Andorra

Principat d’Andorra
Fürstentum Andorra


Flagge	Wappen

Wahlspruch: Virtus Unita Fortior
(lat., „Vereinigte Tapferkeit ist stärker“)

Amtspraach

Katalanisch

Hauptschtadt

Andorra la Vella

Schtaatsform

Konstitutionelli Monarchi

Schtaatsoberhaupt

Co-Fürst Joan Enric Vives i Sicília und Co-Fürst François Hollande

Regierigschef

Antoni Martí Petit (sit 12. Mai 2011)

Flächi

468 km²

Iiwohnerzahl

76.949 (Stand 2014)

Bevölkerigsdichti

181,8 Iiwohner pro km²

Währig

Euro (€) (unilateral ygefüert, isch nüt aa der Europäischi Währigsunion beteidigt)

Unabhängigkeit

8. September 1278

Nationalhymne

El Gran Carlemany

Ziitzone

UTC + 1

Kfz-Kennzeiche

AND

Internet-TLD

.ad

Vorwahl

+376

Andorra isch e unabhängige Zwergstaat z Europa und befindet sich i dä östliche Pyrenäen zwüsche Spanie (Katalonie) und Frankriich (Pyrénées-Orientales).

Andorra isch am 8. September 1278 gründet worde und isch hüt flächenmässig dr gröscht vo de sechs europäische Zwergstaate. Es isch s einzige Land vor Wäut, wo grad zwöi usländischi Amtsträger d Funktion aus Staatsoberhaupt wahrnäh (dr Bischof vo Urgell und dr Präsident von Frankriich). So handlet sichs auso um ne Doppelherrschaft oder Dyarchie. Die zwöi usländische Amtsträger si momentan dr Bischof Joan Enric Vives i Sicília und dr François Hollande.

Andorra isch bekannt aus Wintersport- und Stüürparadies.

Geografii[ändere | Quälltäxt bearbeite]

Satellitenbild von Andorra

Andorra ligt im ne Hochtal vo de Pyrenäe. D Entstehig vo dem Tau geit bis id Iiszyt zrugg, wo Gletscher die ursprünglich enge Täler verbreiteret und mit em mitgfüerte Schuttmateriau aus Moräne abglagert het. Meh aus eis Drittu vo Andorra ligt oberhaub vo dr Waudgrenze. I de Lage ungerhaub drvo gits abwechligswiis meischt Chiferwäuder mit Wisene und Weidene. S Land isch sehr gebirgig. 65 Bärggipfle überstige d 2000er-Grenze. Dr höchscht Bärg isch dr Coma Pedrosa mit 2946 Meter. Dr tüüfscht Punkt isch 840 Meter höch und ligt bi Sant Julià de Lòria a dr spanische Grenze. D Grenze zu Frankriich isch 56,6 km läng und die zu Spanie 63,7.

Zwöi Ärm vom Fluss Valira, Valira del Nord und Valira d’Orient, fliesse öppe i dr Mitte vom Land zum Valira zäme. Und dä fliesst de nach Spanie wiiter. D Valira liferet mit Hilf vo Wasserkraftwerke am Fluss einen Teil der Energie des Landes. Weitere wichtige Flüsse sind der Arinsal und der Riu Madríu.