Rwsia

Российская Федерация
Rossyîskaia Ffederatsyîa
Ffederasiwn Rwsia

Baner Arfbais
Arwyddair: Dim
Anthem: Gosudarstvenny Gimn Rossiyskoy Federatsii
Prifddinas	Moscfa
Dinas fwyaf	Moscfa
Iaith / Ieithoedd swyddogol	Rwsieg
Llywodraeth	Gweriniaeth
• Arlywydd  • Prif Weinidog	Dmitry Medvedev Vladimir Putin
Annibyniaeth  • Datganwyd  • Cydnabuwyd	Oddiwrth yr Undeb Sofietaidd 12 Mehefin 1990 26 Rhagfyr 1991
Arwynebedd  - Cyfanswm  - Dŵr (%)	17,075,400 km² (1af) 13
Poblogaeth  - Amcangyfrif 2005  - Cyfrifiad 2002  - Dwysedd	145,164,000 (7fed) 143,202,000 8.4/km² (210fed)
CMC (PGP)  - Cyfanswm  - Y pen	Amcangyfrif 2005 $1.576 triliwn (10fed) $11,041 (62fed)
Indecs Datblygiad Dynol (2003)	0.745 (62fed) – canolig
Arian cyfred	Rŵbl Rwsiaidd (RUB)
Cylchfa amser  - Haf	(UTC+2 i +12) (UTC+3 i +13)
Côd ISO y wlad	.ru .su .рф
Côd ffôn	+7

Gwlad drawsgyfandirol sy'n ymestyn dros ran fawr o ogledd Ewrasia (Ewrop ac Asia) yw Ffederasiwn Rwsia (Rwsieg: Росси́йская Федера́ция, Rossiyskaya Federatsiya) neu Rwsia (Росси́я, Rossiya). Gydag arwynebedd o 17,075,400 km², y wlad fwyaf o lawer yn y byd yw Rwsia, gan orchuddio bron ddwywaith arwynebedd y wlad ail fwyaf, sef Canada. Mae gan Rwsia adnoddau enfawr mwynau ac ynni, yn ogystal â'r boblogaeth nawfed fwyaf yn y byd. Mae Rwsia yn rhannu ffiniau tir â'r gwledydd canlynol (yn wrthglocwedd, o'r gogledd-orllewin i'r de-ddwyrain): Norwy, y Ffindir, Estonia, Latfia, Lithwania, Gwlad Pwyl, Belarws, Wcrain, Georgia, Aserbaijan, Casachstan, Tsieina, Mongolia a Gogledd Corea. Mae hi hefyd yn agos i'r Unol Daleithiau (talaith Alaska), Sweden a Siapan dros gulforoedd eithaf cul (Culfor Bering, y Môr Baltig, a Chulfor La Pérouse, yn ôl eu trefn).

Gynt yn Weriniaeth Sofietaidd Ffederal Sosialaidd Rwsia (GSFfSR), gweriniaeth o'r Undeb Gweriniaethau Sofietaidd Sosialaidd (UGSS), daeth Rwsia yn Ffederasiwn Rwsia yn sgil diddymiad yr Undeb Sofietaidd yn Rhagfyr 1991. Ar ôl y cyfnod Sofietaidd, trosglwyddwyd arwynebedd, poblogaeth a chynhyrchiad diwydiannol a oedd wedi'u lleoli yn Rwsia i Ffederasiwn Rwsia.

Ar ôl ymddatodiad yr Undeb Sofietaidd, daeth Ffederasiwn Rwsia newydd annibynnol yn bŵer mawr, ac ystyrir hefyd bod y wlad yn archbŵer ynni. Ystyrir bod Rwsia yn wladwriaeth olynydd i'r Undeb Sofietaidd mewn materion diplomyddol. Aelod parhaol o Gyngor Diogelwch y Cenhedloedd Unedig yw hi. Mae hefyd yn un o'r pum gwladwriaeth sydd ag arfau niwclear wedi'u cydnabod, ac mae'n meddu ar y stoc fwyaf o arfau eangddinistr yn y byd. Cenedl arweiniol o Gymanwlad y Gwladwriaethau Annibynnol yw Rwsia, ac mae'n aelod o'r G8 yn ogystal â chyrff rhyngwladol eraill.

Gweler hefyd

• Baner Rwsia
• Chwyldro Rwsia
• Undeb Sofietaidd
• Rhestr o brif ddinasoedd Rwsia

Chwiliwch am Rwsia
yn Wiciadur.

Eginyn erthygl sydd uchod am Rwsia. Gallwch helpu Wicipedia drwy ychwanegu ato.