Meksik
Flag |
Valdkundznam |
| Pälidn | Mehiko |
| Eläjiden lugu (2013) | 118 395 054[1] ristitud |
| Pind | 1,964,375 km² |
.svg) |
|
| Kel' | ispanijan |
| Valdkundan pämez' | Enrike Penja Njeto |
| Religii | hristanuskond |
| Valüt | meksikan peso (MXN) |
| Internet-domen | .mx |
| Telefonkod | +52 |
| Aigvö | tal'vel UTC-8...-6 kezal UTC-7...-5 |
Meksik (isp. México), oficialižikš — Meksikan Ühtenzoittud Valdkundad[2] (isp. Estados Unidos Mexicanos), om valdkund Pohjoižamerikas. Pälidn da kaikiš suremb lidn om Mehiko.
Südäiolend
Istorii[redaktiruida | redigeeri lähteteksti]
Vl 1810 sügüz'kun 16. päiväl Meksik tedoti ripmatomudes Ispanijaspäi.
Geografijan andmused[redaktiruida | redigeeri lähteteksti]
Meksik röunatab AÜV:oidenke pohjoižes (mavaldkundröunan piduz — 3155 km), Belizanke (276 km) da Gvatemalanke (958 km) longibokas. Ühthine röunoiden piduz — 4389 km. Valdkundan päivlaskmrandad lainištab Tünen valdmeren Kalifornijan laht, päivnouzmrandad — Kariban meren Meksikan laht. Ühthine randanpird — 9330 km.
Klimat om subtropine da tropine.
Londuseližed pävarad oma kivivoi, hobed, kuld, vas'k, cink, hahktin, londuseline gaz; toižed varad — mec (otab man koumandest).
Politine sistem[redaktiruida | redigeeri lähteteksti]
Ohjandusen form om federativine konstitucine prezidentine tazovaldkund. Valdkundan pämez' om prezident. Hänen valdatusiden strok om 6 vot, toižen strokun voimuseta. Prezident paneb ministrid radnikusile.
Meksikan parlament om kaks'kodine. Üläkodi om Senat 128 ristitunke, kudambid valitas 6 vodeks. Alakodi om Deputatoiden Kodi, 500 ristitud valdatusiden strokunke 3 vot.
Prezidentad valitihe järgkerdan vl 2012 heinkun 1. päiväl, nügüdläine prezident om Enrike Penja Njeto.
Administrativiž-territorialine jagand[redaktiruida | redigeeri lähteteksti]
Kacu kirjutuz: Meksikan administrativiž-territorialine jagand.
Administrativiž-territorialižikš Meksik alajagase 31 valdkundha (štatha, isp. estados) da ühthe federaližhe ümbrikho (isp. Distrito Federal) — Mehiko-pälidnha. Kaik nened regionad nimitadas federaližikš ühtnikoikš (isp. Entidades federativas).
Eläjad[redaktiruida | redigeeri lähteteksti]
Meksikas elädas meksikalaižed.
Valdkundas om 10 lidnad-millionerad: Mehiko, Gvadalahar, Monterrei, Puebl, Ekatepek, Tihuan, Leon, Sjudad Huares, Nesaual'kojotl', Sapopan.
Ižanduz[redaktiruida | redigeeri lähteteksti]
Meksikan päeksport om avtod, jüguavtod, traktorad da likkuimiden varapalad (17%), televizorad da radiooigendimed (14%), kivivoi (11%); toine eksport — digitaližed ladimed oigendamha andmusid (4%), elektroveimed da elektroavtomatad (4%), fruktad da maplodud (3%), sobad (3%), kuld (2%), medicinine instrument (2%), ištmed (1%), vilugoitimed (1%).
Homaičendad[redaktiruida | redigeeri lähteteksti]
- ↑ México, Proyecciones de Población. — Consejo Nacional de Población (CONAPO) (isp.)
- ↑ Meksik. — Venäman röunantagaižiden azjoiden ministruz (mid.ru). (12-28-2005) (ven.)
Irdkosketused[redaktiruida | redigeeri lähteteksti]
- Meksikan parlamentan üläkodin oficialine sait. (isp.)
- Meksikan parlamentan alakodin oficialine sait. (isp.)
| Pohjoižamerikan valdkundad | ||
 |
||
