رافاييل نادال لاعب تنساسبانى محترف , كان فى المركز رقم 1 على العالم تلات مرات . كسب اربعتاشر بطوله من البطولات الاربعه الكبيره فى التنس بطولة الفردى للرجاله فى بطولة ويمبلدون مرتين سنة 2008 و سنة 2010 و بطولة امريكا المفتوحه للتنس مرتين سنة 2010 و سنة 2013 و بطولة استراليا مره سنة 2009 و بطولة فرنسا تسع مرات 2005 و 2006 و 2007 و 2008 و 2010 و 2011 و 2012 و 2013 و 2014. رافاييل نادال كمان كسب الميدالية الدهب فى فردى التنس فى الالعاب الأولمبية 2008 . بسبب شطارته على ملاعب الطفله بيتئال عليه "ملك الطفله" ، و خلت كتير من الخبرا يعتبروه أعظم لاعب على ملاعب الطفله فى تاريخ التنس.
رافاييل نادال كسب 27 بطوله من بطولات الماسترز 1000 و ده أكبر عدد يكسبه لاعب تنس ف تاريخ اللعبه و هو اللاعب السابع في التاريخ، و أصغر واحد فى السن يكسب الأربعه جراند سلام فى عصر التنس المفتوح ، و هو واحد من اتنين لعيبة تنس اللى كسبو على الأقل اتنين من البطولات الاربع الكبرى على تلات أنواع أرضيه مختلفه (الملاعب الصلبة، والعشب، والطفله)، لأنه تانى لاعب يعمل كده بعد ماتس فيلاندر. رافاييل نادال الوحيد اللى كسب بطوله من بطولات الماسترز 1000 تمان سنين ورا بعض و هيا بطولة مونتى كارلو ماسترز. ...... (اعرف اكتر عن رافاييل نادال...)
مقالة ويكيپيديا مصرى الجيدة
ستيف أوستن (اتولد باسم ستيفن أندرسون في 18 ديسمبر 1964،وقبل كده كان اسمه ستيفن وليامز), معروف باسمه في الحلبة ستون كولدستيف أوستنانجليزى: "Stone Cold Steve Austin وهو ممثل أمريكي ومصارع محترف معتزل.أوستن صارع في اتحادات مصارعة كتير معروفة مثل وورلد تشامبيون شيب ريسلنج (WCW) وإكستريم تشامبيون شيب ريستلينج (ECW) والأشهر وورلد ريستلنج فدريتشان (WWF) اللي بقى وورلد ريسلنج إنترتاينمت (WWE) في سنة 2002.واتلقب قبل كده من موقع WWE.com وصاحب الاتحاد فينس ماكمان بانه المصارع الأعظم في تاريخ الإتحاد, وكان اكتر المصارعين شعبية في الـWWF من نص ل اخر التسعينيات في شخصية "ستون كولد" ستيف أوستن، شخصية رئيسية في قلة الاحترام وشرب بيرة واتحدى رئيسه ماكمان قبل كده بس بشكل روتيني. التحدي كان علطول يظهر مع أوستن ضد مكمان ويظربه بحركة ستون كولد ستنر، الفنش بتاعه. مكمان دخل أوستن للقاعة الشهرة في 2009. ...... (روح للمقاله...)
”
اللى بيفضلو الاستقرار على الحرية مش هاياخدو ولا يستاهلو لا الاستقرار و لا الحريه
ثورة مصر سنة 2011 هيا ثوره شعبيه إتكونت من سلسله من المظاهرات فى الشوارع والاحتجاجات و أعمال العصيان المدنى و إبتدت فى مصر يوم 25 يناير سنة 2011 علشان تبين إعتراض الناس اللى شاركو فيها على قلة الحريات السياسيه و حالة الطوارئ و زيادة الفقر و صعوبة وجود فرص الشغل و وحشية البوليس ، والافتقار للسكن ، و غلو العيشه و إرتفاع أسعار الأكل ، و إنتشار الفساد ، وانعدام حرية التعبير وسوء الأحوال المعيشية . و بسبب المظاهرات دى إتوصفت القاهرة إنها "منطقة حرب". و دى كانت أكبر مظاهرات شافتها مصر من ساعة مظاهرات سنة 1977 .. (اقرا اكتر عن ثورة مصر سنة 2011...)