Desteg:Tedeestey

Gamê verêni

Şıma xeyr amey Wikipediya Zazaki! :-)
Her çi ra raver, ma şıma ra reca kenime ke, nuşte u meqaleyanê xo be Zazakiyê pak u zelali bınusê.
Şıma rê zehmet, meqaleyanê xo be Zazakiyo Standard u Alfabeyê Warey bınusê. Labelê, êyê ke wazenê, eşkenê be Alfabeyê Bedırxani zi bınusê.
Eke şıma Zazakiyo standard nêzanenê, eşkenê be Zazakiyê dewa xo bınusê. Labelê, Zazakiyê dewa xo gani 'raşt' bınusê.
Wikipediya Zazaki de vandalizm, heqaretkerdene tometa! Karberê ke çiyanê wınasiyan kenê, Wikipediya ra yenê teberkerdış.
Naye xo vira mekerê: Seba Wikipediya de nuştene, zaf teknik u marifeto hewl lazım niyo. Eke şıma pelanê Wikipediya de bıgeyrê u tayê qurdi kerê, eşkenê xeylê çi bımusê.
Heto bin ra, şıma key ke meqale nusenê ya zi vurnenê, kesi ra metersê! Tiya Wikiyo. Labelê, şıma nuşteyanê xo de gani ca bıdê çımeyanê objektifan.
Nuşteyanê xo de, haydarê nuxte u virgulan vınderê (diqet kerê), u nuxta ya zi virgule dıma çekuyan miyan de tayê (hebê) mabeyn cı dê.
Eke şıma çım bıerzê pela kategoriya Gramerê Zazaki, tayêna rınd eşkenê Zazaki bınusê.
Bınê her meqale de, kategoriyanê meqale bınusê. Anci, eke meqaleya şıma zıwananê binan de esta, link bıdê zıwananê binan.
Ma wazenime ke şıma heta peyniye peşti bıdê Wikipediya Zazaki u tede bınusê. Çunke, no proce seba zıwanê ma Zazaki zaf hewl u muhimo.
Seba iştıraqanê şıma, nıka ra berxudar bê, weş u war bê! İştıraqê şıma tım daim bê.

Kami ra pers bıkêri, kami ra peşti bıgêri?

Sistemê gurenayışê Wikipediya sero eke şıma wazenê zanayışê xo hera kerê ya zi cewabê yew persi bımusê, şıma eşkenê nê pelanê bınênan de seyr kerê:

Pela Portalê Cemati de
Pela werênayışê Pela Seri de
Pela Peşti de
Pela Panc Ustınan de
Pela Politikaya Wikipediya de
Ya zi cıkewê be pelanê idarekaranê Wikipediya Zazaki; Xosere u Asmêni de irtıbat kewê.

Wikipediya de haydarê ninan vınderên (diqet kerên)

Wikipediya, panc ustınan sero ameya ronayene, şıma hewna ke meqaley nênuştê gani nê panc ustınan rınd bıwanê.
Xêrê xo, nusteyê ke şıma pelanê werênayışi de nuştê, peyniye de ~~~~ ilawe bıkerên ya zi serê panelê vurnayışi de hetê çhepi ra gocega 10ıne bıtıknên u tarix-imza bıercên cı!.
Eke "pela karberi"a xo de ca bıdê templatanê zıwanan, goreyê xo templatan vıracên ya zi xo sero yew nuşteyê nasdayene bınusê, karberê bini şıma tayêna rınd şınasnenê.
Eserê ke hetê heqanê telifi ra amey seveknayene, Wikipediya de inan menusên u ca medên cı!
Foto u resımê ke şıma bar kerdê Wikipediya, Galeriye de şenê inan bıvênê.
Şıma ke yew meqale vurna ya zi nuşt, raver bıtıknên ra gocega "Verqayti bımocne", bahdo eke nuşteyê xo qayil benê, bıtıknên ra "Ena pele qeyd ke" u nuşteyê xo qeyd bıkerên.