Латвія
Латвія лат. Latvijas Republika |
|||||
|
|||||
Нацыянальны дэвіз: «Tēvzemei un Brīvībai» («Бацькаўшчыне і Свабодзе») |
|||||
Дзяржаўны гімн «Dievs, svētī Latviju!» |
|||||
Афіцыйная мова | латыская | ||||
Сталіца | Рыга | ||||
Найбуйнейшы горад | Рыга | ||||
Форма кіраваньня | Парляманцкая рэспубліка Раймандс Вэёніс Лаймдата Страўюма Інара Мурніецэ |
||||
Плошча • агульная • адсотак вады |
124-е месца ў сьвеце 64 589 км² 1,57% |
||||
Насельніцтва • агульнае (2014) • шчыльнасьць |
148-е месца ў сьвеце 1 997 500[1] 30,9/км² |
||||
СУП • агульны (2012) • на душу насельніцтва |
49-е месца ў сьвеце $28,324 млрд $13 984 |
||||
Валюта | Эўра (EUR ) |
||||
Часавы пас • улетку |
EET (UTC+2) EEST (UTC+3) |
||||
Незалежнасьць — абвешчаная — прызнаная — страчаная — адноўленая — прызнаная |
Ад Расейскай імпэрыі 18 лістапада 1918 11 жніўня 1920 17 чэрвеня 1940 Ад СССР 4 траўня 1990 21 жніўня 1991 |
||||
Аўтамабільны знак | LV | ||||
Дамэн верхняга ўзроўню | .lv | ||||
Тэлефонны код | +371 | ||||
Ла́твія (па-латыску: Latvija; афіцыйна — Рэспу́бліка Ла́твія, па-латыску: Latvijas Republika) — краіна ў Паўночнай Эўропе, адна з трох краінаў Балтыі. Гістарычна й этнаграфічна падзяляецца на чатыры гістарычных рэгіёны: Курзэмэ (Kurzeme, паўднёвы захад), Відзэмэ (Vidzeme, паўночны ўсход), Зэмгалэ (Zemgale, цэнтральны поўдзень) і Латгалія (Latgale, усход). На поўдні мяжуе зь Беларусяй і Летувой, на ўсходзе — з Расеяю, на поўначы — з Эстоніяй. З захаду краіна абмываецца Балтыйскім морам. Латвія — сябра NATO і Эўрапейскага Зьвязу. З 1 студзеня 2014 году ўвайшла ў Эўразону.
Зьмест
Гісторыя[рэдагаваць | рэдагаваць крыніцу]
- Асноўны артыкул: Гісторыя Латвіі
У Сярэднявеччы вядомыя як Лівонія, землі сучаснае Латвіі з 13 стагодзьдзя належалі да крыжацкага Лівонскага Ордэну. Пасьля заняпаду Ордэну Латвія трапіла ў склад Рэчы Паспалітае. У XVIII стагодзьдзях Латвія паэтапна трапіла ў склад Расейскай імпэрыі.
18 лістапада 1918 году Латвія абвясьціла незалежнасьць ад ахопленай Рэвалюцыяй Расеі. З 1934 году Латвія была аўтарытарнай дзяржаваю.
17 ліпеня 1940 году Латвія была акупаваная савецкімі войскамі згодна з сакрэтнымі часткамі савецка-нацысцкага Пакту Молатава-Рыбэнтропа і ўключаная ў склад Савецкага Саюзу на правах саюзнай рэспублікі. Да пачатку 1990-х гадоў Латвія была савецкаю рэспублікай, пакуль «Перабудова» зноў не абудзіла незалежніцкі рух у краіне.
21 жніўня 1991 году Латвія аднавіла свой сувэрэнітэт. Латвія адразу ўзяла курс на эўраінтэграцыю, ня стала далучацца да пост-савецкага аб’яднаньня СНД. Напачатку ХІХ ст. Латвія сталася чальцом NATO і Эўрапейскага Зьвязу (2004), з 2014 году перайшла на абарачэньне эўра, стаўшы часткай Эўразоны.
Латвія складаецца з чатырох гістарычных рэгіёнаў: Курзэмэ на паўднёвым захадзе, Відзэмэ на паўночным усходзе, Зэмгалэ як вузкага паласа паміж Даўгавай і летувіскай мяжой на ўсход ад Курзэмэ, і Латгаліі на ўсходзе. Тэрыторыя Латвіі збольшага ўяўляе сабой лясісты марэнна-пагоркавы ляндшафт з шматлікімі азёрамі і доўгай паласой роўнага ўзьбярэжжа. Найдаўжэйшымі рэкамі зьяўляюцца Даўгава і Гаўя, найвялікшае возера плошчай 80,7 км² — Лубанс. Рыга з геаграфічнага пункту гледжаньня — цэнтар рэдказаселеных земляў.
Геаграфія[рэдагаваць | рэдагаваць крыніцу]
Лясы займаюць 40% тэрыторыі Латвіі. Краявіды багатыя на халмы ды азёры. Узьбярэжжа Балтыйскага мора аднастайнае. З фаўны распаўсюджаныя алені, лісы, ласі, ваўкі, бабры.
Адміністрацыйны падзел[рэдагаваць | рэдагаваць крыніцу]
Латвія падзяляецца на 110 краёў (novads, мн. л. novadi), якія ў цэлым адпавядаюць беларускім раёнам, і 9 гарадоў рэспубліканскага падпарадкаваньня, статус якіх маюць найбуйнейшыя месты краіны. Да 2009 году захоўваўся савецкі адміністрацыйна-тэрытарыяльны падзел на раёны й рэспубліканскія гарады. Цяперашнія краі падзяляюцца на воласьці (аналяг сельсавету) і гарады (зрэшты, ня ўсе краі іх утрымліваюць). Латвія — унітарная краіна, ня мае будзь-якіх аўтаномных тэрыторыяў. Апрача таго, Латвія мае 5 рэгіёнаў плянаваньня і 6 статыстычных рэгіёнаў, якія не зьяўляюцца адміністрацыйна-тэрытарыяльнымі адзінкамі. Адміністрацыйна-тэрытарыяльнымі адзінкамі таксама не зьяўляюцца гістарычныя рэгіёны краіны.
Эканоміка[рэдагаваць | рэдагаваць крыніцу]
Найважнейшая галіна прамысловасьці Латвіі — машынабудаўніцтва. Акрамя таго, важную ролю адыгрывае марское рыбалоўства, вытворчасьць мэблі і тэкстыльная прамысловасьць. Найважнейшыя эканамічныя партнэры Латвіі — краіны Паўночнае Эўропы, таксама важная роля належыць транзыту нафты і нафтавых прадуктаў зь Беларусі і Расеі. Традыцыйна вялікае значэньне мае турызм, што зноў перажывае рост пасьля атрыманьня незалежнасьці.
Транспарт[рэдагаваць | рэдагаваць крыніцу]
Транспартная інфраструктура Латвіі добра разьвітая. Цэнтар транспартнай сеткі — сталіца Рыга.
Чыгунка[рэдагаваць | рэдагаваць крыніцу]
За апошнія 10 гадоў чыгунка перажыла масыўнае зьніжэньне пасажырапатоку. Найбуйнейшае прадпрыемства чыгункі — LDZ (Latvijas Dzelzceli, «Латвійскія Чыгункі»). Важнымі застаюцца таварныя перавозкі да балтыйскіх портаў, прадмесныя электрычкі ў рыскай аглямэрацыі, пасажырскія перавозкі з Рыгі ў Даўгаўпілс, а таксама з Рыгі ў Вільню, Коўна, Менск, Маскву і Санкт-Пецярбург.
Авіяцыйны транспарт[рэдагаваць | рэдагаваць крыніцу]
Найбуйнейшы аэрапорт краіны знаходзіцца ў Рызе. Таксама там мяшкае найбуйнейшая авіякампанія Латвіі — Baltic International, што ажыцьцяўляе рэйсы ў Скандынавію, краіны Цэнтральнае Эўропы і іншыя краіны Прыбалтыкі.
Аўтамабільны транспарт[рэдагаваць | рэдагаваць крыніцу]
Латвія мае прамяную сыстэму шашаў з цэнтрам у Рызе. Важнае значэньне мае аўтастрада Via Baltica, што ідзе праз усю краіну з поўначы на поўдзень праз Рыгу.
Карабельны транспарт[рэдагаваць | рэдагаваць крыніцу]
Марскі транспарт на Балтыцы — важны складнік транспартнае сыстэмы рэгіёну зь Сярэднявечча. Марскія порты Латвіі — Рыга, Вэнтсьпілс і Ліепая. Паромныя маршруты злучаюць Латвію з краінамі Скандынавіі, Польшчаю, Нямеччынай. Акрамя таго, багата марскіх камунікацыяў ідуць уздоўж латвійскага ўзьбярэжжа.
Насельніцтва[рэдагаваць | рэдагаваць крыніцу]
У 2011 годзе насельніцтва Латвіі склала 2 067 887 чалавек. Зь іх 62,1% — латышы; 26,9% — расейцы; 3,3% — беларусы; 2,2% — украінцы; 2,2% — палякі; 1,2% — летувісы; 2,1% — іншыя этнічныя групы (сярод іх эстонцы, немцы, лівы).
1935 | 1959 | 1970 | 1979 | 1989 | 2000 | 2011 | ||||||||
---|---|---|---|---|---|---|---|---|---|---|---|---|---|---|
Этнічнае паходжаньне | Колькасьць | % | Колькасьць | % | Колькасьць | % | Колькасьць | % | Колькасьць | % | Колькасьць | % | Колькасьць | % |
Латышы | 1 467,0 | 77,0 | 1 297,9 | 62,0 | 1 341,8 | 56,8 | 1 344,1 | 54,0 | 1 387,8 | 52,0 | 1 370,7 | 57,66 | 1 284,2 | 62,1 |
Расейцы | 168,3 | 8,8 | 556,4 | 26,6 | 704,6 | 29,8 | 821,5 | 32,8 | 905,5 | 34,0 | 703,2 | 29,58 | 556,4 | 26,9 |
Жыды | 93,4 | 4,9 | 36,6 | 1,7 | 36,7 | 1,6 | 28,3 | 1,1 | 22,9 | 0,9 | 10,4 | 0,44 | 6,4 | 0,3 |
Немцы | 62,1 | 3,3 | 1,6 | 0,1 | 5,4 | 0,2 | 3,3 | 0,1 | 3,8 | 0,1 | 3,5 | 0,15 | 3,0 | 0,1 |
Палякі | 48,6 | 2,6 | 59,8 | 2,9 | 63,0 | 2,7 | 62,7 | 2,5 | 60,4 | 2,3 | 59,5 | 2,50 | 44,8 | 2,2 |
Беларусы | 26,8 | 1,4 | 61,6 | 2,9 | 94,7 | 4,0 | 111,5 | 4,5 | 119,7 | 4,5 | 97,2 | 4,09 | 68,2 | 3,3 |
Летувісы | 22,8 | 1,2 | 32,4 | 1,5 | 40,6 | 1,7 | 37,8 | 1,5 | 34,6 | 1,3 | 33,4 | 1,40 | 24,4 | 1,2 |
Эстонцы | 6,9 | 0,4 | 4,6 | 0,2 | 4,3 | 0,2 | 3,7 | 0,1 | 3,3 | 0,1 | 2,7 | 0,11 | 2,0 | 0,10 |
Цыганы | 3,8 | 0,2 | 4,3 | 0,2 | 5,4 | 0,2 | 6,1 | 0,2 | 7,0 | 0,3 | 8,2 | 0,34 | 6,5 | 0,3 |
Украінцы | 1,8 | -- | 29,4 | 1,4 | 53,5 | 2,3 | 66,7 | 2,7 | 92,1 | 3,4 | 63,6 | 2,68 | 45,7 | 2,2 |
іншыя | 4,2 | 0,2 | 1,8 | 0,1 | 2,7 | 0,1 | 3,8 | 0,2 | 29,4 | 1,0 | 25,0 | 1,1 | 26,3 | 1,3 |
Усяго | 1 901,5 | 2 086,4 | 2 352,7 | 2 489,5 | 2 641,9 | 2 377,4 | 2 067,9 |
Культура і грамадзтва[рэдагаваць | рэдагаваць крыніцу]
За сваю гісторыю Латвія трапляла пад культурныя ўплывы розных краінаў. Найбольш яскравы ўплыў краінаў Паўночнае Эўропы. Архітэктура старых месцаў тыповая для гарадоў Ганзы. Гэтаксама і сучасная латыская культура мае шчыльныя сувязі з швэдзкай, фінскай і, асабліва, нямецкай культурамі.
Важную ролю ў фармаваньні культурнага ляндшафту Латвіі адыграла расейскае панаваньне, што доўжылася амаль два стагодзьдзі. Расейская мова дагэтуль вельмі пашыраная ў краіне, асабліва ў гарадах і на ўсходзе, сярод расейцаў і іншых нацыянальных групаў, што складаюць да 40% насельніцтва.
Частка сучаснай Латвіі вакол Даўгаўпілсу (Латгалія) гістарычна была населеная беларусамі, уваходзіла ў Полацкае княства і нават была абвешчаная як частка Беларускае Народнае Рэспублікі ў 1918 годзе. Сам Даўгаўпілс мае адпаведную беларускую назву (Дзьвінск). Нягледзячы на гэта, да славянскае прысутнасьці ў паўднёва-ўсходняй Латвіі адзначаецца прысутнасьць усходнебалцкага племя латгалаў, аднаго з плямёнаў, што ўдзельнічала ў этнагенэзе латыскага этнасу.
Акрамя таго, у Латвіі пражывае фіна-вугорская народнасьць ліваў 1500, перш за ўсё ў Рызе і некаторых прыморскіх вёсках. Лівы зьяўляюцца нашчадкамі дабалцкага фіна-вугорскага насельніцтва краіны. Большая частка зь іх, аднак, гістарычна зазнала асыміляцыю балтамі, а цяперашнія лівы практычна поўнасьцю страцілі сваю першапачатковую мову. Ліўская мова, між тым, выкладаецца ў латвійскіх вышэйшых навучальных установах і ўлічваецца шэрагам арганізацыяў.
Пануючаю ў Латвіі рэлігіяй у Латвіі пасьля Рэфармацыі сталася лютэранства, за выняткам пераважна каталіцкай Латгаліі, што было абумоўлена яе сувязямі з Рэччу Паспалітай. Сярод расейскамоўных латвійцаў пашыранае расейскае праваслаўе. Колькасьць рэгулярна наведваючых царкву ў Латвіі сёньня вельмі малая, ці ня самая нізкая ў Эўропе. Латыская лютэранская царква вельмі кансэрватыўная і адмаўляе кабетам у праве прапаведаваць (нягледзячы на кароткачасовы прэцэдэнт высьвячэньня жанчын, цяпер гэта не практыкуецца), у чым яна супярэчыць з латыскай лютэранскаю царквой у эміграцыі ў Швэцыі і іншых краінах. Вялікую ролю граюць абрады і элемэнты традыцыйных балцкіх вераваньняў.
Самае яскравае народнае сьвята ў латышоў — Купальле (Jānis, vasaras saulgrieži), зь якім таксама зьвязана шмат традыцыяў і звычаяў.
Латвія знакамітая сваёй культурай народных сьпеваў. Тыповая латыская форма сьпеваў — дайны, чатырохрадковыя, невершаваныя сьпевы на розныя тэмы, ад міталягічных да побытавых сюжэтаў. Этнографамі было сабрана больш за мільён народных дайнаў, што ёсьць рэкордам, зважаючы на колькасьць насельніцтва невялікай Латвіі. Запіс дагэтуль перадаваных у вуснай форме дайнаў пачаў напрыканцы 19 стагодзьдзя Крыш'яніс Баронс; сабраная ім для гэтага Шафа Дайнаў дагэтуль зьяўляецца свайго кшталту нацыянальнай сьвятыняй.
Кожныя 5 гадоў у Рызе (за савецкім часам — за мяжой) праходзіць вялікі Сьпеўніцкі фэст, у якім бяруць удзел тысячы латыскіх і замежных хораў, хораў латыскае дыяспары. Сусьветна вядомы сымфанічны дырыжoр Марыс Янсанс нарадзіўся ў 1943 годзе ў Рызе.
Як і ў Эстоніі, меская культура і буйныя паны ў Латвіі былі да Рэвалюцыі 1917 году нямецкамоўнымі. Таксама нямецкамоўнаю была інтэлігенцыя. Падчас Другой сусьветнай вайны па пагадненьні між нацысцкай Нямеччынай і ўжо часткова акупаванай Савецкім Саюзам Латвіяй, нямецкая меншасьць была вывезеная ў Нямеччыну. Таксама амаль не засталося ў Латвіі пасьля Другой сусьветнай вайны калісьці буйнае жыдоўскае грамады.
Цікавыя факты[рэдагаваць | рэдагаваць крыніцу]
Паводле некаторых навукоўцаў, у сучаснай сталіцы Латвіі ў 1510 годзе была ўстаноўленая першая калядная елка ў сьвеце[2]. Іншая тэорыя адносіць гэтае вынаходніцтва да гораду Сэляста ў францускім Эльзасе[3].
Глядзіце таксама[рэдагаваць | рэдагаваць крыніцу]
Крыніцы[рэдагаваць | рэдагаваць крыніцу]
Вонкавыя спасылкі[рэдагаваць | рэдагаваць крыніцу]
Латвія — сховішча мультымэдыйных матэрыялаў
|
|
|