Guernsey

Bailiwick of Guernsey
Bailliage de Guernesey  

Flagg Riksvåpen
Status	Britisk kroneigedom
Førsteminister (chief minister)	Peter Harwood
Hovudstad	St Peter Port
Offisielt språk	Engelsk, fransk, dgèrnésiais
Areal - % vatn	78 km²
Folketal - totalt - folketettleik	ca. 65 573 (2007) ca. 836/km²
Verdsdel	Europa
Internet-domene	.gg
Tidssone	UTC 0
Internasjonal telefonkode	+44-1481
Nasjonalsong	God Save The Queen og Sarnia Cherie

Guernsey (fransk Bailliage de Guernesey) er ei øy i Den engelske kanalen utanfor kysten av Normandie i Frankrike. Saman med øyane Alderney, Sark, Herm og fleire småøyer utgjer ho den britiske kroneigedomen Bailiwick of Guernsey. Saman med Jersey utgjer desse øyane øygruppa Kanaløyane.

Kroneigedomen utgjer i tillegg til sjølve øya Guernsey òg Alderney, Herm, Jethou, Brecqhou, Burhou, Lihou, Sark og andre småøyar. Sjølv om Storbritannia har ansvaret for å forsvare øyane, er ikkje Bailiwick of Guernsey ein del av Storbritannia, men heller ein eigedom under krona, på same måte som Isle of Man. Guernsey er heller ikkje ein del av Den europeiske unionen. Øya Guernsey er delt inn i 10 sokn.

Politikk

Guernsey er ein bailiwick (fogdesokn) med dronning Elisabeth II som statssjef. Dronninga er representert i fogdesoknet av ein viseguvernør. Det lokale styringsorganet er States of Deliberation, som består av fogden (Bailiff), generaladvokaten, generalsakføraren, 45 valte folkerepresentantar og to representantar frå Alderney.

Regjeringa til Guernsey vert leia av ein statsminister valt av States of Deliberation.

Det er ingen politiske parti på Guernsey.

Transport

Det finst hamner i sokna St Peter Port og St Sampson. Guernsey har òg to flyplassar (Guernsey Airport og Alderney Airport) og 5 km jernbane i Alderney.

Administrativ inndeling

Kart over sokn på Gurensey

Administrativt er øya Guernsey delt inn i ti sokn.

1. Castel
2. Forest
3. St Andrew
4. St Martin
5. St Peter Port
6. St Pierre du Bois
7. St Sampson
8. St Saviour
9. Torteval
10. Vale

Bakgrunnsstoff

Wikimedia Commons har multimedia som gjeld: Guernsey

• Offisiell side
• Turistside
• This Is Guernsey - informasjon og nyhende frå Guernsey Press and Star

Kjelder

• Denne artikkelen bygger på «Guernsey» frå Wikipedia på engelsk, og «Guernsey» frå Wikipedia på bokmål den 4. februar 2010.