Bel'gii

Bel'gijan Kunigahuz
Koninkrijk België (alam.)
Royaume de Belgique (fr.)
Königreich Belgien (saks.)

Flag	Valdkundznam
Pälidn	Brüssel'
Eläjiden lugu (2013)	10 449 361 ristitud
Pind	30 528 km²
Kel'	alaman, francijan, saksan
Valdkundan pämez'	Filipp I
Päministr	Šarl' Mišel'
Religii	ateizm, hristanuskond
Valüt	evro (€) (EUR)
Internet-domen	.be
Telefonkod	+32
Aigvö	tal'vel UTC+1, kezal UTC+2

Bel'gii (alam.: België, franc.: Belgique, saks.: Belgien), täuz' oficialine nimi — Bel'gijan Kunigahuz, om valdkund Evropan päivlaskmas, Pohjoižen meren randal. Pälidn da kaikiš suremb lidn om Brüssel'.

Vspäi 1949 om PAKO:n ühtnii (alusenpanijaks). Vspäi 1957 om EÜ:n ühtnii (mugažo üks' alusenpanijoišpäi).

Istorii

Vl 1830 redukun 4. päiväl Bel'gii tedoti ičeze ripmatomudes Alamaišpäi.

Geografijan andmused

Bel'gijan topografine kart.

Bel'gijal oma mavaldkundröunad Alamaidenke pohjoižes (röunan piduz — 478 km), Germanijanke päivnouzmas (133 km), Lüksemburganke suvipäivnouzmas (130 km), Francijanke suves da päivlaskmas (556 km). Ühthine röunoiden piduz — 1297 km. Valdkundan lodehližed randad lainištab Pohjoine meri, sen randan pird — 66 km. Ühthine pind — 30 528 km².

Londuseližed varad oma sauvondmaterialad, karbonatad, lete, mahuz.

Politine sistem

Bel'gijan federaline parlament Brüsseliš.

Ohjandusen form om parlamentine konstitucine monarhii. Bel'gii om federativine valdkund vspäi 1980, kaks'jäine federacii. Nece znamoičeb, miše ičeohjastuz om kahten parametran mödhe — regionil (3) da kel'kundoil (3) — üks'-se valdkundan territorijal.

Valdkundan pämez' om Filipp I-kunigaz (vspäi 2013).

Parlament om kaks'kodine.

Šarl' Mišel' radab päministraks vspäi 2014.

Administrativiž-territorialine jagand

   Kacu kirjutuz: Bel'gijan administrativiž-territorialine jagand.

Bel'gii alajagase koumhe regionha: Flandrii (alajagase 5 agjaha), Vallonii (mugažo 5 agjaha), Brüsselin pälidnaine ümbrik. Ühten aigan valdkund alajagase koumhe kel'kundha: Flandrijan kel'kund, francijankel'ne da saksankel'ne kundad.

Eläjad

Bel'gijas elädas bel'gijalaižed.

Toižed sured lidnad (enamba 150 tuh. rist. vl 2013, surembaspäi penembha): Antverpen, Gent, Šarlerua, L'jež. Vl 2013 kaik oli 71 lidnad valdkundas enamba mi 30 tuh. eläjidenke.

Vl 2013 eläjiden lugu oli 10 444 268 ristitud.

Ižanduz

Vl 2009 Bel'gijan päeksport oli himižen tegimišton erazvuitte produkcii — voižimad, glikozidad, polimerizacijan produktad (läz 16%), zelläd (11%), avtod da niiden palad (8%); toine eksport oli sobad (läz 4%), almazad (3%), raudan da teraraudan lehtesed (2%), londuseline gaz (1%).

Irdkosketused

Tobmuz

• Bel'gijan monarhan oficialine sait. (alam.) (fr.) (saks.) (angl.)
• Bel'gijan federaližen parlamentan Alakodin oficialine sait. (alam.) (fr.)
• Bel'gijan federaližen ohjastusen oficialine sait. (alam.) (fr.) (saks.) (angl.)
• Bel'gijan sur'oigenduzkundan Venämas lehtpol'. (ven.)

Turizm

• Bel'gijan turizmkomitetan informacine sait. (angl.)