Curaçao

Land Curaçao

Land Curaçao


Flagge	Wappen

Amtspraach

Niiderländisch, Papiamentu, Änglisch

Hauptschtadt

Willemstad

Schtaatsform

autonoms Land im Königriich vo de Niiderlande

Schtaatsoberhaupt

Königin Beatrix

Regierigschef

Gerrit Schotte

Flächi

444 km²

Iiwohnerzahl

142.180 2010^[1]

Bevölkerigsdichti

320 Iiwohner pro km²

Bruttoinlandsprodukt pro Iiwohner

US$ 20.500 2008

Human Development Index

± 0.890

Währig

Antille-Gulde (ANG)

Ziitzone

UTC -4

Kfz-Kennzeiche

NA

Internet-TLD

.an

Vorwahl

+599-9

Curaçao (Papiamentu: Kòrsou) isch mit öbbe 444 km² die grössti Insle vo de ehemolige Niiderländischen Antille in dr Karibik. D Insle bildet sit em 10. Oktober 2010 en autonoms Land im Königriich vo de Niiderlande.

Geographii und Klima[ändere | Quälltäxt bearbeite]

D Insle lit öbbe 60 km vom Festland (nördlig vo Venezuela und nordöstlig vo Kolumbien). Westlig vo Curaçao befindet sich d Insle Aruba, wo bis 1986 au zu de Niiderländischen Antille ghört het, östlig d Insle Bonaire. Zsämme mit dene ghört Curaçao geographisch zu de Insle under em Wind. Südöstlig lit Chlii Curaçao, en unbewohnti Insle, wo bsunders bi Daucher beliebt isch und wo nume e Lüchddurm druf stoht.

D Insle Aruba, Bonaire und Curaçao wärde uf Grund vo ihre Aafangsbuechstabe au as ABC-Insle bezeichnet.

Curaçao lit im diräkte Iiflussgebiet vom Nordost-Passat. Wil d Insle z flach für Stiigigsrägen isch, bringe d Luftmasse nume relativ wenig Rägen uf d Insle und wil d Niiderschleg uf Curaçao nit regelmässig si, git s uf dr Insle keini permanänte Flüss. Es herrscht e semiarids Dagesziiteklima mit eme durchschnittlige Johresniiderschlag vo 550 mm und ere Johresdurchschnittstämpratur vo fast 28 °C. Die jöhrlige Rägemänge schwanke mit Wärt zwüsche 200 und 1200 mm stark.

Die höchsti Erhebig isch dr Sint-Christoffelberg.