeto generałe el xe queło de na pianura sperdua.
No 'l ga sbochi sol mare.
No ghe xe fiumi importanti, co ecezion del Limpopo al confin col Sudafrica e l'Okavango nel nord. L’Okavango el ga el delta 'ntel deserto e tuta l'aqua ła se perde par evaporasion.
El Botswana el xe costituio ne la so majoria dal deserto del Kalahari.
Storia[canbia | canbia sorxente]
|
Par saverghene de pì, varda ła pajina Storia del Botswana. |
Antighità[canbia | canbia sorxente]
Ricatamenti archeołoxghi dimostra che ghe jera abitanti 17 000 ani prima de Cristo. I primi abitanti del Botswana iera omeni de la civiltà de la piera.
I do popoli piassè antichi, i san e i khoikhoi, i desende da sti primi abitanti. I san i xe caciatori, i khoikhoi i tende le bestie.
Domila ani fa, un grupo de bantu el xe rivà da la Tanzania. I jera agricoltori e i se ga sistemà 'nte la zona del Kgalagadi, nel sud-ovest del paese.
I tswana, un grupo de pastori che i vien da la zona del fiume Vaal in Sudafrica. i xe rivai en Botswana scapando da i zulu 'ntel secolo XIX.
Modernità[canbia | canbia sorxente]
La storia moderna del Botswana la xe tacà co la guera contro i boeri del Sudafrica. I boeri volea torse el Botswana [3]. I capi de i tswana i ga ciamà i inglexi.
I inglexi i ga conquistà tuto el paese par farsene na colonia. Lori no gavea intension de svilupare el paese. A lori ghe interesava soltanto de far na ferovia par andar dal Sudafrica a la Rhodesia [4]. I colonialisti no i credea 'nte la posibilità de svilupare el Botswana e i no ga fato niente par aiudare la xente a vivar mejo.
Indipendensa[canbia | canbia sorxente]
El Botswana el xe divegnù indipendente el 30 setembre 1966. El primo presidente el xe stà Seretse Khama, che el jera anca el capo dei Ngwato, el clan piassè grando de i tswana. Khama el gavea fondà el Bechuana Democratic Party[5], che el controla el paese da l'indipendenza.
El primo laoro del governo el xe stà quelo de pianificar el svilupo, ma no ghe jera schei. 'Ntel 1967, la De Beers Consolidated Mines of South Africa ła ga catà i diamanti rente a Orapa. El governo el ga permesso la costrusion de miniere, ma el ciapa el 70% de i schei.
El Botswana el xe tra i fondatori de la Front Line States [6], un grupo internasional che el conbateva contro el Sudafrica de l'apartheid. El Botswana el ga anca formà la Southern African Development Community (SADC), senpre par contrastar el Sudafrica.
Seretse Khama el xe morto 'ntel lujo del 1980 e Quett Masire el ga ciapà el so posto. 'Ntel 1988, Masire el ghe ga lasà el posto a Festus Mogae che el ga xà dito che el lasarà la presidenza a la fin del 2008. El prosimo presidente el sarà Ian Khama, fiol del primo presidente.
Giografia politega[canbia | canbia sorxente]
La capital ła xe Gaborone (300 000 abitanti).
Altre sità importanti łe xe Francistown, Maun, Molepolole.
Demografia[canbia | canbia sorxente]
El Botswana el gha solo un milion e mexo de abitanti.
Etnie[canbia | canbia sorxente]
Ancò, la majoria de la xente ła xe tswana
Religion[canbia | canbia sorxente]
El 60% de la gente ła xe cristiana (i catoleghi xe el 6% de la popolazion).
El resto i segue le religioni tradisionali. Ghe xe un grupeto de musulmani (2%).
Società[canbia | canbia sorxente]
L'aspetativa de vita ła xe cascà da 65 ani 'ntel 1990 a 38 ani de ancò.
Dopo el Swaziland, el Botswana el xe el paese african col piassà grande nùmaro de malai de AIDS. El governo el dixe che el 30% de la popolazion el xe infetà.
Economia[canbia | canbia sorxente]
El 50% de la richeza del paese el vien da i minerałi.
I diamanti i costituise el 89% de le esportasioni, e el Botswana ancò el xe el piassè grande produtor de diamanti del mondo. Ghe xe miniere de diamanti a Orapa, oltre che a Jwageng e altre zone del Kalahari.
Rame, zinco, carbon e altri minerałi i costituise la majoria de le estrasioni del paese.
Note[canbia | canbia sorxente]
- ↑ Tradusion: "Ca piova"
- ↑ Tradusion:"Sia benedeta sta nobiłe tera"
- ↑ che alora se ciamava Bechuanaland
- ↑ ancò Zimbabwe
- ↑ ancò Botswana Democratic Party – "partito democratico del Botswana"
- ↑ "paesi de la linea del fronte"
.svg){kind=small}
