India

Di Wikipedia, e ensiklopedia liber
Bai na: Nabegashon, Buska
Bhārat Gaṇarājya
Republika di India
Bandera di India Wapen di India
Bandera Wapen
Himno: Satyameva Jayate
Lokashon di India
Kapital New Delhi
Stat mas grandi Mumbai
Idioma(nan) ofisial Niun
Forma di gobernashon Demokrasia Monarkia Federal
Republika Konstitushonal
Pranab Mukherjee
Mohammad Hamid Ansari
Narendra Modi
Paisnan Independiente
Movementu di Independensia di India

15 Ougústus 1947
Area
 - Total
 - Awa (%)
 
3,287,263 km2 km² (di 7)
9.56
Populashon
 - [[]] est.
 - Senso di 2009
 - Densidat
 
(di 2)
1,210,193,422
368.8/km2/km² (di 31)
Moneda Rupee (INR)
Zona di tempu IST (UTC+5.30)
TLD di internet .in
Kódigo pa yama +91


India ofisialmente e Republika di India Bhārat Gaṇarājya ta un paisden e parti Oeste Sur di Asia. E ta e pais di siete mas grandi na mundu pa area geografiko, i e di dos mas poblá ku mas ku 1.2 bíon hende. E ta grens ku e Oceano Indiko na parti zuit, e Laman Arabe na parti zuit-west, e Bahia di Bengal na parti zuit-ost, anto e ta parti grensnan di tera ku Pakistan na parti west, China, Nepal i Bhutan na parti nort anto Burma i Bangladesh na parti ost. Den e Oceano Indiko, India ta banda di Sri Lanka i e Islanan Maldiva, tambe e islanan Andaman i Nicobar di India ta parti un grens maritimo ku Thailand i Indonesia.

Historia[editá | edit source]

E historia di India ta kuminsá ku e sivilisashon di e dál di indus, ku a floresé den e parti nort-óst di e subkontinente di india for di e anja 3300 pa 1700 prome ku kristu. E sivilisashon di edat di bròns edat aki a wordu sigui dor di un di heru den e perdiodo vediko, kuá a mira e subimentu di importansia di various reino importante.

E mapa politiko di india den tempu di middeleeuwen tabata un kantidat grandi di reinonan ku teritorionan semper kambiando. Den e siglonan 4 i 5 despues di kristu, e parti nort di India a wordu uní bou di e Dynastia di Gupta. Durante e periodo aki, konosi komo e "gouden eeuw" di india, kultura Hindu ando administrashon politiko a bira hopi avansá.

Un bista di ekskritornan i artista den e dynastia di Mughal

E religion islamiko a plama riba e subkontinente durante un periodo di 500 anja. Den e siglonan 10 i 11, e Turkonan anto e Afganonan a invadí India anto a establese sultanatonan na Delhi. Den e parti prome di siglo 16, desendientenan di Gengis Khan a drenta india via e parti nort anto a establese e dynastia di Mughal (Mogul), kual a dura 200 anja. For di e siglo 11 pa 15 e parti sur di India tabata dominá pa e dynastianan Hindú di Chola i Vijayanagar. Durante e tempu aki e dos systemanan di Hindu ku Islam a brua den otro anto a laga sierto marka kultural riba otro.

Na 1619 e Britanikonan a establese e prome uitpost na Surtat. Despues den e mesun siglo e Oost Indische Compagnie Britaniko a habri various departamentu di interkambio na Madras, Bombai, i Calcutta, kada un bou di protekshon di mandatonan nativo.

E britanikonan a expande nan influensia den e zonanan aki te ku, den e anjanan 1850, nan a kontrola mayoria di India, Pakistan i Bangladesh. Na 1857, un rebelion den e parti nort di India dirigi pa soldatnan di india ku a mutiná a kousa ku e Parlamentu Britaniko a transfera tur poder politiko for di e Kompania na e gobierno royal Britaniko. Asina e reino a kuminsa administra mayoria di India direktamente anto tabata kontrola e sobra ku tratadonan ku reinan lokal.

Den e parti lat di e siglo 19, e prome pasonan a wordu tuma pa autonomia di India ku e apuntashon di consuladonan di India pa advisá e gobernantenan Britaniko. Kuminsando na 1920, e lider di India Mohandas K. Gandhi a transformá e partido politiko di Congreso National di India den un movementu massivo ku a tene kampaño kontra mandato kolonial Britaniko. E partido a husa resistensia parlamentario i protesta no-violente pa yega na independensia.

E prome Prome Minister Jawaharlal Nehru sintá banda di lider politiko Mohandas (Mahatma) Ghandi

Na 15 di Ougustus 1947, India a bira un dominion den e Commonwealth, ku Jawaharlal Nehru komo Prome Minister. Dessatisfakshon entre Hidnunan i Moslimnan a kousa ku Gran Bretania a parti e ex-kolonia na dos den Ost i West Pakistan, ku tabata tin un mayoria Islamiko, anto India, ku tabata tin un mayoria Hindu. India a bira un republika den e Commonwealth ora e la proklama su konstitushon na 26 di Yanuari 1950.

Despues di independesia e partido di Ghandi i Nehru a sigui manda India bou di influensia di Nehru mes i despues su yiu muhé i nietu, ku eksepshonan den anjanan 1970 i 80.

Geografia[editá | edit source]

India ta pertenese na e plato tektoniko di e subkontinente di India. E plato aki a kuminsa move 75 mion anja pasa den e direkshon di e plato di Eurasia. Ora e dos platonan aki a dal den otro, e fenomeno di Subdukshon a tuma lugá den kua e plato di India a baha abou di e plato di Eurasia. Esaki a krea e serunan di Himalaya na parti nort di e pais.

E kosta di india ta midi un 7,517 kilometro na largura, di kua 5,423 kilometro ta di India penisular anto 2,094 kilometres ta di e islanan ku ta pertenese na India. Segun e kartanan hydrografiko di marine di India e kosta ta konsisti di 43% playa di santu; 11% kosta di piedra kual ta inklui klip, i 46% di kostanan di lodo of moeras.

E ruinan mayor ku ta kore dor di India tur ta origina den e serunan di Himalaya ku ta inklui i Ganges i e Bramaputra. Tur dos di nan ta kaba den e Bahia di Bengal. India tin dos archipielago, e islanan di Lakshadweep ku ta un atol di koral banda di e kosta zuit-west di India, anto e islanan Andaman i Nicobar, na parti zuit-ost ku ta volkaniko di origen.

Politika[editá | edit source]

National symbols of the Republic of India (Official)
National animal 2005-bandipur-tusker.jpg
National bird Pavo muticus (Tierpark Berlin) - 1017-899-(118).jpg
National tree Banyan tree on the banks of Khadakwasla Dam.jpg
National flower Sacred lotus Nelumbo nucifera.jpg
National heritage animal Panthera tigris.jpg
National aquatic marine mammal PlatanistaHardwicke.jpg
National reptile King-Cobra.jpg
National heritage mammal Hanuman Langur.jpg
National fruit An Unripe Mango Of Ratnagiri (India).JPG
National temple New Delhi Temple.jpg
National river River Ganges.JPG
National mountain Nanda Devi 2006.JPG

Kultura[editá | edit source]

Arte[editá | edit source]

Religion[editá | edit source]

Sosiedat[editá | edit source]

Referensianan[editá | edit source]

Linknan eksterno[editá | edit source]