Afganistan

Afganistanan Islamine Tazovaldkund
د افغانستان اسلامي جمهوریت (puštu)
(Də Afġānistān Islāmī Džumhurijat)
جمهوری اسلامی افغانستان (dari)
(Džomhuri-je Eslāmi-je Afġānestān)

Flag	Valdkundznam
Pälidn	Kabul
Eläjiden lugu (2014)	31,822,848 ristitud
Pind	652,864 km²
Kel'	puštu, dari
Valdkundan pämez'	Ašraf Gani Ahmadzai
Päministr	Abdulla Abdulla
Religii	islam
Valüt	afgani (AFN)
Internet-domen	.af
Telefonkod	+93
Aigvö	UTC+4:30

Afganistan (puštu dai dari: افغانستان Afġānistān), täuz' oficialine nimituz — Afganistanan Islamine Tazovaldkund (puštu: د افغانستان اسلامي جمهوریت Də Afġānistān Islāmī Džumhurijat, dari: جمهوری اسلامی افغانستان Džomhuri-je Eslāmi-je Afġānestān), om mererandatoi valdkund Azijan Keskpäivnouzmas. Sen pälidn da kaikiš suremb lidn om Kabul.

Istorii

Vl 1919 elokun 19. päivän Afganistan tedištoiti ičeze ripmatomudes Sures Britanijaspäi.

Geografijan andmused

Afganistanan topografine kart.

Afganistan om mavaldkundröunoiš Turkmenistananke (röunan piduz — 804 km), Uzbekistananke (144 km) da Tadžikistananke (1357 km) pohjoižes, Kitainke pohjoižpäivnouzmas (91 km), Pakistananke päivnouzmas da suves (2670 km), Irananke päivlaskmas (921 km). Ühthine röunoiden piduz — 5987 km.

Londuseližed pävarad — kivivoi, londuseline gaz, kivihil', metallad (raudkivend, vas'k, hrom, hahktin, cink); toižed varad — čomad kived, tal'k, sol, mahuz.

Politine sistem

Ohjandusen form om unitarine prezidentine tazovaldkund. Valdkundan pämez' om prezident. Kaks' varaprezidentad oma hänele abuhu.

Parlament om kaks'kodine Nacionaline Suim.

Vodhesai 2014 Afganistanan prezident oli Hamid Karzai; päministrad oliba Mohammad Fahim da Karim Halili.

Administrativiž-territorialine jagand

   Kacu kirjutuz: Afganistanan administrativiž-territorialine jagand.

Eläjad

Vl 2009 eläjiden lugu oli 28,150,000 ristitud.

Irdkosketused

• Afganistanan prezidentan oficialine portal. (angl.) (Puštu) (Dari)
• Afganistanan prezidentan oficialine sait. (angl.) (Puštu) (Dari)