Barack Obama
Ola mua[E ho'opololei | edit source]
Ua hānau ʻia ʻo Barack Obama i ka lā 4 ʻAukake, 1961 ma Kapiʻolani Medical Center ma Honolulu, Hawaiʻi. ʻO Barack Obama Makua lāua ʻo Ann Dunham nā inoa o kona mau mākua. No Nyang’oma Kogelo, Kenia mai kona makuakāne a no Wichita, Kanekaka mai kona makuahine.
Ma hope o kō Ann Dunham ʻoki male ʻana mai Barack Obama Makua, ua male ʻo ia iā Lolo Soetero a ua hele aku ʻo Barack keiki lāua ʻo Ann i ko Soetero one hānau ʻo ʻInidonesia ma ka makahiki 1967. Ua hele ʻo Barack i kekahi mau kula kūloko ma laila e like me St. Francis of Assisi School ma Jakarta. Ua hoʻi mai ʻo Barack i Hawaiʻi a ua noho ʻo ia me kona mau kūpuna, ʻo Madelyn lāua ʻo Stanley Dunham. Ua hele ʻo Barack i ke kula ʻo Punahou mai ka papa ʻelima a hiki i kona puka kula ma ka makahiki 1979.
