Латвия
Латвия Латвиядин Республика Latvijas Republika |
|||||||||||
|
|||||||||||
Кьилин шегьер: | Рига[1] | ||||||||||
Шегьерар: | Рига, Даугавпилс, Вентспилс, Лиепая, Елгава, Юрмала | ||||||||||
Аслутуширвал: | 1918 йисан 18 цIехуьлдиз (Урусатдилай) 1991 йисан 21 пахундиз ССРГдилай |
||||||||||
ЧӀал: | лат чӀал[2] | ||||||||||
Идара авунин тегьер: | Парламентдин республика | ||||||||||
Кьил: | Андрис Берзиньш[3] (президент), Лаймдота Страуюма[4] (премьер-министр) |
||||||||||
Майдан: | 64 589 км² (124-лагьай) | ||||||||||
· Цин ччилин %: | 1,5 | ||||||||||
Агьалияр: | ▼ 1 994 300[5] ксар. (143-лагьай) | ||||||||||
· Агьалийрин къалинвал: | 34,3 ксар./км² | ||||||||||
Пул: | евро[6] | ||||||||||
КъВБ: | 44,391 млрд[7] млрд. $ (102-лагьай) | ||||||||||
· АСКА КъВБ: | 22 150[7] $ | ||||||||||
ИПВИ: | ▲ 0,814 (44-лагьай) | ||||||||||
Домен: | .lv, .eu | ||||||||||
Телефондин код: | +371[8] | ||||||||||
Сятдин чӀул: | EET (UTC+2, гатуз UTC+3)[9] |
Латвия (латыш Latvija) — Европадин кефердинни рагъэкъечӀдай пата авай гьукумат я. Официал тӀвар — Латвиядин Республика (латыш Latvijas Republika). Балтик гьуьлуьн рагъэкъечӀдайпатан къерехдал ва Европа ГалкIдин кефердинни рагъэкъечӀдай пата ала. Латвия кефердин патахъ Эстониядихъ (сергьятдин яргъивал — 339 км); рагъэкъечӀдай патахъ Урусатдихъ (сергьятдин яргъивал — 271 км); кьиблединни рагъэкъечӀдай патахъ Беларусиядихъ (сергьятдин яргъивал — 141 км); кьибледин патахъ Литвадихъ (сергьятдин яргъивал — 453 км) галаз сергьятрал ала.
Балтик тайифайри ацукьарнавай ва герман колонистри чпин гъилик кутунвай Ливония тӀвар алай тарихдин областдин чилерин чӀехи пай кьунва. Юкьван вишйисаррани сифте чӀавара Ливондин ордендин, Реч Посполитадин, Швециядин, Курляндиядин Герцогвилин ва Урусатдин Империядин агъавилик квай тир. 1918-лагьай йисан 18-лагьай цӀехуьлдиз Урусатдилай вичин аслутуширвал малумарна. 1940-1991-лагьай йисарин арада ССРГ-дик акатзавай тир. 1991-лагьай йисан 21-лагьай пахундиз ССРГ-дин чукӀурунин нетижада Латвиядин вичин аслутуширвал жугъурна.
Латвия — унитар гьукумат, президентвилинни-парламентвилин республика я. Дибдин закон — 1922-лагьай йисан Конституция. Уьлкве 119 административ текдиз чара жезвайди я, абурукай 110 тек — вилаятар я (лат novadi, сад. к. novads), 9 вилаятрин ихтияр гвай республикадин дережадин шегьерар я.
Чилин майдан — 64 589 км², агьалияр — 1 994 300 кас (2014 й.). Майдан кьадардикай дуьньяда 122-лагьай чка кьазва, агьалийрин кьадардикай — 147-лагьай чка. Кьилин шегьер — Рига, рагъэкъечӀдайпатан Балтикадин виридалайни чӀехи шегьер я. Официал чӀал — лат чӀал я. ЧӀехи миллетар (2011 й.) — латышар (62,10 %) ва урусар (26,90 %) я[10]. Дин — инжилхъан-луьтеранар я.
ЧӀехи метлеб авай экономикадин хилер — хуьруьн майишат, логистика, машинар акъуддай промышленность, туризм я.
Латвия СМТ-дин (1991-лагьай йисалай инихъ)[11], ХавВФ, ВМТ (1992-лагьай йисалай инихъ), Виридуьньядин Банкдин, Европа ГалкIдин (2004-лагьай йисалай инихъ)[12], НАТО-дин (2004-лагьай йисалай инихъ)[13], Европадин Советдин (1995-лагьай йисалай инихъ)[14] ва маса халкьарин арада авай тешкилатрин уртах я.
Къене авайбур
ТӀварцӀин этимология[Дуьзар хъувун | вики-текст дуьзар хъувун]
«Латвия» (Latvija) тӀвар дегь чӀаван латгалрин тӀварцӀикай арадал акъатна. Латгалар — кьуд инд-европадин балтикадин тайифайрикай сад тир (куршийрихъ, земгалрихъ, селрихъ галаз санал), гилан латышрин этникадин хвех абурукайни финнрин ливонрикай ибарат я.[15]
И тӀварцӀиз ухшар авай «Летия» кӀалубда авай тӀвар (Lettia, Letthia, Leththia) садлагьай сеферда 1209-лагьай йисан Генрихан Хроникада гьалтзавайди я. Сифте чӀавуз немцери икӀа латгалар яшамишдай чилериз лугьузвай тир. «Латвия» тӀвар лат чӀалаз литов чӀалай атана — гьам ана «латвяй» (лит. latviai) тӀвар алай латышрин этнонимдай арадал атана.[16]
География[Дуьзар хъувун | вики-текст дуьзар хъувун]
Гьукуматдин къурулуш[Дуьзар хъувун | вики-текст дуьзар хъувун]
Латвияда 1922-лагьай йисан 15-лагьай эхендиз кьабулнавай Конституция кIвалахарзава. Латвия - парламентдин республика я. Къанунар акъуддай орган - Сейм (латыш Saeima). Парламент хкягъунин йикъалди 18 йисал кьван агакьнавай тамам вири ихтияр авай Латвиядин гражданри 4 йисалди хкягъзава.[17] Виридалайни вини дережадин векилвал гьукуматдин президентди ийидайди я. Латвиядин Президент (латыш Valsts prezidents) Сеймди кьуд йисалди хкягъзава.
Виридалайни вини дережадин «кьилиз акъуддай» орган - Министрин кабинет (латыш Ministru kabinets) я, премьер-министрдикайни (латыш Ministru prezidents) министрикай ибарат тирди. Министрин Кабинетди гьукуматдин президентди векил авур чин туькIуьрдайди я[18].
Политикадин партияр[Дуьзар хъувун | вики-текст дуьзар хъувун]
ТӀвар лезгидал | ТӀвар лат чӀалал | Идеология | Кьил | Депутатар | Диб эцигна |
«Разивал» | латыш Saskaņa | центризм | Янис Урбанович | 28 | 2010 |
Реформрин Партия | латыш Reformu partija | ЭрчIи патан юкь | Валдис Затлерс | 22 | 2011 |
«Садвал» | латыш Vienotība | Консерватизм | Солвита Аболтиня | 20 | 2010[~ 1] |
Миллетрин садхьун «Вири Латвиядин патал!» — «Дигедиз ва азадвилиз/ДННЛ» | латыш Nacionālā apvienība "Visu Latvijai!"—"Tēvzemei un Brīvībai/LNNK" | Национал-консерватизм | Райвис Дзинтарс Гайдис Берзиньш |
14 | 2010[~ 2] |
Латвиядин лежберрин галкI | латыш Latvijas Zemnieku savienība , LZS | Аграризм центризм |
Аугустс Бригманис | 9 | 1990[~ 3] |
Латвиядин къацу партия | латыш Latvijas Zaļā partija | Къацу политика центризм къацу либерализм |
Виестурс Силениекс Раймондс Вейонис |
4 | 1990 |
Латвиядин социализмдин партия | латыш Latvijas Sociālistiskā partija , LSP | Коммунизм Марксизм-ленинизм |
Альфред Рубикс | 3 | 1994 |
- ↑ Пуд партиядин блок хьиз туькӀуьрнавай, 2011-лагьай йисуз партиядиз масакӀа туькӀуьр хъувуна
- ↑ Кьве партиядин блок хьиз туькӀуьрнавай, 2011-лагьай йисуз партиядиз масакӀа туькӀуьр хъувуна
- ↑ Вичи вич 1917-лагьай йисуз туькӀуьрнавай ва 1934-лагьай йисуз къадагъа авунвай са тӀвар алай партиядин чкадал акъвазнавайди хьиз гьисабзавайди я
Пешекарвилин галкIар[Дуьзар хъувун | вики-текст дуьзар хъувун]
Латвиядин ада (азад) пешегалкIрин галкI (латыш. Latvijas Brīvo arodbiedrību savienība; LBAS (гафба-гаф: Латвиядин ада масавилин ГалкI)) - кьилди сад тир Латвияда авай миллетдин пешекарвилин галкIарин юкь я. Ам 1990-лагьай йисуз диб эцигна, Советрин ГалкIдин пешекарвилин галкIрин система цIийикIа туькIуьрдайла.[19]
LBAS - Латвиядин виридалайни чIехи гьукуматдик квачир тешкилат я. Ада кьилдин хилен тахьайтIа хилерин арада авай дережада пешекарвилин галкIринни кIвалаххъанрин интересар хуьдайди я. ЛАПГ-ди 23 аслу тушир пешегалкIдин санал кIвалахун сад садав кьадайвал ийизва; миллетдинни халкьарин арада авай идарайра вичик акатзавай уртахрин пад хуьзва; санал тухванвай кIвалах кьилиз акъудзава.
LBAS - Халкьарин арада авай пешегалкIрин конфедерациядин (ITUC), Европадин пешегалкIрин конфедерациядин (ETUC) ва Балтик гьуьлуьн пешегалкIрин чилинин (BASTUN) филиал я.
Административ паюн[Дуьзар хъувун | вики-текст дуьзар хъувун]
Административ патахъай Латвия 119 са дережадин вич-вичи идара ийидай текариз чара жезва - 110 вилаятдиз (латыш. novadi, с.к. novads) ва 9 республикадин дережадин шегьердиз (латыш. novadi, с.к. novads). Вилаятар районризни вилаятрин шегьерриз чараз жезва тахьайтIа абурув стIун къенепатан паюн гвач.
2009-лагьай йисал кьван, виликан административни чилин реформа акьалтIдалди, Латвияда вич-вичи идара ийидай текарин кьве дережа авай тир:
1. 26 районни 7 республикадин шегьер
2. са шумуд виш гъвечIи районарни районрин шегьерар, гьакIни са кьадар и реформадин сергьятра туькIуьрхьанвай краяр.
Конституциядиз килигна, Латвия кьуд тарихдинни мединиятдин областдикай ибарат я: Видземе, Латгалия, Курземе, Земгале, амма абур административ текар туш.
Регионар вилик ракъурун пландик кутун ва вич-вичи идара ийидай текал санал кIвалахун патал патал 2006-лагьай йисуз Латвиядин пландик кутадай регионар туькIуьрнава - Видземедин, Земгаледин, Курземедин, Латгалиядин ва Ригадин.[20][21]
ЧӀехи шегьерар[Дуьзар хъувун | вики-текст дуьзар хъувун]
Агъадихъ ганвай таблицадик 10 агъзурдилай пара кас авай Латвиядин шегьерар кутунва (2012-лагьай йисан 1-лагьай гьердин малуматар). Латвияда шегьеррин статус 77 яшамиш жедай чкадиз гана, абурукай 9-див республикадин шегьеррин статус гва. Республикадин шегьерар къалин шрифтдалди чара авуна.
Герб | Шегьер | Агьалияр (01.01.2012) | Тарихдин район |
---|---|---|---|
Рига | 699 203 | Видземе | |
Даугавпилс | 101 057 | Латгале / Селия | |
Лиепая | 82 413 | Курземе | |
Елгава | 63 534 | Земгале | |
Юрмала | 56 307 | Видземе | |
Вентспилс | 41 998 | Курземе | |
Резекне | 33 936 | Латгале | |
Валмиера | 26 674 | Видземе | |
Огре | 26 549 | Видземе | |
Екабпилс | 25 883 | Селия / Латгале | |
Тукумс | 19 729 | Земгале | |
Саласпилс | 18 039 | Видземе | |
Цесис | 17 673 | Видземе | |
Кулдига | 12 494 | Курземе | |
Олайне | 12 367 | Видземе | |
Салдус | 12 085 | Курземе | |
Сигулда | 11 368 | Видземе | |
Талси | 10 962 | Курземе | |
Добеле | 10 895 | Земгале |
Баянар[Дуьзар хъувун | вики-текст дуьзар хъувун]
- ↑ Worldcapitals.info
- ↑ «Латвийская Республика» - «Закон ЛР от 21.12.1999 "ЗАКОН О ГОСУДАРСТВЕННОМ ЯЗЫКЕ"»
- ↑ РИА «Новости» - «Новым президентом Латвии избран Андрис Берзиньш»
- ↑ РИА «Новости» - «Президент Латвии поддержал кандидатуру Страуюмы на пост премьера»
- ↑ Население Латвии на 2014 год по данным Центрального статистического бюро Латвии, 20.08.2014 (инг.)
- ↑ Известия — «Латвия перешла на евро»
- ↑ 7,0 7,1 GDP, PPP (current international $) (инг.). The World Bank Group. Ахтармишун 10 ноябрь 2013.
- ↑ «World Telephone Numbering Guide» — «LATVIA»
- ↑ «PLANETOLOG.ru» — «Часовые пояса Латвии»
- ↑ Population Census 2011 — Key Indicators
- ↑ Member States of the United Nations
- ↑ LENTA.ru — В Евросоюз вступили десять новых государств
- ↑ NATO.int — NATO welcomes seven new members
- ↑ Council of Europe — member-state — Latvia
- ↑ Latvia in Brief. Latvian Institute (2012). Ахтармишун 12 май 2011.
- ↑ Латвия — генезис понятия (латыш.)
- ↑ Статьи 8 и 10 Конституции Латвийской Республики
- ↑ Конституция Латвийской Республики. Кабинет министров Латвийской Республики. Архивация 19 июль 2013. Ахтармишун 17 июль 2013.
- ↑ Latvijas Brīvo arodbiedrību savienība
- ↑ HISTORY AND PROGRESS OF TERRITORIAL REFORM IN LATVIA
- ↑ Administratīvo teritoriju un apdzīvoto vietu likums (Latvian). likumi.lv (Шаблон:Str ≠ len). Ахтармишун 5 январь 2010.
ЭлячӀунар[Дуьзар хъувун | вики-текст дуьзар хъувун]
- Likums «Par Latvijas valsts himnu» (Латвиядин Республикадин гимндикай къанун)