Оросын Холбооны Улс

Оросын Холбооны Улс орос. Российская Федерация
Төрийн далбаа Төрийн сүлд
Төрийн дууллын нэр: орос. Государственный гимн Российской Федерации «Оросын Холбооны Улсын төрийн дуулал»
Нийслэл  (их хот)		Москва
Албан хэл		Орос хэл
Зөвшөөрөгдсөн орон нутгийн хэл		Орон нутагт Орос хэлний хамтаар ёсчлогдох 27 хэл
Ард түмэн  (2002 он)		79.8% - Орос үндэстэн   3.8% - Татар үндэстэн   2.0% - Украйн үндэстэн   1.2% - Башкир ястан   1.1% - Чуваш ястан 12.1% - бус ард түмэн (бүрэн жагсаалт →)
Олон түмэн		Оросынхон Орос улсынхан Оросын ард түмэн
Төр засаг		Ардчилсан дэглэм, холбооны байгууламж, ерөнхийлөгчийн бүгд найрамдах засагтай
-	Ерөнхийлөгч	Владимир Путин
-	Ерөнхий сайд	Дмитрий Медведев
-	ХЗ-ын тэргүүн	Валентина Матвиенко
-	ТД-ын дарга	Сергей Нарышкин
Улсын хурал		«Холбооны Хурал»
-	Дээд танхим	«Холбооны Зөвлөл» (ХЗ)
-	Доод танхим	«Төрийн Дум» (ТД)
Түүх
-	882 он	Киевийн Орос үүссэн
-	1547-01-16	Хаант Орос улс тогтсон
-	1917-11-07	ЗСБНХОУ байгуулагдсан
-	1991-12-25	ОХУ байгуулагдсан
Нутаг дэвсгэр
-	Бүх талбай	17,075,400 км2 (1)
-	Гадаргын ус (%)	13%
Хүн ам
-	Тооцоо (2012)	143,056,383 (8)
-	Тооллого (2010)	142,905,208
-	Нягт сийрэг	8.3 хүн/км2
ДНБ (ХАЧТ)		2011 оны тооцоо
-	Нийт дүн	$2.383 их наяд (6)
-	Нэг хүнд	$16,736
ДНБ (Нэрлэсэн)		2011 оны тооцоо
-	Нийт дүн	$1.884 их наяд (9)
-	Нэг хүнд	$13,235
ОТББИ (2008)		42.3 (их) (83)
ХХИ (2011)		▲ 0.755 (сайн) (65)
Мөнгөний нэгж		Оросын рубль (RUB)
Цагийн бүс		НЗНЦ +3-аас +10
Домэйн нэр		латин .ru, кирилл .рф
Утасны томьёо		+7

Орос (орос.  Россия), албан ёсоор Оросын Холбооны Улс (үгээр хураавал ОХУ) нь хойд Евразийн орон юм. Орос нь хагас ерөнхийлөгчийн засаглалт бүгд найрамдах, 83 харъяат ангиас бүрдэх холбооны улс юм. Орос нь өргөн уудам нутагтай учир баруунаас зүүн тийш Норвеги, Финлянд, Эстон, Латви, Литва, Польш, Беларусь, Украйн, Гүрж, Азербайжан, Казахстан, Хятад, Монгол, Хойд Солонгос гэх олон улстай хил залгана. Мөн усаар зааглагдаж, АНУ-н Аляска муж, Швед, Дани, Турк, Япон улстай ойр оршино.

Дэлхийн хамгийн том болох 17,075,400 хавтгай дөрвөлжин километр газар нутагтай, 8 дахь хүн ихээр суурьшсан, нийт 143 сая хүнтэй том улс юм. Тайлбарлавал, Оросын газар нутаг Хойд Азийг бүхэлд нь, Европын 40 хувийг бүрхдэг, хөндлөнгөөрөө 9 цагийн бүсд хуваагддаг, олон янз байгаль, газрын тогтоц бүхий уудам болно. Мөн дэлхийд эрдэс баялаг ба эрчим хүчний эх үүсвэр, ой, цэнгэг усны нөөцөөрөө тэргүүлнэ.

Оросууд 988 оноос Христийн шашны урсгал Үнэн алдартны шашинд сүсэглэсэн. 13-р зуунд Монголын байлдан дагууллын үед Киевт төвлөрсөн улс цохигдон бутарснаар, Алтан Ордны улсын албат, гувчуур төлөгч болцгоов. Москвагийн гүнт улсыг хүрээлэн нэгдсэн Оросууд 1380 онд Куликовын тулалдаанд Мамайн цэргийг цохисноор бүрэн тусгаар тогтнож, түүнээс хойш улам тэлжээ. Хожим 17-18-р зуунд дорно зүгт байлдан дагуулах, нэгтгэн хавсаргах, газар зүйн нээлт хийх маягаар Оросын эзэнт гүрэн нь Польшоос Альска хүртэлх өргөн уудам нутагтай болжээ.

1917 оны хувьсгалаар хаант ёсыг халж Зөвлөлт Холбоот Улс залгамжлахад гол бүрэлдэхүүн улс нь Орос байв. ЗХУ-ын үед шинжлэх ухаан, технологийн үсрэнгүй хөгжилд хүрч, сансарт хүн анх нисгэсэн. ЗХУ-ын бутралаар бусад 14 БНУ-ын адил 1991 онд тусгаар улс болсон.

Эдүгээ Орос нь Худалдан авах чадвараар тэгшитгэсэн ДНБ-ын хэмжээгээр 6-д, Нэрлэсэн ДНБ-ын хэмжээгээр 9-д эрэмбэлэгддэг, НҮБ-н Аюулгүй байдлын зөвлөлийн байнгын гишүүн, ТУХН-ын тэргүүлэх гишүүн, Их Наймын гишүүн, хүлээн зөвшөөрөгдсөн цөмийн зэвсэгтэй 5 орны нэг гэх мэт нөлөө бүхий гүрэн юм.

Түүх

XI зууны Киевийн Русь

Орос орон өргөн уудам болохоор түүхийг олон янзаар дурдаж болно. Эрт үед Каспи, Хар тэнгисийн эрэг, нам доор газраар Скиф, Авар, Хүн гэх мэт нүүдэлчин соёл оршин байв. Гэвч Орос улсын түүхийн бат суурь нь өрнө захын Орос нутгаас эхэлнэ. 860 онд Новгородын эзэн (гүн) Рюрик гэгч викинг хүн Хазар Түргүүдийг ухраан эзэмшлээ өргөтгөсөн нь Волхов гол, Днепр мөрний хөндийн худалдааны замын эзэрхсэн, Зүүн Славуудын түүхэн дэх анхны төрт улс Киевийн Русь болжээ. Викинг хүний байгуулсан улс боловч 10-р зууны эцэст хүн амын олонх нь Слав угсаатан байжээ. Энэ үед Визант (Грек)-аас худалдаа, шашин, соёлыг идээшүүлэн хүртэж байв. Киевийн Русь 988 оноос албан ёсоор Христосын шашныг дагаж, аажмаар энд Үнэн алдартны шашин салбарлан хөгжжээ. 11-р зууны Цэцэн Ярославын үед Орост (өнөөгийнхөөр Орос орны өрнө захаар) эдийн засаг, уран зохиол, барилга урлал мэдэгдэхүйц сайн дэлгэрэв. Бурангуй нийгэм (феодализм)-ийн зүй тогтол ёсоор олон ноёд хооронд байлдаан тэмцэл тасарч байгаагүй. 1237-1240 онд Монголчууд Владимир, Киевийг довтолсноор Зүчийн улсад 1480 он хүртэл захирагджээ. Түлхэгдсэн Оросын төв Новгород болж, 1240 онд Нева голд Шведийг дарсан зэрэг байлдаанаар умар зүгт нутаг тэлжээ. Үүнээс Монгол-Алтан Ордыг сөрөх Москва, Доод Новгород, Тверь зэрэг хот суурин босч байв. Шашныхантайгаа хамжиж тархай ноёдыг цуглуулсан Доны Дмитрий 1380 оны шийдвэрлэх Куликовын тулалдаанаар Мамайн цэргийг цохижээ.

Оросын эзэнт гүрнийг
тунхаглагч I Петр хаан

15-р зуунд Москвагийн гүн III Иван үндсэндээ газар газрын олон гүнг үгэндээ оруулж, Орос улсын "их гүн" (великий князь) болжээ. 1453 онд Византийн Константинополь Османд эзлэгдэж төгссөнөөр Византийн агуу өвийг Орос залгаж байна гэдэг ойлголтоор IV [Догшин] Иван «цезарь» буюу «царь» (ван, хан, хаан гэж монголчлоно) гэдэг цолыг бий болгон өөрөө анхлан хүртсэн. Догшин Иван Балтын тэнгист гарцтай болохын тулд Ливонтой (1558–1583) олон жил байлдаж, дорнош Астрахань (1556 онд буулган авсан), Казань (1552) ханлигийг мөхөөж, Уралыг давж Сибирьт цэргээ илгээж газар нутгаа тэлснээр олон үндэстний Орос, Зөвлөлтийн шав тавигджээ. 1600-аад оны дотоодын хямралын үед Романовын удамд засгийн эрх шилжсэн. Оросынхон газар нээгч жуулчдын гаргасан зам, арьс, үнэт эд олох сэдэл, хазаг (казак) цэргийн хүчээр 17-18-р зуунд нутгаа Номхон далай хүртэлхи нутгийг эзэлжээ. 1721 онд албан ёсоор Оросын эзэнт гүрэн (Российская империя) гэсэн утгат нэрээ тунхаглажээ. Гэхдээ энэ улсыг Монголчууд 20-р зууны эхэнд Зөвлөлт Оросоос нь ялгаж Хаант Орос улс л гэдэг байсан билээ. I Петр (1682–1725 оны хооронд төр барьсан), Елизавета (1741–1762), II Екатерина (1762–1796), II Александр (1855–1881) зэрэг түүхэнд тодоор үлдсэн хаад төр барьж, өнөөгийнхөөр хэлвэл Финланд, Польшоос Аляска, Өвөр Кавказ, Дундад Ази хүрсэн уудам газар нутгийг дайтахдаа дайтаж, туслахдаа туслаж мухардуулсаар өөрийн улсынх болгож байв. 1878 онд Османы улстай дайтаж хамар дээр нь байх Болгарыг чөлөөлж хүч чадлаа бахдуулжээ. 19-р зууны төгсгөл, 20-р зууны эхээр хувьсгалын үзэл санаа дэлгэрч, дэлхийн нэгдүгээр дайны үед буюу 1917 оны 2-р сард хөрөнгөтнүүд хаанаа (II Николай) түлхэн унагав. 11-р сард (Октябрын хувьсгал) шал өөр буюу ажилчин тариачдад засгийн эрх шилжив. Дайны дараах гэрээгээр Украйн, Польш, Финланд, Балтын орнуудын нутгаа алдсанаас Украйн, Балтын гурвыг эргүүлж авсан ч зууны адагт дахин тавьж явуулсан. Цагаан арми, салан тусгаарлагч ястан үндэстний цэрэг, төртэй шинэ төрж гарсан Зөвлөлт улс, түүний улаан арми хэдэн жил байлдаж дийлжээ.

1922 онд үүсэн байгуулагдсан ЗХУ-ын гол цөм нь Орос орон байсан ба 1922 онд Зөвлөлт Социалист Бүгд Найрамдах Холбоот Орос Улс (ЗСБНХОУ) нэрээр хожмын ойлголтоор 15 бүгд найрамдах улсынх нь нэг болж байгуулагджээ. 1924 онд хувьсгалын удирдагч Ленин өөд болж Сталины үе (1924-1953) эхлэжээ. Төвлөрсөн төлөвлөгөөт эдийн засаг, аж үйлдвэржилт, хөдөө аж ахуйн хамтрал төрийн бодлогоор хэрэгжиж байв. Дэлхийн хоёрдугаар дайнд өрнөөс дэлхийн эзлэхийг санаархагч Нацист Герман, түүний хамсаатан дорнын Японыг сөрж зогсоосон нь ЗХУ байлаа. Энэхүү Аугаа эх орны дайнд ЗХУ-ийн 30 сая хүн амь алдсан байдаг. Хардалт сэрдлэг маягаар олон сая хүнийг хэлмэгдүүлсэн нь Сталины нэрийг түүхнээ бараатуулдаг. 1991 онд ЗХУ задарснаар Орос улс дангаараа буюу Оросын Холбооны Улс (ОХУ) байгуулагдсан.

Төр засаг

ОХУ-ын үндсэн хууль ёсоор, төр нь холбооны байгууламжт, хагас ерөнхийлөгчийн бүгд найрамдах засаглалт, ардчилсан дэглэмт улс юм. Улсын тэргүүн нь ерөнхийлөгч, засгийн газрын тэргүүн нь ерөнхий сайд. Төр нь төлөөллийн ардчилсан, олон намын тогтолцоотой ба эрх мэдэл нь 3 доорх гурван бүтцэд салбарлана.

• Хууль тогтоох: Хоёр танхимт парламент болох Холбооны Хурал.

Дээд танхим болох Холбооны Зөвлөл: Харъяат анги бүрээс 2 төлөөлөгчийн эрхтэй, нийт 166 гишүүнтэй. Холбооны хууль, дайн зарлах, олон улсын гэрээг батламжлах, ерөнхийлөгчид итгэл үзүүлэх эсэх шийдвэрлэдэг.

Доод танхим болох Улсын Дум: Хувь тэнцүүлсэн (Пропорционал) саналын аргачлалт сонгуулаар сонгогдох 450 суудалтай хууль тогтоох байгууллага.

• Гүйцэтгэх: Ерөнхийлөгч давамгай эрхтэй. 1991 онд сонгогдсон анхны ерөнхийлөгч нь Борис Ельцин, 2000 оноос Владимир Путин, 2008 оноос Дмитрий Медведев, 2012 оноос дахин Владимир Путин юм. ОХУ-ын Засгийн газар нь төрийн гүйцэтгэх дээд байгууллага. Засгийн газар нь дарга, тэргүүн дэд дарга, дэд дарга, холбооны сайд нараас бүрэлдэнэ. Засгийн газрын даргыг Ерөнхийлөгч Төрийн думтай зөвлөлдөж томилно. Ерөнхийлөгч үүргээ биелүүлж чадахгүй болсон нөхцөлд Засгийн газрын дарга Ерөнхийлөгчийн үүргийг гүйцэтгэнэ. Хэрэв Засгийн газрын даргад нэр дэвшсэн хүнийг Төрийн дум гурван удаа буцаавал Ерөнхийлөгч Засгийн газрыг томилж, Төрийн думыг тарааж, шинээр сонгууль явуулна.

• Шүүх: Ерөнхийлөгчийн саналаар Үндсэн хуулийн цэц, Дээд шүүх, Хөндлөнгийн шүүхийн бүрэлдэхүүнийг Холбооны Зөвлөл баталдаг.

Орон нутаг

1993 оны үндсэн хуулийн хүрээнд 2008 оны өөрчлөлтийн дараагаас 6 өөр зүйлийн 83 махбодоос Оросын холбоо бүрдэх болжээ. 2000 оноос хойш хэд хэдээр нь бүсчлэн холбооны 8 тойрог болгоод ерөнхийлөгчид давхар захируулсан байдаг. Орос улсад 367 хот байдаг бөгөөд 2010 оны судалгаагаар 387 болсон.

77

78

01

04

02

03

19

05

06

14

07

08

09

10

11

12

13

15

18

16

20

21

17

28

29

30

31

32

38

37

76

39

40

42

43

45

46

44

44

48

49

51

50

52

53

54

73

55

56

57

58

60

62

61

65

63

64

67

66

68

72

71

70

74

69

33

35

36

34

79

22

27

41

23

24

59

25

26

75

86

89

83

87

Оросын холбооны наян гурван махбодын үндсэн танилцуулга

№	Туг, сүлд, томъёо	Холбооны махбодын монгол бичгийн нэр		Газар нутаг		Хүн ам (2013.1.1)		Нутгийн төв	Хэдэн нутагтай	Аль холбооны тойргийнх вэ?
		кирил	худам	км²	↑↓	хүн	↑↓
— бүгд найрамдах улс (оросоор республика) буюу улсын цөөн тоот ард түмэн өөртөө засах тодорхой эрх эдлэх орон (21) —
1	01	Адыгей орон	—	7,792	80	444,403	74	Майкоп	9	Өмнөд
2	04	Алтай орон	altai oron	92,903	35	210,344	79	Горно-Алтайск	11	Сибирийн
3	15	Ар Осет – Алан орон	—	7,987	79	706,123	68	Владикавказ	9	Ар Кавказын
4	02	Башгир орон	basigir oron	142,947	27	4,060,957	7	Уфа	63	Ижилийн
5	03	Буриад орон	buriyad oron	351,334	15	971,810	54	Улаан-Үд	23	Сибирийн
6	05	Даг орон	—	50,270	52	2,946,035	13	Махачкала	52	Ар Кавказын
7	06	Ингуш орон	—	3,700	81	442,255	72	Магас	8	Ар Кавказын
8	07	Кабард – Балкар орон	—	12,470	78	858,946	59	Нальчик	13	Ар Кавказын
9	09	Карачай – Черкес орон	—	14,277	77	471,847	75	Черкесск	12	Ар Кавказын
10	10	Карел орон	—	180,520	18	636,932	67	Петрозаводск	18	Өрнө умард
11	11	Коми орон	—	416,774	13	880,639	54	Сыктывкар	20	Өрнө умард
12	12	Мари орон	—	23,375	73	690,349	65	Йошкар-Ола	17	Ижилийн
13	13	Мордва орон	—	26,128	68	818,566	62	Саранск	23	Ижилийн
14	14	Саха орон	—	3,083,523	1	955,580	58	Якутск	36	Алс дорнодын
15	16	Татар орон	tatar oron	67,847	44	3,822,038	8	Казань	45	Ижилийн
16	17	Тува орон	—	168,604	21	310,460	77	Кызыл	19	Сибирийн
17	18	Удмурт орон	—	42,061	57	1,517,692	31	Ижевск	25	Ижилийн
18	08	Халимаг орон	qalimaɣ oron	74,731	40	284,140	78	Элст	14	Өмнөд
19	19	Хакас орон	—	61,569	46	533,025	71	Абакан	13	Сибирийн
20	20	Чечень орон	—	15,647	75	1,324,767	38	Грозный	19	Ар Кавказын
21	21	Чуваш орон	—	18,343	74	1,243,431	41	Чебоксары	26	Ижилийн
— хязгаар (оросоор край) гэдэг нь үндсэндээ Оросууд байдаг боловч мужтай харьцуулахад зах хязгаар, сийрэг суурьшилт газар (9) —
22	22	Алтайн хязгаар	—	167,996	22	2,398,751	22	Барнаул	23	Сибирийн
23	41	Камчаткын хязгаар	—	464,275	10	320,549	76	Камчаткын Петропавловск	14	Алс дорнодын
24	23	Краснодарын хязгаар	—	75,485	41	5,330,181	3	Краснодар	46	Өмнөд
25	24	Красноярскийн хязгаар	—	2,366,797	2	2,846,475	14	Красноярск	61	Алс дорнодын
26	75	Өвөр Байгалын хязгаар	—	431,892	12	1,095,169	47	Чит	34	Сибирийн
27	59	Пермийн хязгаар	—	160,236	24	2,634,461	18	Пермь	48	Ижилийн
28	25	Приморийн хязгаар	—	164,673	23	1,947,263	26	Владивосток	34	Алс дорнодын
29	26	Ставрополийн хязгаар	—	66,160	45	2,790,785	15	Ставрополь	35	Ар Кавказын
30	27	Хабаровскийн хязгаар	—	787,633	4	1,342,083	35	Хабаровск	19	Алс дорнодын
— муж (оросоор область) гэдэг нь Орос үндэстэн анхнаасаа давамгай оршин сууж ирсэн, улсын засаг захиргааны үндсэн нэгж (46) —
31	28	Амар муж	amur muji	361,913	14	816,910	61	Благовещенск	28	Алс дорнодын
32	29	Архангельск муж	—	589,913	8	1,202,295	41	Архангельск	26	Өрнө умард
33	30	Астрахань муж	—	49,024	55	1,013,840	56	Астрахань	13	Өмнөд
34		Белгород муж	—					Белгород	22
35		Брянск муж	—					Брянск	34
36		Владимир муж	—					Владимир	21
37		Волгоград муж	—					Волгоград	39
38		Вологда муж	—					Вологда	28
39		Воронеж муж	—					Воронеж	34
40		Иваново муж	—					Иваново	27
41		Калининград муж	—					Калининград	21
42		Калуга муж	—					Калуга	26
43		Кемерово муж	—					Кемерово	44
44		Киров муж	—					Киров	45
45		Кострома муж	—					Кострома	30
46		Курган муж	—					Курган	26
47		Курск муж	—					Курск	33
48		Ленинград муж	—					Санкт-Петербург	18
49		Липецк муж	—					Липецк	20
50		Магадан муж	—					Магадан	9
51		Москва муж	—					Москва	72
52		Мурманск муж	—					Мурманск	19
53		Нижегород муж	—					Доод Новгород	52
54		Новгород муж	—					Их Новгород	22
55		Новосибирск муж	—					Новосибирск	35
56		Омск муж	—					Омск	33
57		Оренбург муж	—					Оренбург	48
58		Орёл муж	—					Орёл	35
59		Пенза муж	—					Пенза	33
60		Псков муж	—					Псков	26
61		Ростов муж	—					Донын Ростов	57
62		Рязань муж	—					Рязань	29
63		Самар муж	—					Самар	37
64		Саратов муж	—					Саратов	42
65		Сахалин муж	—					Южно-Сахалинск	19
66		Свердловск муж	—					Екатеринбург	72
67		Смоленск муж	—					Смоленск	27
68		Тамбов муж	—					Тамбов	32
69		Тверь муж	—					Тверь	43
70		Томск муж	—					Томск	20
71		Тула муж	—					Тула	26
72		Тюмень муж	—					Тюмень	26
73		Ульяновск муж	—					Ульяновск	25
74	74	Челябинск муж	—	88,529	36	3,485,272	9	Челябинск	43	Уралын
75	38	Эрхүү муж	—	774,846	5	2,422,026	21	Эрхүү	36	Сибирийн
76		Ярославль муж	—					Ярославль	20
— холбооны ач холбогдолтой хот (оросоор город федерального значения) гэдэг нь аль нэг мужид хамааруулмааргүй их хот (2) —
77	77	Москва хот	—	2,511	82	11,979,529	1	Москва	125	Төв
78	78	Санкт-Петербург хот	—	1,399	83	5,028,313	4	Санкт-Петербург	111	Өрнө умард
— өөртөө засах муж (оросоор автономная область) буюу бүгд найрамдах улс болоход мөчиддөх цөөн тоот ардын суугуул нутаг (1) —
79	79	Еврейн ӨЗМ	—	36,266	60	172,671	80	Биробижан	6	Алс дорнодын
— өөртөө засах тойрог (оросоор автономный округ) гэдэг нь муж, хязгаарын мэдэл дэх хэт цөөн тоот ард түмний өлгий нутаг (4) —
80	83	Ненецийн ӨЗТ	—	176,810	20	42,789	83	Нарьян-Мар	2	Өрнө умард
81	86	Ханты-Мансийн ӨЗТ	—	534,801	9	1,584,063	28	Ханты-Мансийск	22	Уралын
82	87	Чукоткын ӨЗТ	—	721,481	7	50,780	82	Анадырь	9	Алс дорнодын
83	89	Ямало-Ненецийн ӨЗТ	—	769,250	6	541,612	71	Салехард	9	Уралын

Мөн үзэх

• Зөвлөлт Холбоот Улс
• Оросын ард түмэн

Зураг

• 

  Оросын засаг захиргааны хуваарь-орос хэлээр

• 

  Оросын баруун хэсэг

• 

  Орос- улс төр, газарзүйн атлас

• 

  Орос-улс төрийн атлас-англи хэлээр

• 

  Зүүн Сибирь, Алс Дорнод

• 

  Зүүн Европын тэгш өндөрлөг

Гадаад холбоос

Викимедиа дуу дүрсний сан: Орос

Засгийн газар

• gov.ru—Засгийн газрын албан ёсны вэбсайт
• Duma—Парламентийн доод танхим
• Federation Council—Парламентийн дээд танхим
• Kremlin—Ерөнхийлөгчийн албан ёсны вэбсайт
• Төрийн тэргүүн болон түүний кабинет
• Оросын төв банк
• Federal Migration Service
• Russian Federal Customs Service
• Energy Statistics for Russia from the Energy Information Administration
• Russian News Agency Ria Novosti

Ерөнхий мэдээлэл

• Russia at UCB Libraries GovPubs

Бусад

• ITAR-TASS News Agency
• Interfax.com—News agency based in Moscow
• Way to Russia. An Introduction to Russia and Russian People
• RussGUS—Bibliographic database of German publications on Russia (about 175,000 positions)
• Russia Beyond the Headlines International news project about Russia.