انقرہ

انقرہ
انقرہ
	— شہر —
Ankara
	; شعار ہائے انقرہ میٹروپولین
	; شعار ہائے انقرہ میٹروپولین
	عرفیت: قلبِ ترکی
	انقرہ انقرہ کا محل وقوع
	متناسقات: 39°56′N 32°52′E / 39.933°N 32.867°Eمتناسقات: 39°56′N 32°52′E / 39.933°N 32.867°E
ملک	ترکی
خطہ	وسطی انطالیہ
صوبہ	انقرہ
	رقبہ
- کُل	24,521 کلومیٹر2 (خطاء تعبیری: غیر تسلیم شدہ محرفی تنقیط ","۔ میل2)
	آبادی (2014)
- کُل	4,587,558
منطقۂ وقت	EET (یو ٹی سی+2)
- موسمِ گرما (د‌ب‌و)	EEST (یو ٹی سی+3)
پوسٹل کوڈ	06xxx
رموز علاقہ	312

انقرہ (Ankara) ترکی کا دارالحکومت اور استنبول کے بعد ملک کا دوسرا سب سے بڑا شہر ہے۔ 2005ء کے مطابق شہر کی آبادی 4،319،167 ہے۔ شہر پہلے انگورہ کے نام سے جانا جاتا تھا۔ انقرہ اناطولیہ کے وسط میں واقع ایک اہم تجارتی و صنعتی مرکز ہونے کے ساتھ ساتھ ترک سیاست کا گہوارہ بھی ہے۔ ترکی کے عین وسط میں واقع ہونے کے باعث یہ سڑکوں اور پٹریوں کے جال کے ذریعے ملک بھر سے منسلک ہے۔

تاریخ[ترمیم]

عثمانی طرز تعمیر کی بنائی گئی شہر کی ایک جدید مسجد

کوجا تپپےجامع

189 قبل مسیح میں یہ شہر رومی سلطنت میں شامل ہوا اور رومی علاقے کی حیثیت سے یہ سلطنت کے مشرقی حصے کا دروازہ بن گیا۔ دارالحکومت قسطنطنیہ ہونے کے باوجود بازنطینی سلطنت میں بھی اس کی اہمیت مسلمہ تھی۔ یہ شہر 11 ویں صدی تک مسلم افواج کا گہوارہ بنتا رہا اور بالآخر 1071ء میں سلجوق سلطان الپ ارسلان نے جنگ ملازکرد میں بازنطینیوں کو شکست دے کر اناطولیہ کی فتح کا دروازہ کھول دیا۔ پہلی صلیبی جنگ کے دوران صلیبیوں نے اس پر قبضہ کرلیا۔ عثمانی سلطنت کے دوسرے فرمانروا اورخان اول نے 1356ء میں شہر پر قبضہ کرلیا جبکہ 1403ء میں تیمور لنگ نے انقرہ کے مقام پر بایزید یلدرم کو شکست دے کر عثمانی سلطنت کو زبردست نقصان پہنچایا لیکن 1403ء میں عثمانیوں نے دوبارہ شہر کو حاصل کرلیا۔

جنگ عظیم اول کے بعد 1919ء میں بیرونی قبضے کے خلاف مصطفی کمال اتاترک نے انقرہ کو اپنا مرکز بنایا اور بعد ازاں فتح کے بعد دارالحکومت قسطنطنیہ سے انقرہ منتقل کردیا۔