México

Estaos Xuníos Mexicanos
Bandera de México Escudu de México
Lema nacional:
Himnu nacional: Himnu Nacional Mexicanu
Capital  • Población  • Coordenaes	Ciudá de México 8 720 916 hab. (2005) 19°26′ N 99°08′ O
Ciudá más poblada	{{{ciudá_más_poblada}}}
Llingües oficiales	{{{llingües_oficiales}}}
Llingües reconocíes	{{{llingües_reconocíes}}}
Forma de gobiernu Presidente	República federal Enrique Peña Nieto
Independencia  • Declarada  • Consumada  • Reconocida	d'España 16 de setiembre de 1810 27 de setiembre de 1821 28 d'avientu de 1836
Superficie  • Total  • % agua Llendes Costes	Puestu 15º 1 972 550 km² 2,5% 3152 km al norte con Estaos Xuníos d'América, al sureste 956 km con Guatemala y 193 km con Belize Océanu Pacíficu, océanu Atlánticu
Población  • Total  • Densidá	Puestu 11º 112 322 757 (12-06-2010) 57 hab/km²
PIB (PPA)  • Total (2010)  • PIB per capita	Puestu 11º US$ 1.034.308 millones US$ 9.522
Moneda	Pesu ($, MXN)
Xentiliciu	mexicanu, -a, -o
Zona horaria  • en Branu	UTC-6 a UTC-8 UTC-5 a UTC-7
Dominiu d'Internet	.mx
Códigu telefónicu	+52
Prefixu radiófonicu	4AA-4CZ, 6DA-6JZ, XAA-XIZ
Códigu ISO	484 / MX / MEX
Miembru de: OEA, ONX, OCDE, TLCAN, G-20, G-5, APEC, G-3, CIN, XL, ABINIA, Grupu de Río, OEI, AEC.
Sitiu web del Gobiernu: {{{web_gobiernu}}}

México (tamién Méxicu; náhuatl: Mēxihco «en el ombligo de la luna»), nomáu oficialmente Estaos Xuníos Mexicanos, ye un país d'América del Norte. Asitiáu na parte meridional del subcontinente, llenda al norte colos Estaos Xuníos d'América, al sureste con Belize y Guatemala, al este col golfu de México y el mar Caribe y al oeste col océanu Pacíficu. Ye'l decimocuartu país mayor del mundu, con alredor de dos millones de kilometros cuadraos d'estensión, y tien una población (INEGI, 2010) de cuasique 112 millones de persones. Les más d'elles tienen como llingua materna l'español, que ye la llingua nacional del país xunto con otres 67 llingües indíxenes .

La presencia humana en México remóntase a 30.000 años AP. Tres de dellos milenios de desarrollu cultural surdieron nel actual territoriu de México les cultures mesoamericanes, aridoamericanes y oasisamericanes. Nel sieglu XVI el so espoxigue foi interrumpíu pola llegada los españoles, que dominaron el país hasta 1810, cuando'l país entamó la llucha pola so independencia. Algamada esta, el país foi escenariu demientres el sieglu siguiente de delles guerres internes y invasiones foriatas, qu'afectaron fondamente la vida diaria de los mexicanos. El sieglu XX (especialmente la primer metá) foi, baxo la dirección política ininterrumpida del Partíu Revolucionariu Institucional, una época de gran espoxigue económicu.

Según la Organización Mundial del Turismu México ye'l principal destinu turísticu d'América Llatina, y ún de los diez países más visitaos del mundu. Inflúin nesi fechu la existencia nel país de 31 llugares, culturales y naturales, consideraos pola UNESCO como Patrimoniu de la Humanidá. Pol volume del so productu interior brutu nominal ye consideráu la decimocuarta economía mundial, siendo la segunda mayor economía d'América Llatina y la cuarta de tol continente. El repartu de la riqueza, por embargu, ye perdesigual, coexistiendo nel país conceyos con índices de desarrollu humanu asemeyaos a los d'Alemaña con otros con índices asemeyaos a los de Burundi. México ye tamién ún de los países con mayor diversidá climática del mundu, y agospia el 10-12% de toa la biodiversidá mundial y más de 12.000 especies endémiques.

Políticamente México ye una república democrática, representativa y federal formada por 31 estaos y un distritu federal, que comprende la Ciudá de México, sé del gobiernu y les instituciones de la federación, y la so rodiada.

Política y gobiernu

Organización política

L'actual Constitución mexicana foi aprobada'l 5 de febreru de 1917. Por ella México defínese como una república federal representativa y democrática, que ta dividida en 31 estaos y un distritu federal.

El poder executivu ye exercíu pol presidente, elexíu pa seis años por votu popular directu pa un mandatu únicu; ayúdenlu un gabinete formáu por 18 secretarios y un fiscal xeneral. El poder llexislativu tiénlo'l Congresu Xeneral, un muérganu bicameral qu'inclúi al Senáu y la Cámara de Diputaos. Esta fórmenla 500 diputaos; d'ellos 300 son escoyíos siguiendo'l principiu de votación mayoritaria, y los otros 200 por representación proporcional. El Senáu fórmenlu 128 senadores; son cuatro por cada estáu, trés escoyíos de forma directa y l'otru por representación proporcional. Nin los senadores nin los diputaos pueden ser elexíos pa periodos consecutivos. El poder xudicial, pela so banda, tien como muérganu cimeru la Suprema Corte de Xusticia, formada por once maxistraos.

A nivel estatal repítese esti esquema organizativu. Hay un gobernador qu'exerce'l poder executivu, una Cámara de Diputaos que llexisla y un Tribunal Superior de Xusticia.

Gobiernu

L'actual presidente de la República ye, dende'l 1 d'avientu de 2006, Felipe Calderón Hinojosa. La presidenta de la Cámara de Diputaos ye Guadalupe Acosta Naranjo, y el Senáu ta presidíu por José González Morfin. El gabinete ministerial fórmenlu les siguientes secretaríes (ministerios) y persones:

• Agricultura, Ganadería, Desarrollu Rural, Pesca y Alimentación: Francisco Javier Mayorga Castañeda.
• Economía: Bruno Ferrari García de Alba.
• Comunicaciones y Tresportes: Dionisio Pérez-Jácome Friscione.
• Función Pública: Salvador Vega Casillas.
• Defensa Nacional: Guillermo Galván Galván.
• Desarrollu Social: Heriberto Fèlix Guerra.
• Educación Pública: Alfonso Lujambio Irazábal.
• Enerxía: Jordy Herrera Flores.
• Gobernación: Alejandro Poiré Romero.
• Facienda y Creitu Públicu: José Antonio Meade Kuribreña.
• Marina: Mariano Francisco Saynez Mendoza.
• Mediu Ambiente, Recursos Naturales y Pesca: Juan Rafael Elvira Quesada.
• Reforma Agraria: Abelardo Escobar Prieto.
• Relaciones Esteriores: Patricia Espinosa Castellano.
• Salú: Salomón Chertorivski Woldenberg.
• Trabayu y Previsión Social: Javier Lozano Alarcón.
• Turismu: Gloria Guevara Manzo.
• Seguridá Pública y Servicios a la Xusticia: Genaro García Luna.
• Procuraduría Xeneral de la República: Marisela Morales Ibáñez.

Partíos políticos y sindicatos

Los principales partíos políticos mexicanos, y los sos actuales presidentes, son los que vienen darréu:

• Partíu Revolucionariu Institucional (PRI), presidíu por Pedro Joaquín Coldwell.
• Partíu d'Acción Nacional (PAN), presidíu por Gustavo Madero.
• Partíu de la Revolución Democrática (PRD), presidíu por Jesús Zambrano Grijalva.
• Partíu del Trabayu (PT), que'l so coordinador nacional ye Alberto Anaya Gutiérrez.
• Partíu Verde Ecoloxista de México (PVEM), que'l so portavoz nacional ye Arturo Escobar y Vega.
• Converxencia/Movimientu Nacional, presidíu por Luis Walton Aburto.
• Partíu Nueva Alianza (PANAL), presidíu por Luis Castro Obregón.

D'ente los sindicatos del país pueden destacase, pola so importancia:

• Confederación de Trabayadores de México (CTM), que'l so secretariu xeneral ye Joaquín Gamboa Pascoe.
• Confederación Nacional Campesina (CNC), presidida por Gerardo Sánchez García.

Organización territorial

Los Estaos Xuníos Mexicanos son una federación formada por 31 estaos soberanos, que tien xurisdicción sobro'l Distritu Federal y otros territorios. Caún de los estaos tien la so propia constitución, parlamentu y sistema xudicial, y los sos ciudadanos elixen por votu directu a un gobernador pa un periodu de seis años, y a los sos representantes na cámara de diputaos estatal pa un periodu de trés. El Distritu Federal ye una entidá con un status especial: pertenez al conxuntu la federación y non a dengún estáu en particular y tien, poro, poderes llocales más llimitaos que los de los estaos.

Los estaos tán sodividíos en municipios, gobernaos por un alcalde o presidente municipal elexíos por sufraxu directu.

Distritu Federal

Entidá	Nome oficial	Bandera	Estensión	Población (2010)	Fecha de fundación
Ciudá de México	Distritu Federal		1.485 km²	8.720.916	18 de payares de 1824

Estaos mexicanos

Estaos de México

Estáu	Nome oficial Estado Libre y Soberano de	Bandera	Capital	Ciudá más poblada	Estensión	Población (2010)	Númberu d'orden d'admisión na federación	Fecha d'admisión na federación
Aguascalientes	Aguascalientes		Aguascalientes	Aguascalientes	5.618 km²	1.184.996	24º	5 de febreru de 1857
Baja California	Baja California		Mexicali	Tijuana	71.446 km²	3.155.070	29º	16 de xineru de 1952
Baja California Sur	Baja California Sur		La Paz	La Paz	73.922 km²	637.026	31º	8 d'ochobre de 1974
Campeche	Campeche		San Francisco de Campeche	San Francisco de Campeche	57.924 km²	822.441	25º	29 d'abril de 1863
Chiapas	Chiapas		Tuxtla Gutiérrez	Tuxtla Gutiérrez	73.289 km²	4.796.580	19º	14 de setiembre de 1824
Chihuahua	Chihuahua		Chihuahua	Ciudad Juárez	247.455 km²	3.406.465	18º	6 de xunetu de 1824
Coahuila1 4	Coahuila de Zaragoza		Saltillo	Torreón	151.563 km²	2.748.391	16º	7 de mayu de 1824
Colima6	Colima		Colima	Manzanillo	5.625 km²	650.555	23º	12 de setiembre de 1856
Durango	Durango		Victoria de Durango	Victoria de Durango	123.451 km²	1.632.934	17º	22 de mayu de 1824
Guanajuato	Guanajuato		Guanajuato	León	30.608 km²	5.486.372	2º	20 d'avientu de 1823
Guerrero	Guerrero		Chilpancingo de los Bravo	Acapulco	63.621 km²	3.388.768	21º	27 d'ochobre de 1849
Hidalgo	Hidalgo		Pachuca	Pachuca	20.846 km²	2.665.018	26º	16 de xineru de 1869
Jalisco	Jalisco		Guadalajara	Guadalajara	78.599 km²	7.350.682	9º	23 d'avientu de 1823
México	México		Toluca de Lerdo	Ecatepec de Morelos	22.357 km²	15.175.862	1º	20 d'avientu de 1823
Michoacán	Michoacán de Ocampo		Morelia	Morelia	58.643 km²	4.351.037	5º	22 d'avientu de 1823
Morelos	Morelos		Cuernavaca	Cuernavaca	4.893 km²	1.777.227	27º	17 d'abril de 1869
Nayarit	Nayarit		Tepic	Tepic	27.815 km²	1.084.979	28º	26 de xineru de 1917
Nuevo León4	Nuevo León		Monterrey	Monterrey	64.220 km²	4.653.458	15º	7 de mayu de 1824
Oaxaca	Oaxaca		Oaxaca de Juárez	Oaxaca de Juárez	93.793 km²	3.801.962	3º	21 d'avientu de 1823
Puebla	Puebla		Puebla de Zaragoza	Puebla de Zaragoza	34.290 km²	5.779.829	4º	21 d'avientu de 1823
Querétaro	Querétaro de Arteaga		Santiago de Querétaro	Santiago de Querétaro	11.684 km²	1.827.937	11º	23 d'avientu de 1823
Quintana Roo	Quintana Roo		Chetumal	Cancún	42.361 km²	1.325.578	30º	8 d'ochobre de 1974
San Luis Potosí	San Luis Potosí		San Luis Potosí	San Luis Potosí	60.983 km²	2.585.518	6º	22 d'avientu de 1823
Sinaloa	Sinaloa		Culiacán	Culiacán	57.377 km²	2.767.761	20º	14 d'ochobre de 1830
Sonora2	Sonora		Hermosillo	Hermosillo	179.503 km²	2.662.480	12º	10 de xineru de 1824
Tabasco5	Tabasco		Villahermosa	Villahermosa	24.738 km²	2.238.603	13º	7 de febreru de 1824
Tamaulipas4	Tamaulipas		Ciudad Victoria	Reynosa	80.175 km²	3.268.554	14º	7 de febreru de 1824
Tlaxcala	Tlaxcala		Tlaxcala	Vicente Guerrero	3.991 km²	1.169.936	22º	9 d'avientu de 1856
Veracruz	Veracruz de Ignacio de la Llave		Xalapa	Veracruz	71.820 km²	7.643.194	7º	22 d'avientu de 1823
Yucatán3	Yucatán		Mérida	Mérida	39.612 km²	1.955.577	8º	23 d'avientu de 1823
Zacatecas	Zacatecas		Zacatecas	Zacatecas	75.539 km²	1.490.668	10º	23 d'avientu de 1823

Notes:

1. El so nome de la que s'axuntó a la federación yera Coahuila y Texas.
2. Axuntose a la federación col nome d'Estáu d'Occidente, magar que yera conocíu tamién como Sonora y Sinaloa.
3. Axuntose a la federación col nome de República Federada de Yucatán, y comprendía los territorios de los actuales estaos de Yucatán, Campeche and Quintana Roo. Declaró la so independencia en 1841, formando la Segunda República de Yucatán, y axuntose de vez a la federación mexicana en 1848.
4. Los estaos de Nuevo León, Tamaulipas and Coahuila declaráronse independientes en 1840, y formaron la República del Río Grande. La república nun llegó a consolidase, porque les sos tropes foron derrotaes poles centralistes.
5. L'estáu de Tabasco dixebrose de México dos vegaes. La primer d'ella dende'l 13 de febreru de 1841 hasta'l 2 d'avientu de 1842; la segunda dende'l 9 de payares de 1846 hasta'l 8 d'avientu d'esi añu.
6. Inclúi l'archipiélagu de Revillagigedo, que ye alministráu dende'l estáu federal.

Demografía

La población del país yera en 2010, según datos oficiales, de 112.336.538 habitantes. El 75% d'ellos figuren nes estadístiques oficiales como mestizos, el 6% como amerindios y el 19% blancos d'orixe européu.

Economía

Ye'l país de fala hispana con mayor PIB (en PPA).

Natura

Nel istmu de Tehuantepec, asítiase la llende ente'l grupu d'especies d'América del Norte y del Sur.

Enllaces esternos

• Presidencia de la República
• Cámara de Diputaos
• Congresu Nacional
• Bancu de México
• Institutu Nacional d'Estadística, Xeografía y Informática (INEGI)
• Oficina Nacional de Turismu

• Wikimedia Commons tien conteníu multimedia tocante a México.