Польшæ

Польшæйы Республикæ
Rzeczpospolita Polska


Тырыса	Герб

Гимны ном: «Mazurek Dąbrowskiego»

Хæдбар сси

1918 азы 11 ноябры (Герман æмæ Австро-Венгрийæ)
ногæй 1945 азы 9 майы (Германæй)

Æвзаг

Польшæйаг

Сæйраг сахар

Варшавæ

Стырдæр сахартæ

Варшавæ, Лодзь, Краков, Вроцлав, Познань, Гданьск

Хицауиуæджы хуыз

Республикæ

Президент
Премьер-министр

Анджей Дуда
Эвæ Копач

Фæзуат

312 679 км²

Доны процент

2,65

Цæрджытæ
• Бахыгъд (2014)
• Æнгомад

38 483 957 ад.
123 ад./км²

ÆМП
• Æдæппæт (2013)
• Иу адæймагмæ

дунейы 23-æм
513,934 млрд. $
13 334 $

Валютæ

злотый (PLN)

Интернет-домен

.pl

Телефонон код

+48

Сахатон таг

UTC+1

Польшæ (пол. Polska), оффициалонæй Польшæйы Республикæ (пол. Rzeczpospolita Polska [ʐɛt͡ʂpɔspɔˈlʲita ˈpɔlska]), у астæуккаг Европæйы парламентон республикæ. Æмарæн у Уæрæсейы Калининграды облæстимæ цæгаты, Украинæ, Беларус æмæ Литваимæ скæсæны, Чехи æмæ Словакиимæ хуссары æмæ Германимæ ныгуылæны. Уый йеддæмæ ма йын цæгаты ис Балты денджызмæ ахизæн. Польшæйы сæйраг æмæ стырдæр сахар у Варшавæ. Йæ зæххыты фæзуат у 312 679 квадратон километр, æмæ уымæ гæсгæ у Европæйы фарастæм стырдæр бæстæ. 38,5 милуан цæрæгимæ та у Европæйы Цæдисы 6-æм цæрæгджындæр бæстæ. Польшæ у НАТО æмæ Европæйы Цæдисы уæнг.

Польшæ дихгонд у 16 воеводствойыл.

Истори[ивын | Бындур ивын]

Польшæйаг паддзахады бындурæвæрды азыл нымад у 966-æм аз, Мешко I чырыстонад куы райста, уыцы рæстæг. 1025-æм азы Польшæ къаролад сси. 1569-æм азы, Литвайы Стыр кънйазадимæ баиугондæй Польшæ сси Речь Посполитæйы хай. 1795-æм азмæ æртæ радихы фæстиуæгæн Польшæйы зæххытæ рауæрстæуыдысты Австри, Прусси æмæ Уæрæсейы ’хсæн æмæ 1918-æм азы онг польшæйаг паддзахад нæ уыдис æппын. 1918-æм азы Польшæйы республикæ рацарæзтæуыд ногæй.

Кæд æмæ Польшæ стыр зиан баййæфта Дыккаг Дунеон хæсты рæстæг, уыцы хæсты фæстиуæгæн йæ фæзуат дзæвгар фестырдæр и Силези æмæ Скæсæйнаг Пруссийы зæххытæ байсынæй.