Tótaʼ Dinéʼiʼ Bikéyah

"Wikiibíídiiya" bitsʼą́ą́dę́ę́ʼ
Jump to: navigation, search
Kéyah
Tótaʼ Dinéʼiʼ Bikéyah
(Tótaʼ Dinéʼiʼ dóó Náhookǫsjí Bitsiighaʼ Łichííʼí Bikéyah Ałhidadiidzooígíí)
United Kingdom of Great Britain and Northern Ireland
Flag of the United Kingdom.svg Royal Coat of Arms of the United Kingdom.svg
LocationUnitedKingdom.svg
Wááshindoon Bikin
London
Naatʼáanii
Wááshindoon Bizaad
 (ádin)
Kéédahatʼínígíí
64,100,000
Saad
Bilagáana bizaad
Aárish bizaad
Pound sterling (₤)


Tótaʼ Dinéʼiʼ Bikéyah — Díí azhíʼ éí Naabeeho bisiláołtsooí nidaazbááígíí, azhí adáʼyiilá. Naaki góneʼ yéigo daʼahijoogą́ą́ʼ yę́ędą́ą́ʼ, áádóó éí bikʼéígo woojí — Bilagáana bizaadji éí United Kingdom of Great Britain and Northern Ireland wolyé, naaná United Kingdom (UK) ałdóʼ wolyé; éí doodaiiʼ éí, Great Britain ałdóʼ wolyé. Tótaʼ Dinéʼiʼ Bikéyah éí 51°30′0″N 0°7′0″W-di biłhazʼą́ą́.

Tótaʼ dinéʼiʼ bikéyah

Kéyah daʼnáʼééł átʼé Béésh Bichʼahnii Bikéyah naʼhosʼáʼdiʼ. Northern Ireland hahoodzoígíí éí kéyah daʼnáʼééł bikáaʼgi hahoodzo, naaná Bitsiighaʼ Łichííʼí Bikéyah éí łáhjigo biłhahoodzo (Díí ałʼąąh háʼdaʼhaasdzo áádóó tʼáá ałʼąąh biwááshindoon hólǫ́[1]). Áádóó tónteel éí kéyah daʼnáʼééł binaazyį́.[2][3] Tó nitʼéél éʼééʼahjigoʼígíí éí Atlantic wolyé, áádóó naʼhokǫsjigoʼ éí Nóóh Síí wolyé. Naaná shádiʼaahjigoʼ tónteelígíí éí Iinlish Channel wolyé áádóó tó nitʼéél Bitsiighaʼ Łichʼííʼí Bikéyah dóó Tótaʼ dinéʼiʼ bikéyah bitáʼgi siyį́į́nígíí éí Aiwish Síí wolyé. Tó niteel Iinlish channel biyágiʼ (Tó bitłʼahdi) éí tsená naʼatiin, díí éí Dáághahii dinéʼiʼ bikéyahjigoʼ naʼatiin (Atiin éí Channel Tunnel wolyé).

Tótaʼ dinéʼiʼ bikéyah éí dį́įʼgo ałʼą́ą́h hadaʼhaasdzogo daʼhótʼą́ʼ: England, Scotland, Wales, dóó Northern Ireland.[4] Díí ałʼą́ą́h hadahoosdzoígíí éí "parliamentary system" wolyéego biwááshindoon yééh naalnish. Áádóó Tótaʼ dinéʼiʼ biwááshindoon éí London hólyéédiʼ kin daʼshijááʼiʼdiʼ bił házʼą́ą́h. Áádóó dį́įʼgo ałʼą́ą́h hadaʼhaasdzoígíí biwááshindoon éí Belfast (N. Ireland), Cardiff (Wales), áádóó Edinburgh (Scotland). Tótaʼ dinéʼiʼ biwááshindoon ałdóʼ "constitutional monarchy" bee hólǫ́ǫgo naalnish, áádóó Kwį́į́n Elizabeth II wolyéego natʼáanii nilį́į́h (Head of state deiłní).


Nuvola apps kdict.pngNaaltsoos bitsʼą́ą́dóó ééhózinii
  1. ^ JG Collier. Conflict of Laws "For the purposes of the English conflict of laws, every country in the world which is not part of England and Wales is a foreign country.
  2. ^ Encyclopaedia Britannica. 2007-09-25.
  3. ^ Countries within a country www.number-10.gov.uk/2007-06-13
  4. ^ The Countries of the UK www.statistics.gov.uk/2008-10-10


Blue Glass Arrow.svg Ałdóʼ yídíiłtah...
Commons-logo-en.svg
Tótaʼ Dinéʼiʼ Bikéyah beʼelyaaígíí Wikimedia Commonsdi dahólǫ́ǫ́ shį́į́.