Brasil
| República Federativa do Brasil | |||||
|
|||||
| Lema nacional: Ordem e Progresso (Portugués: «Orden y Progresu») | |||||
| Himnu nacional: Himnu Nacional Brasilanu | |||||
 |
|||||
| Capital • Población • Coordenaes |
Brasília 2.282.049 (2004) 15°45′ S 47°57′ O |
||||
| Ciudá más poblada | {{{ciudá_más_poblada}}} | ||||
| Llingües oficiales | {{{llingües_oficiales}}} | ||||
| Llingües reconocíes | {{{llingües_reconocíes}}} | ||||
| Forma de gobiernu | República federal democrática Dilma Vana Rousseff |
||||
| Independencia • Declarada • Reconocida |
De Portugal 7 de setiembre de 1822 29 d'agostu de 1825 |
||||
| Superficie • Total • % agua Llendes Costes |
Puestu 5º 8.514.876 km² 0,65% 14.691 km 7.491 km |
||||
| Población • Total • Densidá |
Puestu 5º 186.112.794 (2005 est.) 21 hab/km² |
||||
| PIB (PPA) • Total (2005) • PIB per capita |
Puestu 10º US$ 1.552.542 millones US$ 8.745 |
||||
| Moneda | Real (R$, BRL) |
||||
| Xentiliciu | brasilanu, -a, -u | ||||
| Zona horaria • en Branu |
UTC-5 a -2 UTC-5 a -2 |
||||
| Dominiu d'Internet | .br | ||||
| Códigu telefónicu | +55 |
||||
| Prefixu radiófonicu | ZVA-ZZZ, PPA-PYZ |
||||
| Códigu ISO | 076 / BRA / BR | ||||
| Miembru de: ONX, OEA, CSN, CPLP, Mercosur | |||||
| Sitiu web del Gobiernu: |
|||||
| ¹ L'horariu oficial ye UTC-3 | |||||
El Brasil[1], oficialmente República Federativa do Brasil, ye'l país más grande d'América del Sur y el quintu más grande y pobláu del mundu.
Brasil tien llendes con toos menos dos de los países sudamericanos: Chile y Ecuador. Al norte llenda con Colombia, Venezuela, Guyana, Surinam y Guyana Francesa; al sur Arxentina, Uruguay y Paraguay; al este l'Océanu Atlánticu y al oeste Bolivia y Perú.
La so capital nacional ye Brasília, que sustituyó a Rio de Janeiro en 1960.
Índiz
Política y gobiernu[2][editar | editar la fonte]
Organización política[editar | editar la fonte]
L'actual Constitución del Brasil foi promulgada'l 5 d'ochobre de 1988. Nella establécese que la República Federativa de Brasil, formada pola xuntura indisoluble de los estaos y los conceyos y del distritu federal, constitúise nun estáu democráticu de derechu.
El poder executivu exércelu'l presidente de la República col sofitu d'un gabinete de ministros. El presidente, xunto col so vicepresidente, tienen de ser elexíos por mayoría absoluta. El so mandatu dura cuatro años, y puede repetir namái una vegada.
El poder llexislativu exércelu el Congresu Nacional, una institución bicameral formada pola Cámara de Diputaos y el Senáu Federal. La cámara fórmenla 513 diputaos, elexíos al traviés d'un sistema proporcional nos 26 estaos y nel distritu federal pa un mandatu de cuatro años. El senáu fórmenlo 81 miembros: trés por cada estáu y trés más pol distritu federal. El so mandatu dura ocho años, magar que cada cuatro renuévase parcialmente.
No que cinca al poder xudicial, el so muérganu cimeru ye'l Supremu Tribunal Federal.
El sufraxu, nes distintes eleiciones, ye universal, secretu y obligatoriu. Los estaos, pela so banda, son autónomos, y escueyen caún el so gobernador y la so propia cámara llexislativa.
Gobiernu[editar | editar la fonte]
La presidenta del país ye, dende'l 1 de xineru de 2011, Dilma Vana Rousseff. El so vicepresidente ye Michel Terner, y los presidentes de la Cámara de Diputaos y el Senáu son, respeutivamente, Marco Maia y José Sarney.
La xestión del gobiernu del país articúlase (abril de 2012) en 25 ministerios, magar que hai tamién delles secretaríes especiales p'asuntos concretos (Relaciones Institucionales, Derechos Humanos, Igualdá Racial, Polítiques pa Muyeres, Asuntos Estratéxicos, Aviación Civil, Comunicación Social y Puertos). Los ministerios son los que vienen darréu:
- Casa Civil (Presidencia): Gleisi Helena Hoffmann.
- Relaciones Esteriores: Antonio Patriota.
- Facienda: Guido Mantega.
- Desarrollu, Industria y Comerciu Esterior: Fernando Pimentel.
- Agricultura: Jorge Mendes Ribeiro.
- Desarrollu Agrario: Afonso Bandeira Florence.
- Mines y Enerxía: Edison Lobão.
- Planificación: Miriam Belchior.
- Integración Nacional: Fernando Bezerra Coelho.
- Defensa: Celso Amorim.
- Desarrollu Social y Llucha escontra la fame: Tereza Campelo.
- Educación: Fernando Haddad.
- Salú: Alexandre Padilha.
- Trabayu y Emplegu: Paulo Roberto Pinto (interino).
- Previsión Social: Garibaldi Alves.
- Tresportes: Paulo Sérgio Passos.
- Comunicaciones: Paulo Bernardo Silva.
- Xusticia: José Eduardo Cardozo.
- Mediu Ambiente: Izabella Teixeira.
- Ciencia, Tecnoloxía y Innovación: Aloizio Mercadante.
- Cultura: Ana d'Hollanda.
- Deportes: Aldo Rebelo.
- Turismu: Gastão Dias Vieira.
- Ciudaes: Mario Negromonte.
- Pesca y Acuicultura: Luiz Sérgio Nóbrega.
Partíos políticos[editar | editar la fonte]
El mapa políticu ye percomplicáu, con bien de formaciones que lluchen, nes diferentes eleiciones, por algamar representación nes diferentes cámares estatales y federales. Los principales d'ellos, que tienen representación na actual cámara de diputaos, son:
- Partido do Movimento Democrático Brasileiro (PMDB). El so presidente ye Valdir Raupp.
- Partido Demócratas (DEM). El so presidente ye José Agripino Maia.
- Partido da Social Democracia Brasileira (PSDB). El so presidente ye Sergio Guerra.
- Partido Democrático Trabalhista (PDT). El so presidente ye Carlos Lupi.
- Partido Trabalhista Brasileiro (PTB). El so presidente ye Roberto Jefferson.
- Partido dos Trabalhadores (PT). El so presidente ye José Eduardo Dutra.
- Partido Comunista do Brasil (PC do B). El so presidente ye José Renato Rabelo.
- Partido Socialista Brasileiro (PSB). El so presidente ye Eduardo Campos.
- Partido Progresista (PP). El so presidente ye Francisco Dornelles.
- Partido Popular Socialista (PPS). El so presidente ye Roberto Freire.
- Partido Verde (PV). El so presidente ye José Luiz de França Penna.
- Partido Social Liberal (PSL). El so presidente ye Luciano Caldas Bivar.
- Partido Social Democrático (PSD). El so presidente ye Gilberto Kassab.
- Partido Humanista de Solidaridade (PHS). El so presidente ye Paulo Roberto Matos.
- Partido Socialista dos Trabalhadores Unificado (PSTU). El so presidente ye José Maria d'Almeida.
- Partido Socialismo e Liberdade (PSOL). El so presidente ye Afrânio Radeu Boppré.
- Partido Trabalhista Cristão (PTC). El so presidente ye Daniel Tourinho.
- Partido Social Cristao (PSC). El so presidente ye Víctor Jorge Abdala Nosseis.
- Partido Social Demócrata Cristao (PSDC). El so presidente ye José María Eymael.
- Partido da Causa Operaria (PCO). El so presidente ye Rui Costa Pimenta.
Los sindicatos, pela so banda, son tamién numberosos. Destaquen, a nivel nacional, los que vienen darréu:
- Central Unica dos Trabalhadores (CUT), dirixida por Artur Henrique da Silva Santos.
- Força Sindical (FS). El so cabezaleru ye Paulo Pereira da Silva.
- Uniao Geral dos Trabalhadores (UGT), dirixida por Ricardo Patah.
- Central Geral dos Trabalhadores do Brasil (CGTB). El so presidente interín ye Ubiraci Dantas d'Oliveira.
- Coordenação Nacional de Lutas (Conlutas), dirixida por una coordinadora colexada.
- Central dos Trabalhadores e Trabalhadoras do Brasil (CTB). El so presidente ye Wagner Gomes.
- Nova Central Sindical de Trabalhadores (NCST), dirixida por José Calixto Ramos.
Organización políticu-alministrativa[editar | editar la fonte]
El territoriu de Brasil ta dividíu en 26 estaos y un Distritu Federal.
Economía[editar | editar la fonte]
La so economía tien importancia a nivel americanu y mundial, cola agricultura (ye'l mayor productor de café, naranxa y zucre a nivel mundial), la ganadería (tien la mayor cabaña bovina del mundu y ye'l mayor esportador mundial de carnes), la minería (piedres precioses, fierro, niobiu, bauxita) y la industria (automóviles, aviones, ordenadores, etc.). El PIB de Brasil ye'l mayor d'América Llatina.
Demografía[editar | editar la fonte]
Los 188.181.069 habitantes en 2007, según l'Institutu Brasilanu de Xeografía y Estadística (IBGE), distribuyíos per 27 unidaes federatives. Les principales ciudaes (36 con más de 500.000 habitantes) son:
En Brasil alcuéntrense grandes árees metropolitanes, 12 con más de 2.000.000 d'habitantes:
| Área Metropolitana | Estáu | Población | ||
|---|---|---|---|---|
| São Paulo | São Paulo | 20.500.000 | ||
| Rio de Janeiro | Rio de Janeiro | 11.351.937 | ||
| Belo Horizonte | Minas Gerais | 4.975.126 | ||
| Porto Alegre | Rio Grande do Sul | 4.184.042 | ||
| Recife | Pernambuco | 3.589.181 | ||
| Brasília | Distrito Federal, Goiás y Minas Gerais | 3.500.000 | ||
| Fortaleza | Ceará | 3.415.455 | ||
| Salvador | Bahia | 3.350.523 | ||
| Curitiba | Paraná | 3.251.168 | ||
| Campinas | São Paulo | 2.634.000 | ||
| Belém | Pará | 2.086.906 | ||
| Goiânia | Goiás | 2.013.073 | ||
| Santos | São Paulo | 1.476.820 | ||
| Vitória | Espírito Santo | 1.437.711 | ||
| São Luís | Maranhão | 1.300.000 | ||
| Natal | Rio Grande do Norte | 1.240.734 | ||
| Teresina | Piauí y Maranhão | 1.200.000 | ||
| Maceió | Alagoas | 1.116.075 | ||
| Joinville | Santa Catarina | 1.024.212 | ||
| João Pessoa | Paraíba | 998.890 | ||
| Les Árees Metropolitanes de Brasil con más de 1.000.000 d'habitantes según l'IBGE en xunetu de 2006. | ||||
Relixón[editar | editar la fonte]
La relixón predominante ye la católica, anque hai llibertá de cultu.
Caltiénense tamién creyencies y costumes de los indíxenes, especialmente nel ríu Amazones.
Provenientes de la esclavitú negra, practíquense creyencies africanes como l'animismu, y otres como la macumba o candomblé y la umbanda.
Tamién suel dase'l casu d'amestar relixones, ritos y creyencies d'orixe africanu col cristianismu.
Porcentaxe d'adeptos:
- Catolicismu: 73,6%.
- Protestantismu y ilesies evanxéliques: 15,4%.
- Espiritismu: 1,3%.
- Unitarios Universalistes: 0,1%.
- Relixones afro-brasilanes: 0,3%.
- Otres: 1,8%.
- Ensin relixón: 7,4%.
Referencies[editar | editar la fonte]
- ↑ Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8
- ↑ Los datos recoyíos nesti apartáu tán sacaos del Anuario Iberoamericano 2012 del Real Instituto Elcano y l'Agencia Efe. Disponible en http://www.anuarioiberoamericano.es/
Enllaces esternos[editar | editar la fonte]
Páxina web de la Presidencia de la República
Páxina web de l'Alministración central- Instituto Brasileiro de Geografía e Estatística
- Instituto Brasileiro de Turismo
Wikimedia Commons tien conteníu multimedia tocante a Brasil.
| Países d'América |
| Antigua y Barbuda | Arxentina | Islles Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | México | Nicaragua | Panamá | Paraguay | Perú | El Salvador | Saint Kitts y Nevis | Saint Lucia | Saint Vincent y les Granadines | Surinam | Trinidad y Tobago | Uruguay | Venezuela | Xamaica
Dependencies: Anguilla | Islles Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puerto Rico | Shag Rocks | Xeorxa del Sur y Sandwich del Sur |
