Turks e Caicos
Turks and Caicos Islands Illas Turks e Caicos |
|||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||
|
As Illas Turks e Caicos (en inglés Turks and Caicos Islands) son un territorio de ultramar dependente do Reino Unido e están situadas ao norte da illa A Española, onde se atopan Haití e A República Dominicana, en augas do Mar Caribe. Ata o ano de 1962 eran administradas por Xamaica, pero ao conseguir esta a súa independencia pasaron a depender do Gobernador Xeral das illas Bahamas. Cando as Bahamas conseguiron a súa independencia en 1973 pasaron a constituírse como un territorio á parte e aínda que no ano de 1982 o Reino Unido concedeulles a independencia as illas deron marcha atrás e preferiron seguir gobernadas como un territorio dependente da coroa británica.
Desde o 11 de xullo de 2005 o gobernador (designado por Isabel II do Reino Unido) das illas é Richard Tauwhare, quen actúa de facto como xefe de estado representando a raíña e supervisa os labores dun Consello Lexislativo composto por 19 membros (dos cales só 13 son electos) na cidade de Cockburn Town, a capital do territorio. O xefe de goberno é o Principal Ministro elixido, actualmente Michael Misick. A economía das illas depende do turismo, a pesca e dos investimentos estranxeiros non tributables. A poboación ascende a unhas 19.350 persoas das cales o 90% son de raza negra e o 86% practican o cristianismo protestante. A moeda de curso legal é o dólar estadounidense e desde o día 2 de xullo de 1991 as Illas Turcas e Caicos son membro asociado da Comunidade do Caribe.
División Administrativa[editar | editar a fonte]
As Illas Turcas e Caicos están compostas por seis distritos agrupados en dous grupos de illas: as illas Caicos e as illas Turcas.
Illas Caicos[editar | editar a fonte]
- Illas Principais:
- Caicos Central ou (Middle Caicos) e a súa cabeceira de distrito é Conch Bar
- Caicos do Norte ou (North Caicos)' e a súa cabeceira de distrito é Bottle Creek
- Caicos do Sur e Caicos do Leste ou (South Caicos e East Caicos), a cabeceira deste distrito é Cockburn Harbour.
- Providenciales e Caicos do Oeste (Providenciales e West Caicos), Blue Hills é a súa cabeceira de distrito.
- Caio Ambergris (Ambergris Cay)
- Illas menores:
- Caio Pine (Pine Cay)
- Caio Parrot (Parrot Cay)
Illas Turcas[editar | editar a fonte]
As illas Turcas están divididas por dous distritos:
- Caio Salt (Salt Cay), con cabeceira de distrito en Balfour Town
- Illa Gran Turk (Grand Turk), con cabeceira de distrito en Cockburn Town, que é á vez capital das Illas
Notas[editar | editar a fonte]
|