Tero

Wikivortaro explikas
ca rubriko
en altra lingui: Tero

Tero vidita per Apollo 17.

Tero esas la triesma planeto en sunala sistemo.

maso: 5,976,000,000,000,000 milioni tuni.
surfacala areo: 510,069,300 km².
volumino: 1,083,219 milioni km³.
radiuso ye l'equatoro: 6,378,160 m.

Tero ne esas perfekta sfero ma geoido, pro ke la diametro ye l'equatoro esas 12,756,320 m e la longeso dil axo esas 12,713.549 m. Maxim granda “retrakto” esas en suda parto di la globo ye Antarktika. Retrakto ye la polari esas 1 : 298,25 (= 0,003.352.92).

mez-valora disto de Suno: 149,600,000 km.
mez-valora disto de Luno: 384,400 km.

Rotaco-rapideso di Tero esas 465 m/s (1,674 km/h) ye l'equatoro, e lua rapideso orbitala esas 29.79 km/s (107.240 km/h).

Geologiale Tero esas ankore yuna. La varmeso di la planeto augmentas aproxime un Celsius-grado po 32 m de la surfaco a la centro. Ye 3,000 m de la surfaco la temperaturo cirkumaja esas 100 ˚C qua esas la bolio-punto di aquo, ed ye 50 km olu atingas aproxime 1,200 ˚C. Ibe mem roko fuzeskas. La temperaturo ye la centro di Tero esas aproxime 5,500 ˚C, same kam la surfaco di Suno.

L'atmosfero kontenas nitro (78,084 %), oxigeno (20,946 %), argono (0,934 %) e karbo dioxido (0,033 %).

Til nun Tero esas la sola planeto konocita qua sustenas vivanta organismi.

Kontinenti di Tero