Guerra Civil Española

De Wikipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Guerra Civil Española
Fecha 17 de xunetu de 19361 d'abril de 1939
Llugar España, Marruecos Español, Saḥara Español, Guinea Española
Resultáu Victoria del Bandu rebelde
Belixerantes
Flag of the Second Spanish Republic.svg República Española
Flag of the International Brigades.svg Brigaes internacionales
Flag of Spain (1938 - 1945).svg Bandu rebelde
Flag of German Reich (1935–1945).svg Alemaña Nazi
Flag of Italy (1861-1946) crowned.svg Italia
Fuercies en combate
Exércitu Popular
~16.400 guardies civiles
~7.900 carabineros
~12.000 guardies d'asaltu
~13.000 efeutivos de l'Armada
1 acorazáu
3 cruceros
14 destructores
12 somarinos

La Guerra Civil Española foi una guerra qu'españó tres d'un golpe d'estáu escontra'l gobiernu de la Segunda República Española y duró ente'l 17 de xunetu de 1936 y el 1 d'abril de 1939.

España dixebróse principalmente en dos bandos: El republicanu, que siguía fiel a la República, y nel que taben xentes d'ideoloxíes tan estremaes como comunistes, anarquistes o nacionalistes, y el bandu nacional, que resultó vencedor. El númberu de víctimes ye distintu según quien lo dea, pero toles cifres anden ente les 500.000 y 1.000.000 de baxes. Tres de la guerra, Francisco Franco fízose col poder y gobernó n'España hasta que morrió.

Cronoloxía-1936[editar | editar la fonte]

L'alcíu[editar | editar la fonte]

El 17 de xunetu de 1936, los más conservadores del exércitu llevantáronse escontra'l gobiernu de la Segunda República Española. L'alcíu entamó enantes de lo pensao en Melilla. Darréu estendióse per tol Marruecos español, primero de que'l xeneral Francisco Franco se punxere al mandu de les tropes rebelaes.

Esi día los principales llevantamientos tuvieron llugar n'Andalucía. En Sevilla, el xeneral Queipo de Llano, que taba accidentalmente nesa ciudá, dio llugar a un espectacular golpe de mano, y col sofitu de diverses formaciones militares y de la Guardia Civil fízose col control de la ciudá, destruyendo la resistencia obrera. Tamién esi día les guarniciones de Cádiz soleváronse colos xenerales Varela y López Pinto al frente. Córdoba y Granada tornáronse tamién en favor del bandu nacional, por contra, Málaga, Xaén, Almería y Huelva continuaron siendo republicanes.

Un día dempués, en Madrid la sulevación entá nun se produxera. Casares actuaba como si fora posible vencer el golpe per medios políticos, pero los sindicatos y partíos d'esquierda nun dexaron reclamu esi día les armes pa interrumpir la sulevación. El xefe del gobiernu negóse a dales. El 19 de xunetu, Barcelona, qu'hasta entós permaneciere aguarda, dio-y el relevu a Andalucía. El xeneral Burriel garró'l mandu de la sulevación na capital al aguarde de l'arribada del so verdaderu xefe, Manuel Goded, dende Mallorca, de la que s'apoderara ensin disparar un solu tiru'l día anterior. El plan yera que 5.000 soldaos sulevaos foren pel centru de la ciudá. Pero los militares nun tuvieron encuenta la escasa respuesta qu'alcontraben per parte de la Guardia Civil y la Guardia d'Asaltu, que yá taben convencíes pol comisariu Federico Escofet, de que sofitaríen al réxime llexítimu republicanu. Amás nun contaren col entusiasmu del movimientu anarquista, que salieron a combatir a los rebeldes y alcontraríense lluchando hombru con hombru xunto a los sos enemigos naturales, la Guardia Civil y la d'Asaltu. Escofet, que previó con anticipación, llanzó una verdadera ofensiva escontra los militares, nel Paséu de Gracia. Goded, que venía de llegar de Mallorca, trató de convencer a la Guardia Civil pa que se-yos xuniera a la sulevación pero'l so comandante en xefe repitió-yos darréu que dichu cuerpu solamente obedecía órdenes de la Generalitat catalana. La rindición de Goded dio nuevos ánimos a la resistencia republicana nel restu d'España. Lo qu'ocurrió en Barcelona foi crucial pal posterior desarrollu del conflictu. La rebelión derechista creó un fervor revolucionariu de resistencia, los anarquistes de la CNT-FAI, que foron los principales responsables del fracasu de la sulevación en Barcelona, convirtiéronse nos amos de la ciudá, el gobiernu catalán yá nun tenía autoridá dalguna.

Parapetu republicanu n'Uviéu

A pesar del trunfu en Barcelona, en Madrid la situación yera tovía incierta. El nuevu xefe del gobiernu, Giral, qu'accedió al cargu tres la dimisión de Quiroga, accedió por fin a repartir armes ente los partidarios d'esquierζda y los sindicatos. Los esquierdistes recibieron 60.000 fusiles emperu solamente 5.000 d'ellos teníen zarroxu, polo que partíen en desventaya. El restu taba nel Cuartel de la Montaña, nel centru de Madrid, cuando'l gobiernu trató d'apoderase d'ellos, el coronel al mandu del cuartel negóse y entamó l'alzamientu en Madrid. El xeneral Fanjul púnxose al mandu de les tropes solevaes. Darréu anicióse l'asediu al cuartel por parte de los republicanos, nel interior Fanjul, pensaba que diba ser aidáu, emperu la realidá yera más bien la contraria. La fortaleza foi bombardiada y la multitú entró de mou griescu nel patiu au se produxo una espantosa carnicería. Morrieron varios centenares de defensores y d'atacantes y los solevaos que se salvaron foron unviaos a la cárcel Modelu, ente ellos taba'l xeneral Fanjul, que sedría poco dempués condenáu y executáu por rebelde.

Nel restu d'España el 19 de xunetu produxéronse victories y derrotes pa la República. Uviéu que paecía que diba ser republicana, foi víctima d'un engañu del coronel Aranda, que convenció a los mineros pa qu'abandonaren la ciudá en dirección a Madrid a pidimientu de los leales de la capital. Pela tarde declaróse partidariu de la rebelión. Tol restu d'Asturies yera republicana y pronto alcontróse aisllada anque pudo resistir l'asediu de los mineros. Santander, Vizcaya y Guipúzcoa siguieron siendo republicanes mientres que Navarra, Aragón y Castiella y Llión foron convertíes en nacionales. N'Estremadura, Cáceres y la so provincia foron dominaes pola rebelión menos Badaxoz, gracies a la llealtá de la so guarnición. Tol Llevante y Castiella la Mancha continuó siendo republicana. El 20 de xunetu, mientres Mallorca taba asegurada polos rebeldes, Menorca declaróse republicana. En Galicia la llucha entamó tamién esi día. En La Coruña los trabayadores alcontrábense desarmaos y los militares nun tardaron en ganar la ciudá. La Falanxe llocal, col so dirixente Manuel Hedilla al frente, fizo avíu a esgaya pal resultáu final de la llucha. En Vigo y El Ferrol la situación desarrollóse per cauces paecíos, emperu na Base Naval ferrolana, los marineros nun aceutaron les órdenes y entamó una llucha cruel qu'acabó cola muerte de los primeros. El golpe militar nun algamó la rápida victoria esperada yá que los partíos esquierdistes y sindicatos resistieron. Ehí foi cuando se convirtió la rebelión en Guerra Civil.

El 21 de xunetu podíase traciar una llinia aprosimada que dixebraba les zones au trunfare la rebelión d'aquelles onde fracasare. La rebelión foi derrotada en cinco de les siete principales ciudaes d'España. Les principales zones industriales quedaron en poder de la República, emperu les más vastes zones agrícoles, sofitaes por campesinos conservadores, quedaron en manes de los rebeldes. La metá del exércitu, cuasi tola escuadra y dos tercios de les fuerces aérees españoles quedaron en poder republicán emperu colos solevaos quedaren los más esperimentaos. Aniciábase asina'l conflictu que duraría 3 años, nomáu Guerra Civil.

Escontrevolución nacional[editar | editar la fonte]

Los solevaos desarmaren cola so rebelión l'Estáu republicanu y creao dos Españes. Yera evidente que na so España yera necesario la creación d'un nuevu Estáu. Por ello, pocos díes dempués del alcíu, los militares formaron la Xunta de Defensa Nacional, una especie de muérganu provisional de gobiernu. Creóse en Burgos el 24 de xunetu y el so dirixente foi Miguel Cabanellas. La Xunta yera un muérganu militarizáu nel que los militares esponíen y decidíen l'actuación a siguir durante les primeres operaciones de la guerra. Al mesmu tiempu ocupábase de l'aplicación de midíes escontrevolucionaries. Decretábase la devolución de les tierres espropiaes, declarábense illegales tolos sindicatos y partíos del Frente Popular y la natura llaica del Estáu republicanu.

La represión foi un actu políticu dirixíu por militares, que viendo fracasáu'l golpe trataron d'invertir la situación creada pol españíu de la Guerra Civil. El xeneral Mola razonaba asina la so actuación: Ye necesario crear una atmósfera de mieu, tenemos que provocar una gran impresión, tou aquel que seya abierta o secretamente defensor del Frente Popular ha ser fusiláu. Día ente día dende'l momentu en que la solevación tuviere ésitu les detenciones aumentaben. Realizábense normalmente pela nueche y los fusilamientos tamién al amparu de la escuridá. Por exemplu, nes primeres selmanes llevábense a cáu los fusilamientos de 40 presos republicanos diarios nes afueres de Valladolid. Los autores d'estes atrocidaes solíen ser a esgaya miembros del Exércitu y de la Guardia Civil. Siempre sedrá complexo conocer con esactitú la cantidá de persones represaliaes nos primeros díes de la Guerra Civil. Munches de les execuciones realizábense ensin previu xuiciu y baxo les acusaciones de delatores qu'actuaben na solombra. Los fusilamientos yeren presentaos polos militares como un problema de sanidá pública, parte d'un procesu de depuración que lliberaría a España de les influyencies masóniques o marxistes.

Una de les muertes mas famoses de les producíes nesos díes na zona nacional foi la del poeta andaluz Federico García Lorca, que nun tenía significación política dalguna, pero yera de toos conocío la so rellación cola esquierda lliteraria d'España. Descubiertu poles autoridaes rebeldes de Granada, escondíu en casa d'un collaciu, foi posteriormente fusiláu, probablemente a mediaos d'agostu, nes afueres de la ciudá. Al amparu de la represión, los militares tuvieron les manes llibres pa la creación d'un nuevu estáu ensin delles herexíes que se desarrollaben na zona republicana.

Allugamientu de la Guerra ente agostu-setiembre 1936

Baxo estes crueles condiciones, la Falanxe convertíase na última salvación pa evitar la so muerte. A la camisa azul de la Falanxe nomábenla el salvavides, porque bastaba con llevala puesta pela cai pa evitar ser investigáu y fusiláu. Les cais de la España nacional yeren percorríes por patrulles de falanxistes que causaben el pánicu ente la población. Por embargu la Falanxe alcontrábase desorganizada porque los sos principales llíderes políticos taben encarcelaos o fusilaos na zona republicana. Los nacionales alcontraron un gran sofitu na Ilesia española a escepción de la vasca. De sópitu los solevaos alcontraron un términu adecuáu a la so rellación cola Ilesia y la Guerra Civil. Identificaron la llucha armada con una cruzada salvadora de la fe y l'espíritu de la España más tradicional y conservadora.

La dirección principal de la Ilesia nun tuvo nengún problema en sofitar al nuevu estáu oponiéndose a lo que consideraben una república anticlerical y laica. Nun yera realmente una forma d'actuación correuta porque los postulaos de la Ilesia nun prentendíen teóricamente anteponer los derechos d'unos fieles sobre otros pero los ataques direutos sufríos na España republicana convirtió-yos nel principal sustentu de la España nacional. Había cures opuestos a los fusilamentos realizaos nel nome de Dios y en defensa de la relixón. Pero na so gran mayoría, la Ilesia tomó posiciones frente al bandu republicanu. Solamente l'arzobispu de Tarragona, Vidal i Barraquer, y l'obispu de Vitoria Mateo Múgica amosáronse escontra a prestar el so sofitu al alzamientu. Dambos tuvieron que salir d'España pa evitar ser deteníos. La nueva situación creada pol sofitu de la Ilesia al bandu nacional fizo florecer un fervor relixosu ente los sos partidarios. Incluso miembros de la Falanxe, que nunca nun amosaren relixosidá dalguna entamaron a dir a Misa.

El sofitu de la clase media y del campesináu conservador al nuevu movimientu tamién foi mui acusáu. Los rebeldes necesitaben dineru p'armar al nuevu estáu. Los grupos sociales nomaos, necesitaben la protección y el sofitu del nuevu estáu frente a les conmociones revolucionaries. Hubo un vínculu estrechu ente militares, relixosos, campesinos y burgueses. Los gobernadores militares llocales teníen plenos poderes.


1936/1937[editar | editar la fonte]

Fuercies Armaes Españoles
Esti artículu forma parte de la serie
Fuercies Armaes Españoles
Cañes

Exércitu de Tierra d'España
Exércitu del Aire d'España
Armada Española
Unidá Militar d'Emerxencies
Guardia Real
Guardia Civil

Historia

Guerres Italianes
Guerra de los Trenta Años
Guerra de Flandes
Guerra de Sucesión Española
Guerra de los Siete Años
Guerres Napoleóniques
Guerra de la Independencia Española
Guerra de Melilla
Guerra del Rif
Guerra Civil Española
Guerra de Ifni
Guerra de Irak
Guerra d'Afganistán

Material Actual

Exércitu de Tierra
Exércitu del Aire
Marina Española

Otros

Escalafón militar d'España
Condecoraciones d'España
Reservistas Voluntarios d'España

Envión pa Madrid[editar | editar la fonte]

Franco entama l'envión final sobro Madrid. Les sos fuerzes d'élite, l'Exércitu d'África, con 10.000 homes, sofitaos por otros 15.000 falanxistes y requetés pretendíen conquistar una ciudá de más d'ún millón d'habitantes, xeneralmente hostiles. El nuevu xefe de gobiernu, Largo Caballero, nel poder dende principios de setiembre tres la derrota en Talavera de la Reina, confiaba en que l'aida soviética sedría de gran utilidá pa detener l'envión nacionaliegu. Dende setiembre nun dexó d'anunciar que la República llueu taría en condiciones de combatir coles mesmes armes a los rebeldes.

Por ello, ya col fin d'algamar la eficacia necesaria, decretó'l fin de la independencia orgánica de les milicies y subordinoles a un Estáu Mayor Central, como niciu del futuru Exércitu Popular de la República compuestu poles nomaes Brigaes Mixtes, xunidá básica compuesta por tres batallones. Tamién creó'l sistema de comisarios políticos aínda instauráu nel 5u Reximentu, d'inspiración comunista, que sirvió en gran midida pa aumentar el so prestixu ya influyencia ente los republicanos.

Colos ecos de la batalla, el gobiernu republicanu decidió treslladase a una ciudá qu'ufriera mayor seguridá. Decidiose qu'esa ciudá sedría Valencia, Madrid quedó sometía a una Xunta de Defensa con un comandante'n xefe na persona de José Miaja; esti preparose pa una llucha sanguinolenta nes cais de la capital. L'aida soviética unvía en grandes cantidaes a partir d'ochobre taba entamando a inclinar la balanza a favor de la República. Dende la lloñe Odessa, nel Mar Prietu, buques de tresporte rusos entamaron a fondiar nos principales puertos de la España republicana, principalmente Barcelona y Valencia. Les sos bodegues diben cargaes d'aviones, material bélicu de toles clases, tamién instructores y comisarios políticos. Cola aida material llegaba tamién la influyencia política. L'aviación foi reforzada colos Polikarpov I-15 "Chato" y los "Mosca", que yeren superiores a los sos equivalentes alemanes ya italianos. El material foi pagáu col oru del ancu d'Eespaña, el 25 d'ochobre de 1936 el ministru de Facienda Juan Negrín, nomáu nun futuru a algamar les más altes esferes de la política republicana, hebo d'autorizar l'unvíu de gran parte de la reserva d'oru a Moscú como pagu del material que recibiríen a lo llargo de la guerra, y a la vez, como abellugu del posibles oru sobrante al bloquiar París una primer partida que depositaren na capital francesa.

Mentanto Madrid preparábase pala defensa baxo un ambiente propagandísticu total. El gobiernu anunció que teníen los medios necesarios pal trunfu, la llegada de les armes soviétiques ya yera una realidá. Ente'l bandu nacional la moral siguía alta. El xeneral Mola anunció que tomaríase el café en Madrid y al entruga-y un periodista estranxeru cuál de les sos cuatro columnes sedría la primera en tomar Madrid, el xeneral respondio-y que sedría la de los partidarios nacionales que quedaren escondíos na capital. Estes imprudentes pallabes solamente sirvieron p'aumentar los asesinatos políticos na zona republicana.

La ofensiva nacional dio por fin entamu. En principiu la resistencia republicana nes afueres de Madrid foi vencía. El 4 de payares cayó Getafe. Pero'l 7 de payares la República vióse agraciada por un increyible golpe de suerte. Adientro d'un caza italianu que tomaba parte na ofensiva, los milicianos republicanos atoparon una copia exacta del plan xeneral de batalla del exércitu nacional pa la conquista de Madrid. El plan foi darréu encomendáu al xeneral Miaja que cola aida del so xefe d'Estáu Mayor, Vicente Rojo, coordinó la defensa en función de la detallada información del plan atopáu. Nel propiu Madrid táben desarrollándose escenes d'auténticu fervor revolucionariu. Tol mundiu perticipaba na defensa al glayíu de "¡Non pasarán!", convirtiéndose nel llema de tolos madrileños y por supuesto de tola España republicana. Amás la defensa de Madrid coincidió con unu de los fechos más importantes del conflictu, la formación de les Brigaes Internacionales. La so inspiración foi obra de los comunistes, órganu creyáu ente 1921 tres la III Internacional. Durante tola guerra llegaríen a sumar un total de 40.000 homes, toos voluntarios acometíos de tolos llugares. La mayoría yeren mozos y teníen un sentimientu común, venzer al facismu aidando a la República española escontra los rebeldes. Nun ye d'estrañar por tanto qu'ente estos hubiesen tamién italianos y'alemanes de d'izquierdes, exiliaos de los sos respeutivos países. La oficína principal de reclutamientu taba n'Albacete. El mandu de la base fióse a los comunistes Andre Marty [Queda referencia], comandante en xefe, Luigi Longo "Gallo", inspeutor xeneral y Giuseppe di Vittoria [queda referencia] "Nicoletti!, xefe de los comisarios políticos. Tres batallones formaron la brigada inicial encuadrada nel Exércitu Popular, la 11ª Brigada. El 6 de payares de 1936, esta xunidá taba yá en marcha pa ocupar el so puestu nel frente defendíu pola República. El 13 de payares yá había otra brigada, la 12ª Internacional, dispuesta nel frente defensa. L'exemplu de les Brigaes Internacionales, cundió más aínda les ansies de defiensa de la población madrileña.

El 6 de payares l'avance nacional quedó detiníu nel cerru Garabitas, una piqueña ellevación próxima al ríu Manzanares, y que dominaba la Casa de Campo. Nesi seutor tuvo llugar el comienzu fueu de la 11ª Brigada Internacional. El 12 d'avientu tamién entamó a lluchar la 12ª Brigada Internacional dende la calzada Madrid-Valencia. Tamién adiuciose a la defiensa la columna del líder anarquista Buenaventura Durruti, acabante d'arrivar d'Aragón. Miaja acedió a que ficieren un escontrataque na Casa de Campo pero ésti fracasó. Durruti prometió un nuevu ataque al día siguiente, pero entós los nacionales decicieron avanzar y dalgunes de les sos unidaes llegaron al ríu y incluso vadeáronlu. La so sorpresa foi mayúscula al dase cuenta de que'l seutor taba indefensu por un error nel relevu de les columnes anarquistes nel frente. L'error foi parcialmente arregláu el 15 d'avientu col envíu de la 11ª Brigada Internacional que trabó violentu combate na Ciudá Universitaria que los nacionales ocuparen casique por completo. El 19 d'avientu Durruti foi feríu en dichu seutor y morrió al día siguiente. Güei en día aínda se desconoz la verdadera causa de la muerte de Durruti.

El 23 de payares los gobiernos d'Italia y Xermaña recoñecieron al gobiernu de Franco como'l gobiernu llexítimu d'España. Franco al dase cuenta de cómu h.abía subestimáo la defiensa de la capital decidió bombardeala pa minar la so resistencia. Los oficiales alemanes de la Lexión Condor amosáronse encantaos cola nuéa midía. Madrid entamó a sofrir bombardeos costantes y diarios. Pocos años más tarde h.abría de repetiste nas primeres ciudaes europées el xiemplu de Madrid, emperu hasta la fecha nengún ciudá sofrió lo que sofríria Mardid bombardiáu de la guerra. El 13 avientu de 1936 los nacionales abandonen la idea d'un envión frontal sobro Madrid y trataron de rodiar la ciudá pel norte. La batalla tenía per oxetivu la conquista de la calzada Madrid-La Coruña, arteria importante nel treslláu y movilidá delles fuerzes republicanes. Un primer intentu finó tres un enviyu d'ochu quilómetros y la conquista de Boadilla del Monte y Villanueva de la Cañada, cola dicidía defiensa republicana. Dempués de Navidá, los nacionales tornaron a intentalo. El 3 xineru ataqueron y conquistaron Les Rozes, el 5 xineru, tres un bombardéu y la autuación de dalgunos cácios y l'infantría, petó Pozuellu. El frenti republicán encomendó a la 14ª Brigá Internacional, de reciente creyación, pa taponar la brexa. El 9 xineru a costa de grandes pérdides los nacionales arribaron l'ansiá calzá emperu a partir del 15 xineru, y-os foi imposible siguir avanzando. La República h.abía impedío l'aislamientu de la Sierra'l Guadarrama peloque'l resoltáu de la batalla puede considerase nulu.

L'añu 1937 ñacía pos c'ún más que prevesible llongamientu de la guerra. Endurante la primavera les conversaciones nel Comité de No Intervención amosáronse totalmente inútiles perque tós los países implicáos n'ella siguíen enviyando aída material constante a España. El ministru xermán d'Asuntos Esteriores, Von Ribbentropp, comentó irónicamente que tal vez el verdaderu nome d'esti organismu debía ser el de "Comité d'Intervención". Los fexos parecíen da-y la razón perque a partir febreru 1936 Franco decidió tomar Málaga cola'ida italiana. Republicana dende'l entamu la guerra, Málaga h.abía quedáo sin embargu parcialmente isolá pel dominiu rebelde Granada. Franco aucedió a les tropes encomendaes pe Mussolini, el nomáu Corpo di Troppe Voluntario, tomaren parte autiva na ofensiva. Foi una vitoria fácil, frenti a 12.000 republicanos insuficientimente armaos, les forzes italianes provistes de tanques, entamaron un verdaderu paséu millitar ante una inesistente o inoperante resistencia. El 7 de febreru ya h.abién tomáo la capital, la vitoria de Málaga recortó la lonxitú del frenti andalúz y permitió a los nacionales apoderáse d'un bás dende la que exercer un más que férreu bloquéu de la costa republicana. Los italianos mientretantu sofitaron conclusiones errónees d'esti paséu millitar.

Entetantu desarrollose una nuéa ofensiva nel frenti Madrid. Franco enviyó faci'al este, nel Valle'l Xarama, col oxetivu de curtar la calzá Madrid-Valencia. L'ofensiva entamóse'l 6 febreru y'el 11 ya h.abía conseguío arribar el ríu Xarama. El 12 conquistáronse les altures del Pingarrón, ensinembargu, los nacionales non ganaron más terrénu. Los díes 14, 15 y 16 foron d'una dura llucha ensin resultáos. Nesta batalla les Brigáes Internacionales sofrieron numbróses pérdides. Emperu h.abíen impedío l'avance de los rebeldes que viéronse obligáos a adoutar una postura defiensiva. El 17 febreru la República contraatacó y'en esi ataque tovieron só bautismu de fuéu los 450 homes del "Batallón Abrahan Lincoln", formáo per volluntairos nortamericanos reclutaos en Nuéa York. Emperu la batalla del Xarama h.abía ḷḷegáo ya a una situación d'equillibru y la República hebo de ceder nel só empezín a costade la pérdida de 15 quilómetros de terrenu. A partir del marzu de 1937 prodúxose l'ultimu intentona nacional de rodiala capital. Esta vegá l'ataque foi desencadenáu pel nodeste, con Guadalaxara comu prencipal oxetivu. Les só forzes numbráben alródiu 35.000 homes al mandu'l xeneral Roatta, les cuales taben apoyaes per 81 cácios y 200 pezes de artillería lixera. Unos 50 aviones proporcionaríen l'aida aéria. El primer asaltu dellos italianos confió-yos n'escesu, el frenti republicán cascó emperu entós el tiempu camudó y púsose a ḷḷover. L'apoyu aério quedó per tantu sospendíu emperu los italianos siguieron avanzando.

La situaciona padrecía crítica pela República y los comunistes esixieron el cés del xeneral Martínez Cabrera, xefe'l Estáu Mayor, y que se-y sustituyera pe Vicente Rojo, qu'ḥabía ganáo merecía fama endurante la defiensa Madrid. Rojo, anque non yera comunistu, yera un home competente y capáz d'apreciar les ventayes técniques que soponía l'estrexa collaboración col PCE. Per tantu decidió encomendar al frenti a les meyores divisiones del Exércitu Popular, y la 11ª Brigá Internacional, qu'en só composición contiñía antifascistas italianos nomaos "Garibaldi", comu'l famosu xunificador italianu. Más al ueste los italianos faxistas tomaron Trixuerqui, só conquista más lloñá de tola batalla. Emperu'l el 12 Líster con forzes acorazáes escontratacó y los italianos, cola só posición espuesta abondiu, hebieron d'entamar la retirá. Munchos rindiéronse y'el xeneral Roatta vióse obligáu a llanzar a la llucha a les só divisiones de riserva, con esta maniobra daba a entender que la batalla de Guadalaxara ya non cumpliría los oxetivos previstos. Les só reserves foron de núeu rexazaes y el 18 marzu la República llanzóse a l'ofensiva, reconquistó Brigüega y'el frenti italianu convirtióse núna retirá desordená. Tres la batalla, los italianos tovieron unos 3.000 morréos y la República unos 2.000. Foi un xiemplu claru de cómu non debe facese un ataque mecanizáu, los italianos carecíen de reserves sólides de combustible y l'apoyu aeriu y'antiaeriu nun foi l'afayadizu. Foi irónico ver como Franco y el so Estáu Mayor non acoyeron mal la nueva de la derrota italiana en Guadalaxara pos hasta entós los italianos parecíen dáseles dellos únicos entendíos en belicismos. Franco, consciente de l'imposibilidá de cercar la capita, decidió camudar d'oxetivos y concentrase nel frente norte. La República ganara momentaniamente la partida.

Cayida del norte[editar | editar la fonte]

El 22 de marzu de 1937, el xeneral Franco desistió definitivamente nel so empeñu de conquistar Madrid. La prioridá pasaría agora al exércitu del norte al mandu del xeneral Mola. Esti exércitu naguaba la conquista de la zona republicana. Pa consiguilo sofitóse na so división d'elite, la división Navarra, formada por 4 brigaes con 18.000 homes. Al mesmu tiempu recibía l'aida de la brigada de Fleches Prietes compuesta por 8000 españoles al mandu d'oficiales italianos. El dominiu aereu foi garantizáu por aviones italianos y el bloquéu per mar pola escuadra nacional col cruceru Canarias al frente.

El 31 de marzu entamó la ofensiva. L'exécitu republicanu del norte taba al mandu del xeneral Llano de la Encomienda. Nel primer frente a defender, el del País Vascu, los republicanos contaben con alrodiu de 30.000 gudaris (soldaos vascos) y un amestu de socialistes, comunistes, anarquistes y republicanos. Estes fuerces carecíen de cacios, piezes d'artillería y d'un sofitu aereu efeutivu. Esi día bombarderos alemanos Junker 52 entamaron el bombardéu al pueblu de Durango. Durango foi la primer población indefensa bombardiada n'Europa, güei día esti fechu permanez práuticamente nel escaecimientu porque tan solo unos díes dempués Guernica atoparía tola atención internacional. Por embargu demientres, el 4 d'abril los nacionales yá tomaren Ochondiano y les sos principales cimeridaes. Mola impunxo una primer detención na so ofensiva pero'l 20 d'abril reanudó'l so unvéu. Pel día 26 l'enviyón nacional llevárese a cabo de manera regular, la defensa republicana taba nel borde´l colapsu y entós llegaron nueves fuerces de Guernica.

El 26 d'abril de 1937 la población, col so famosu carbayu símbolu de les llibertaes vasques, foi bombardiada fasta la saciedá por un grupu d'unos 40 aviones de la Lexón Cóndor alemana y dalgunos italianos. Un total d'unes 50 tonelaes de bombes incendiaries foron arroxaes sobro'l centru de la ciudá. La población quedó entero destruyida. Colos sos 7000 habitantes, Guernica nun tenía práuticamente nengún valor estratéxicu, yera solamente un cruz carreteres na retirada del exércitu republicanu pa escontra Bilbao. Cuando se conoció la nueva, l'opinión pública foriata horrorizóse. Franco, consciente de qu'ello podía dir en detrimentu de la so causa llanzó una campaña internacional tratando d'amostar que foren fogueros vascos los que na so retirada destruyeren la población. Emperu la gran mayoría de la opinión internacional supo que fore efectuao un bombardéu y que los alemanos teníen muncho que ver en too ello. Unes 72 hores dempués del bombardéu los nacionales conquistaron Guernica. Ye evidente que l'opinión foriata punxere al mandu nacional nuna peligrosa situación, la meyor prueba d'ello foi la de que nun se produxeron en tola guerra más bombardeos como'l de Guernica.

Agora los vascos retrocedieren fasta les defenses esteriores de Bilbao. Énte ella estendíase'l famosu centurón de fierro, una cadena de fortificaciones de formigón armao que teóricamente, y asina nuevávalu constantemente la propaganda, debíen frenar l'enviyón nacional del xeneral Mola. Emperu el Centurón nun podía defendese por sí solu de los masivos enviyones aéreos d'una aviación enemiga ensin oposición. Amás ún de los principales oficiales que participaren na construcción del centurón, el comandante Goicoechea, pasára en Marzu pal bandu nacional llevándose consig los planos del la fortificación. Estos reflexaben que la obra nun taba finada y asina los nacionales pudieron enviyar polos puntos más floxos.

Emperu enantes de qu'asoleyara'l drama de la cayida de Bilbao, los nacionales sofrieron la perda del xeneral Mola. L'avión que lu tresportaba estrellóse nun cerru cerca Burgos, magar que se llegare a falar d'un posible sabotax lo cierto yera que l'avión s'estrelló pola niebla y la escasa visibilidá. El xeneral Fidel Dávila, sucedió a esti nel mandu l'exércitu'l norte, Franco nun paeció emocionase n'escesu pola muerte de Mola, yá que sabía que s'eliminaba un posible rival nel poder. Al mesmu tiempu los republicanos sustituyeron a Llano de la Encomienda pol xeneral Gamir Ulibarri, al mandu les fuerces vasques.

L'once de xunu reanudáronse los enviyes. Al nochecer d'esi día les brigaes navarres entamaron el céllebre centurón. El 12, tres un fuerte bombardéu aereu y artilleru, les llinies vasques quebráronse y entamóse la desbandada, el 13 de xunu alcontrábense en Bilbao cola moral al mínimu dempués de la pronta cayida del centurón. El gobiernu vascu decidió la evacuación de la población civil, los guaḥes sedríen encomendaos como refuxaos a Inglaterra. El 17 de xunu los nacionales llegaron a Bilbao y entamóse un fuerte bombardeu sobro la ciudá. El 18 los vascos decidieron que yera imposible defender la ciudá y entamaron la evacuación final. A meudía del día 19 los cacios nacionales taben yá nel centru de Bilbao. Euskadi cayere.

La cayida de Bilbao supunxo una gran griesca relixosa. Efeutivamente Euskadi fore un territoriu en poder de la República au se respectare a la Illesia. La república amás reconoció'l drechu a l'autonomía de la rexón, por eso los sacerdotes vascos preferieran sofitar na contienda a una república anticlerical denantes qu'un bandu nacional obsesionáu cola xunidá de la patria. Emperu tres la cayida d'Euskadi, los obispos españoles encabezaos pol cardenal Isidro Gomá, escribieran una carta conxunta "a los obispos de tol mundiu". Nella comentaben que la causa nacional yera una causa teolóxicamente xusta. Los obispos vascos ñegáronse a firmar l'escritu y pidieran aida al Papa, emperu ésti prefirió sofitar a los obispos partidarios de Franco y el Vaticanu reconoció l'estáu Nacional tres la cayida de Bilbao.

Agora los nacionales ocupábense de completar la conquista'l norte. El siguiente oxetivu foi Santander, enmperu entantes sofrió un parón nes operaciones debíu a les escontraofensives republicanes entamaes en Madrid y Aragón. Dempués d'estos episodios entamóse l'avance'l 14 d'agostu de 1937. Los nacionales poseyíen unos 90000 homes dividíos en seis brigaes navarres, dos divisiones italianes y la de los "Flexes prietes". La defensa de Santander confiárase a los Cuerpos l'Exércitu 14u y 15u Republicán, con unos 80000 homes emperu n'inferioridá aérea. El 16 d'agostu, dos díes dempués l'entamu de la ofensiva, tomóse Reinosa, importante nudu estratéxicu y el 18 los italianos enviyaron y el frente dexó práuticamente d'esistir. El 23 d'agostu decidiérase la evacuación de la capital del País Cántabru. Ente los fuxíos, taben el daquella presidente d'Euskadi, José Antonio Aguirre y el xeneral Gamir Ulirrari.

El 24 d'agostu los dirixentes políticos venceyaos al PNV y los mandos de les fuerces italianes arreglaben na collación cántabra de Guriezo, cabu Santoña, el nomáu Pautu de Santoña.

En Santoña fueren ensamando, por orde del PNV, tres batallones de la 50 División de Choque vasca lligaos a esti partíu que hubieren abandonáo les sos posiciones na nueche del 21 al 22, y a los que a lo postrero sumaríense otros dolce. Ya enantes del caimientu de Bilbao Juan de Ajuriaguerra, presidente del Bizkai Buru Batzar, hubiere negociao mientres dellos meses un pautu de rindición cola mediación del Vaticanu que'l gobiernu de la República conociere al interceptar un telegrama. Darréu del pautu toles tropes nacionalistes vasques entregaren les sos armes, y non llucharíen n'Asturies.


L'apresamientu d'un republicanu (Recreación)

Cayía Asturies ya Santander[editar | editar la fonte]

Pa rematara la cayía'l norde, los nacionales presiguieron cola ofensiva el 1 setiembre en direución Asturies. La misión encomendose de nuéu a les sís brigáes nabarres, les italianes foron retiraes del frenti. Por parti republicana, aguardábase una defiensa más encarnizá nes sierres y'altos d'Asturies. Apurriaben que la seguén arribá del mal tiempu parara h.asta primavera de 1938. Emperu els forzes que disponíen pello yeren los restos del Exércitu 14 Republicán, con 8000 homes y l'Exércitu 17 con 35000 homes. De nuéu la falta cáicos, artría y'aviación facía imposible la defiensa. Aínda, l'enviyu nacional foi llentu. El terrén brutu favorecía la defiensa. Tres sís selmanes de combate, el despositivu republicán aínda non h.abíase rotu, emperu a partir del 15 ochobre la resistencia quebró. Tolos que pudieron entamaron la fuxía, ent'ellos el socialista Belarmino Tomás, presidenti del conseyu d'Asturies y Llión, territoriu dixebráu della Repúlica dende 1937. El 21 ochobre caía Xixón, ya con Uviéu tamién en manes nacionales, el frenti d'Asturies h.abía cayío.

Escontrofensives republicanes[editar | editar la fonte]

Tres la fina delles operaciones nel frenti Madrid, l'exércitu nacional llanzóse a la conquista del norde republicán. L'altu mandu del exércitu Popular alvirtió el pelligru qu'ello supondría pel só esforziu béllicu. Per ello decidió que'l branu de 1937 h.abía de seyer el del verdaderu abutismu del fuéu del só exércitu. Entamando d'agora l'exércitu Popular republicán enviyaría y non limitaríase sele a defiender. Los comunistas, qu'h.abíen xubío nel poder tres Maiu, espusieron un plan p'enviyar Brunete ya quebrar el cercu de Madrid. El xefe de gobiernu Largo Caballero prepusu un enviyu per Estremadura emperu taba ya mui desacreditáu tres maiu y'el criteriu comunista siguió. Largo Caballero presentara la só dimisión.

Al mesmu tiempu que preparase l'enviyu de Brunete, la República llanzó delles ofensives secundaries en Güesca y Segovia pa tratar de freniar la cayía Bilbáu emperu en llinies xenerales fracasaron y'el destín de Bilbáu quedó selláu. Con Bilbáu en manes de Franco el 15 xunu entamábase la siguís conquista de Santander, emperu entós, darréu, la República llanzó el só esperáu enviyu diversivu. Pela ofensiva cuiu envís yera la conquista de Brunete, la República reuñó dos Cuerpos d'Exércitu, el 5 y'el 18. Nel primer incluyíase la división 11 de Líster ya la 46 d'otru comunista qu'hebo ganau los sós llaureles neles batalles de Madrid, Valentín González El Campesín. El segundu incluuyía les brigaes 11 ya 12 internacionales. Esti exércitu audiciaba al rodiu de 85000 homes bien sofitáos en meyos blindaos y'aérios.

Los nacionales queáron sorprendíos pela ofensiva republicana. Nos cimeros momentos sele podíen oponer al só avance la división 71, componía per falanxistes y'unos cuantos tabores de marroquís. El 6 xunetu la división 11 republicana llanzóse al enviyu y'avanzó 16 quilónmetros rodiando Brunete. Los nacionales tuvieron que detener la só ofensiva nel norde y'encomendar comu reforziu elementos della Lexón Cóndor Xermana, ya grás cantidáes d'artillería acarriá n'equipos. Entantu Brunete hebo cayíu emperu l'avance h.abía alcuentráu una creciente resistencia. L'ofensiva, llibrá nel mes de xunetu, taba camudando pocu a pocu núna batalla de desgaste. El 8 xunetu caió Quixorna, el 11 Villanuéa del Pardillu ya Villafranca'l Castiellu, emperu en Boadilla los nacionales peraben ferozmenti. El domiñu aériu yera nel momentu republicán emperu ello diba camudar perprontu. Endurante esta batalla surxeron per primera vegá nelos cielos los nuevos cazas xermanos Masserschmit, magar que inferiores en númbru a los mosques ruxos, yeren munchu más eficaces qu'estos. El 13 xunetu per tantu, los republicanos, en crecienti inferioridá aéria, pararen l'ofensiva y'entamaron a atrinxerase neles posiciones conquistaes. Habíase conquistao un terrén de 12 quilómetros al sur Brunete.