1945

1945 г.  во други календари

Грегоријански календар	1945 MCMXLV
Ab urbe condita	2698
Асирски календар	6695
Бахајски календар	101–102
Бенгалски календар	1352
Берберски календар	2895
Будистички календар	2489
Бурмански календар	1307
Византиски календар	7453–7454
Еврејски календар	5705–5706
Ерменски календар	1394 ԹՎ ՌՅՂԴ
Етиопски календар	1937–1938
Календар Игбо
- Нри-Игбо	945–946
Ирански календар	1323–1324
Исламски календар	1364–1365
Јапонски календар	Период Шова 20 (20年)
Јулијански календар	Грегоријански минус 13 дена
Кинески календар	甲申年月日 (4581/4641) — до — 乙酉年月日 (4582/4642)
Коптски календар	1661–1662
Корејски календар	4278
Календар Мингуо	Република Кина 34 民國34年
Селевкидски календар	2256–2257
Тајландски сончев календар	2488
Хиндуистички календари
- Викрам самват	2001–2002
- Шака самват	1867–1868
- Кали југа	5046–5047
Француски револуционерен календар	CLIII–CLIV 153–154
Холоценски календар	11945
Џуче-календар	34

1945 (MCMXLV) била година според јулијанскиот календар. Тоа била 1945. година од новата ера, 945. од вториот милениум, 45. од 20 век и шеста од 1940-тите.

Други календари

Годината била броена од страна на различни народи, па се среќава во бројни други календари. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 п.н.е. според продолжениот јулијански календар, истата трае во текот на 7453 и 7454 година. Според асирскиот календар, во којшто мерењето на времето започнува од 4750 г.п.н.е, кога се проценува дека бил изграден првиот храм во граот Асур, станува збор за 6695 година. Понатаму, во еврејскиот календар, којшто започнува на 1 септември 3760 г.п.н.е. според продолжениот јулијански календар или околу една година пред создавањето на светот според Евреите, годината се протега во текот на 5705 и 5706 еврејска година. Според календарот на Римјаните, којшто започнува од 753 г.п.н.е., кога браќата Ромул и Рем го основале градот Рим (познато и како Ab urbe condita), годината е избројана како 2698.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61. година од владеењето на легендарниот Жолт цар или 2637 г.п.н.е.; додека други сметаат дека за почеток треба да се земе годината кога Жолтиот цар станал владетел, т.е. 2697 г.п.н.е. На тој начин, според првото гледиште, 1945. година се протега во 4581 и 4582, додека според второто гледиште, годината трае во текот на 4641 и 4642 кинеска година. Будистичкиот календар започнува да го мери времето од 543 п.н.е., година во којашто се смета дека Буда достигнал состојба на нирвана, и годината ја брои како 2488. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 1364 и 1365 исламска година.

Настани

јануари

27 јануари: Ослободување на Аушвиц.

20 јануари: Дел од одредот на ТОМО на чело со Туши Кераметчиев

• 1 јануари - Во Скопје излезе првиот број на сатирично-хумористичниот весник „Остен“.
• 3 јануари - Во Скопје излезе првиот број на првото детско списание на македонски јазик во слободна Македонија „Пионер“. Негови први уредници беа Славко Јаневски и Јонче Јосифовски.
• 3 јануари - По наредба на Главниот штаб на НОВ и ПОМ е формирана Командата на градот Скопје.
• 6 јануари - Во Скопје започна со работа Вториот конгрес на Антифашистичката младина на Македонија (НОМСМ), во присуство на околу 1.000 делегати на македонската младина од Егејска и од Пиринска Македонија, потоа претставници на советската, бугарската, грчката, албанската, српската, хрватската, словенечката и на црногорската младина, како и претставници на англиската мисија.
• 7 јануари – Божиќните настани на Скопското Кале: одредени единици одбиваат да заминат на Сремскиот фронт и наместо тоа сакаат да се оди на Солун.
• 11 јануари - Во Скопје е одржана Првата конференција на балканската младина на која присуствуваа делегати од Југославија, Грција, Албанија и Бугарија. Меѓу другото, беше донесена Резолуција за зближување на младината од балканските земји.
• 12 јануари - Втора светска војна: Советските сили тргнаа во голема офанзива против Третиот рајх. Брзо ја пробиваат непријателската одбрана во длабочина од 150 километри и на 2 февруари стигнуваат до Кистрин и Франкфурт, само 70 километри од Берлин.
• 15 јануари - Во близина на Велес се стрелани 53 велешани од страна на новите комунистички власти.
• 16 јануари – Втора светска војна: Адолф Хитлер се преселил во подземниот бункер во Берлин, каде што и се самоубил 4 месеци подоцна.
• 17 јануари – Втора светска војна: Советските сили ја ослободуваат Варшава.
• 18 јануари – Започна со работа таканареченото Работно тело на Президиумот на АСНОМ, на чело со Лазар Колишевски. Целта на неговото создавање е изолирање на претседателот на Президиумот, Методија Андонов - Ченто, од процесот на донесување одлуки.
• 19 јануари – Втора светска војна: Советските трупи го ослободиле Варшавското гето. Од 230.000 жители во 1940, нацистичката окупација ја преживеале помалку од 900.
• 20 јануари – Во Воден е основана Тајната ослободителна македонска организација.
• 20 јануари – Унгарија излегува од Втората светска војна.
• 23 – 25 јануари – На конференција во Белград се формирани Единствените синдикати на работниците и намештениците на Југославија.
• 27 јануари – Црвената армија го ослободи Аушвиц, најголемиот и најстраотниот логор во Втората светска војна.
• 28 јануари – Во Скопје е отворена првата градинка во Македонија, за престој на деца од 4 до 7-годишна возраст.
• 30 јануари - Руска подморница го торпедира и потопи германскиот брод „Вилхелм Густлов“, преполн со бегалци. Преку 9.000 лица го загубија животот во трагедијата која се смета за најголема поморска катастрофа во историјата.
• 31 јануари – Формиран е Македонскиот народен театар.

февруари

Конференцијата на Јалта

• 4 – 11 февруари – Се одржува Конференцијата на Јалта.
• 13 – 15 февруари – Британските и американските сили го бомбардираат Дрезден.

март

• 4 март - Во Скопје се одржува Првиот црковно-народен собор за обновување на Македонската Православна Црква.
• 7 март – Јосип Броз Тито формира влада на ниво на Југославија со учество на министри претставници на имигрантската кралска влада.
• 22 март – Формирана е Арапската Лига.

април

• 12 април - Југословенската армија успешно го пробива Сремскиот фронт.
• 14 – 16 април – Во Скопје се одржува Третото заседание на АСНОМ.
• 16 април - Формирана е првата македонска влада на чело со Лазар Колишевски.
• 16 април - Основано е „Просветно Дело“, првата македонска издавачка куќа.
• 23 април - Во Егејска Македонија е основан Народно-ослободителниот фронт на Македонците.

мај

• 3 мај - Утврдена е македонската азбука.
• 9 мај - Нацистичка Германија капитулира.
• 15 мај - Завршува Втората светска војна во Југославија.

јуни

• 7 јуни - Усвоен е правописот на македонскиот јазик.
• 24 јуни - Одржана е парадата на победата над фашизмот во Москва, Русија.
• 29 јуни – Чехословачка и ја отстапува Рутенија на СССР.

јули

• 5 јули - На парламентарните избори во Британија победува Лабуристичката партија.
• 16 јули - Проект Менхетен: Тринити проба, првиот тест на атомска бомба, пустина Њу Мексико, САД.
• 17 јули – 2 август – Се одржува Постдамската конференција.

август

• 5 – 7 август – Во Белград се одржува Првиот конгрес на Народниот фронт на Југославија.
• 6 август – САД ја фрла првата атомска бомба врз Хирошима.
• 7 – 10 август – Во Белград се одржува Третото заседание на АВНОЈ.
• 9 август – САД ја фрла втората атомска бомба врз Нагасаки.

септември

• 2 септември – Јапонија потпишува капитулација, со што завршува Втората светска војна.
• 2 септември - Виетнам прогласува независност, формирајќи ја Демократската Република Виетнам (Северен Виетнам).

октомври

• 24 октомври – Основани се Обединетите Нации.

ноември

• 11 ноември – На изборите за Уставотворното собрание во Југославија убедлива победа извојува Народниот фронт предводен од КПЈ.
• 20 ноември – Започнува судењето во Нирнберг.
• 29 ноември – Уставотворното собрание на Југославија ја прогласува Федеративна Народна Република Југославија, со што официјално е укината монархијата.

Родени

• 23 јануари - Тито Петковски, македонски политичар, претседател на Нова социјалдемократска партија
• 6 февруари - Боб Марли, јамајкански реге пејач
• 30 март - Ерик Клептон, британски гитарист
• 4 април - Даниел Кон-Бендит, француски левичарски политичар
• 19 јуни - Аунг Санг Су Чи, мјанмарска политичарка, Нобеловец
• 27 октомври - Луиш Инасио Лула да Силва, бразилски претседател
• 3 декември - Божидар Димитров, бугарски историчар и министар
• 11 ноември - Даниел Ортега, никарагвански претседател

Починале

• 3 јануари - Едгар Кејси, американски парапсихолог и јасновидец
• 1 февруари - Александар Станишев, бугарски лекар и политичар, роден во Македонија
• 23 февруари - Алексеј Толстој, руски писател
• 12 април - Френклин Рузвелт, американски претседател
• 28 април - Бенито Мусолини, италијански диктатор
• 30 април - Адолф Хитлер, германски диктатор
• 1 мај - Јозеф Гебелс, германски нацист
• 23 мај - Хајнрих Химлер, германски нацист
• 20 јули - Пол Валери, француски поет
• 8 ноември - Атанас Лозанчев, македонски револуционер
• 24 септември - Ханс Гајгер, германски физичар
• 26 септември - Бела Барток, унгарски композитор и пијанист
• 28 декември - Теодор Драјзер, американски писател

---

Видете исто:

• календарот за таа година