Holland
| Holland Nederland |
|||||
|
|||||
| Woispruch: Je Maintiendrai (franz.), „I bleib do“ | |||||
| Amtssproch | Holländisch und Friesisch (Friesland (Provinz)) | ||||
| Haptstod | Amsterdam | ||||
| Regiarungssitz | Den Haag | ||||
| Stootsform | Parlamentarische Monarchie | ||||
| Stootsobahapt | Kini Willem-Alexander | ||||
| Regiarungschef | Mark Rutte | ||||
| Fläch | 41.528 km² | ||||
| Eiwohna | 16.570.613 (Juli 2007) | ||||
| Dichtn | 484 Eiwohna pro km² | ||||
| Währung | Euro | ||||
| Unobhängigkeit | Proklamation am 2. Juli 1581, 1648 oneakannt (Westfälischa Friedn) | ||||
| Nationalhymne | Het Wilhelmus | ||||
| Zeitzone | MEZ (UTC+1) MESZ (Meaz bis Oktoba) (UTC+2) |
||||
| Kfz-Kennzoachn | NL | ||||
| Internet-TLD | .nl | ||||
| Telefonvoawoi | +31 | ||||
 |
|||||
Holland (amtle: Niederlande, Holländisch Nederland) is a parlamentarische Monarchie und a Tei vom Kinireich vo Niedaland im neadlichn Westeiropa. Des Land grenzt im Nordn und Westn an de Nordsee, im Sidn an Bäigien und im Ostn an Deitschland. Zamma mit Bäigien und Luxemburg buid Holland de Beneluxstooten.
Inhoitsvazeichnis
Holland is de traditionelle Bezeichnung[VE | Weakln]
Holland is de traditionelle boarische Bezeichnung fian Stoot und wead aa in vui ondan Sprochn (z.B. dänisch, poinisch, estnisch) scho seitm 16. Joarhundat vawendt, obwoi Holland aa de Bezeichnung vo oana Region in am Staat is.
Holland wead sogor teiweis ois Sejbstbezeichnung in Holland vawend und ned nua im Fuassboi (beispuisweis im Schlochtruaf "Hup Holland Hup"). Sowoi de holländische Tourismusindustrie ois aa de iwrige Wiatschoft vamoaktet des Lond praktisch nua ois Holland.
Gschicht[VE | Weakln]
Untam Karl V., am Kaisa vom Heiligen Remischen Reich Deitscha Nation und spanischm Kini, wor de Region Tei vo de siebzehn Provinzn vo Holland, wozua aa a Groaßtei vom heitign Bäigien gheat hot. Nachm Erreicha vo da formäin Unabhängigkeit vo Spanien im Johr 1648 san de Hollenda, ois Republik vo de Siem Vaeinigten Niedalandn, zua oana vo de gresstn See- und Wiatschoftsmächtt vom 17. Joarhundat worn. Wearend dera Zeit san Kolonien und Handlspostn auf da ganzn Wäid earicht worn.
Nachdem dam Napoleon des Land kuazfristi beheascht hos, is 1815 des vaeinte Kinireich vo Niadaland entstandn, zua dem aa Bäigien und Luxmburg gheat ham; oi zwoa san spada unabhängig worn.
Des Land is im Easchtn Wäidkriag neutral bliem, im Zwoatn Wäidkriag is' im Mai 1940 vo Deitschland bsetzt und eascht 1945 wieda befreit worn. Nach'm Kriag hod si de Wiatschaft schnäi wieda dahoit. Holland wor Grindungsmitglied vo da Benelux-Wiatschaftsunion und aa vo da NATO und da Eiropäischn Wirtschoftsgmoaschaft (und damit aa vo da Eiropäischn Union).
Eadkunde[VE | Weakln]
Ummara de Häiftn vom Land san weniga ois oan Meta iwa, oanige sogar untahoib am Meeresspiegel. Da hechste Punkt vom Land, da Vaalserberg im Siidostn, is 321 m hoach. De flachn Gebiete wern durch Deichn vor Stuamflutn gschützt. Teile vo Holland, zum Beispui fast de ganze Provinz Flevoland, wern durch kinstliche Landgewinnung dahoitn, de Gebiete wern Polder gnennt.
De wichtigstn Fliss san Rhein, Waal und Maas.
As Klima is gmäßigt maritim mit kuin Summan und muidn Wintan.
Provinzn[VE | Weakln]
Holland gliedat si in 12 Provinzn:
Provinzn (nl.: provincies):
- Drenthe südlich vo Groningen
- Friesland im Nordn
- Groningen
- Flevoland am IJsselmeer
- Gelderland in da Mittn vom Land, sidli vo Overijssel
- Limburg an da Grenz zu Bäigien
- Noadholland (Noord-Holland) im Noadwestn
- Nordbrabant (Noord-Brabant)
- Overijssel siidli vo Drenthe
- Siidholland (Zuid-Holland) siidli vo Noadholland
- Utrecht
- Zeeland
De Provinzn gliedan si in 489 Gmoana (gemeenten).
Dazua kema no de Iwaseegebiete Niadaländische Antilln und Aruba in da Karibik.
Politik[VE | Weakln]
Holland is a parlamentarische Monarchie. Das Staatsobahaupt is afgrund da Vafossung de Kinigin, zua Zeit Kinigin Beatrix. Offiziell eanennt se an Ministapresidentn und de Minista, zamma formen se de Regiarung.
Des Parlament (Staten Generaal) besteht aus zwoa Kamman, am Untahaus (Tweede Kamer, Zwoate Kamma) und da Senat (Eerste Kamer, Easchte Kamma).
Wirtschafd[VE | Weakln]
Holland hod a guat funktionierends, offans Wiatschafdssystem. Seitn 1980a Joarn betreim de Regierungen an wiatschafdsliberalen Kurs. In da Industrie gibts Nahrungsmittel- und chemische Industrie, Erdejraffinierien und de Herstellung vo Elektrogerätn. De moderne und hoach technologisiate Landwirtschafd beschäftigt grad 4% vo de Arbata, tragt aba net schlecht zum Export bei. Holland is nach de USA und Frankreich da wäidweit drittgresste Exporteur vo landwirtschafdliche Erzeugnisse. Holland is Mitbegrinda vo da Euro-Zone.
Bodnschätze[VE | Weakln]
Z Holland gibts gressare Eadgasloga. Ba Groningen und in da sidlichn Noadsee wead intensiv gfeadat. Holland belegt Plotz fimf in da wäidweitn Eadgasfeadarung. An da emsländischn Grenz gibts aa a weng Eadej.
Staatsausgom[VE | Weakln]
Zwischn 1992 und 2005 wor da Ontei vo de Staatsausgom so vateit
- Gesundheitssystem ba 31 %
- Buidungswesn ba 17 %
- Militär ba 2,7 %
Beväikarung[VE | Weakln]
Holland mit mea ois 400 Eiwohna pro Quadratkilometa oans vo de am dichtestn besiedlten Lända vo dera Wäid.
Es gibt zwoa Amtssprachn, Niadaländisch und Friesisch (nua in da Provinz Friesland im Norden). Danem wean im Norden aa Niadasächsische Dialekte gred.
De wichtigstn Religionen san da Katholizismus (18% im Joar 1999) und da Protestantismus (15%). 63% vo de Hollända san in koana Religionsgemeinschaft.
Af Holland san Menschn aus da gonzn Wäid eigwandat.
De Beväikarung in Holland mit ausländischa Heakumft (2007) [1]:
| Staat, Territorium | Ozoi | Prozent |
|---|---|---|
| Holland | 13.187.586 | 80,6% |
| Westliche Staatn[2] | 1.431.954 | 8,8 |
| Indonesien | 389.940 | |
| Deitschland | 381.186 | |
| Belgien | 112.224 | |
| ehemoligs Jugoslawien | 76.465 | |
| Vaeinigts Kinireich | 75.686 | |
| Polen | 51.339 | |
| ehemolige Sowjetunion | 47.450 | |
| Italien | 36.495 | |
| Frankreich | 33.845 | |
| USA | 31.154 | |
| iwrige westliche Staatn | 196.170 | |
| Ned-westliche Staatn | 1.738.452 | 10,6 |
| Surinam | 333.504 | |
| Marokko | 329.493 | |
| Tiakei | 309.000 | |
| Niederländische Antillen und Aruba | 129.965 | |
| China | 45.298 | |
| Irak | 43.891 | |
| Afghanistan | 37.230 | |
| Iran | 28.969 | |
| iwrige ned-westliche Staatn | 421.502 |
Kuitua[VE | Weakln]
Feiadog[VE | Weakln]
In Holland gibts gor koan Nationalfeiadog, dafia an Kiniginnendog. Im Vagleich zu oin ondan eiropäischn Ländan is da 1. Mai koa Feiadog.
| Datum | Nam | Boarischa Nam | Omeakunga |
|---|---|---|---|
| 1. Jenna | Nieuwjaar(sdag) | Neijoar | |
| Freidog voa Ostan | Goede Vrijdag | Korfreidog | fia mange a freia Dog |
| Easchda Sonndog und Mondog nachm easchtn Frühlingsvoimond | Pasen | Ostan | Ostasonndog und Ostamondog |
| 30. Aprui | Koninginnedag | Dog vo da Kinigin | Gebuatsdog vo da friahan Kinigin Juliana (Beatrix’ Muadda) |
| 4. Mai | Dodenherdenking | Dodngedenkdog | Gedenkdog an de Kriagsdodn (koa freia Dog) |
| 5. Mai | Bevrijdingsdag | Befreiungsdog | Gedenkn on de Befreiung im Zwoaten Wäidkriag (koa freia Dog) |
| 39 Dog noch Ostasunda | Hemelvaartsdag | Kristi Himmefoart | |
| 49 Dog nach Ostasunda | Pinksteren | Pfingstn | Pfingstsunda und Pfingstmonda |
| 5. Dezemba | Sinterklaasavond oda Pakjesavond | Nikolausabend | (koa freia Dog) stott Weihnochtn da Dog, wo de Kinda beschenkt wean |
| 25. und 26. Dezemba | Kerstmis | Weihnochtn | 1. und 2. Weihnochtsfeiadog |
| 31. Dezemba | Oudjaar, Oudejaarsdag oda Oud en Nieuw (Oid und Nei) | Silvester | (koa freia Dog) |
Vui wäidberihmte Mola worn NiadaHollända. Des 17. Joarhundat, de Hochzeit vo da Republik, hod groaße Kinstla wia an Rembrandt van Rijn, an Johannes Vermeer oda an Jan Steen hervorbrocht. Aa spada worn Mola wia da Vincent van Gogh und da Piet Mondriaan wäidberihmt. M. C. Escher is a bekannta Grafika. Aus Holland stamman aa da Erasmus vo Rotterdam und da Baruch Spinoza, aa da Rene Descartes hod do glebt. Aus'm "Goldna Zeitoita" (De Gouden Eeuw) warn de Schriftstella Joost van den Vondel und P. C. Hooft zum nenna. Wichtige Autorn im 20. Joarhundat worn da Harry Mulisch, da Jan Wolkers und da Simon Vestdijk.
Natua-Sengswiadigkeitn[VE | Weakln]
- De Hollandse Biesbosch, a Fluss- und Sumpflandschoft
- Keukenhof
- de Nationalparks Hoge Veluwe und Veluwezoom in da Veluwe
- de Natuaschutzgebiete auf Texel
- Reeuwijkse Plassen bei Gouda
- Schiermonnikoog
- De Deltaweake Schutzweare gegn Starmflutn. Baut noch da Stuamflut vo 1953
- Da Nationalpark De Meinweg bei Roermond in da Provinz Limburg
Beleg[VE | Weakln]
- ↑ Ois zu oana ausländischn Heakumftsgruppn ghearig wead jede Person gzäit, wo säim oda wo mindastns a Äitantei ned z Holland geborn worn is. Quejn: Zentralamt für Statistik, 2007.
- ↑ Alle europäischen, nordamerikanischen und ozeanischen Staaten, auch Japan und Indonesien. Die meisten Einwohner indonesischer Herkunft sind Weiße oda Mischlinge und ihre Nachkommen. Diese Gruppe wurde Ende der vierziger, Anfang der fünfziger Jahren wegen der Unabhängigkeit Indonesiens in de Niederlande „repatriiad“, obwohl viele noch nie in Europa gewesen waren.
Im Netz[VE | Weakln]
Commons: Niederlande – Sammlung vo Buidl, Videos und Audiodateien- Netzpräsenz vo da Regierung vo Holland(englisch)
- Netzpräsenz vom Niedaländischen Kenigshaus
- NiedalondeNet.de: Gressts Informationsportei iwa Holland und de deitsch-holländischn Beziahunga, in deitscha Sproch
- Länderprofil vom Statistischn Bundesamt
- CIA Factbook - Netherlands Länderinformationen vo da CIA (englisch)
Albanien | Andorra | Bäigien | Bosnien-Herzegowina | Buigarien | Denemark2 | Deitschland | Estland | Finnland | Frankreich2 | Griachaland | Holland2 | Irland | Island | Italien2 | Kasachstan1 | Kosovo | Krowozien | Lettland | Liachtnstoa | Litaun | Luxnbuag | Malta | Mazedonien | Moldawien | Monaco | Montenegro | Norwegn2 | Östareich | Poin | Portugal2 | Rumänien | Russland1 | San Marino | Schweden | Schweiz | Serbien | Slowakei | Slowenien | Spanien2 | Tiakei1 | Tschechei | Ukraine | Ungarn | Vaoanigts Kinireich (UK)2 | Vatikanstod | Weißrussland
1 Liegt zan gresstn Tei in Asien. 2 Hod aa Gebiete aussahoib vo Eiropa.
Bäigien | Buigarien | Denemark | Deitschland | Estland | Finnland | Frankreich | Griachaland | Holland | Irland | Italien | Krowozien | Lettland | Litaun | Luxnbuag | Malta | Östareich | Poin | Portugal | Rumänien | Schweden | Slowakei | Slowenien | Spanien | Tschechei | Ungarn | Vaoanigts Kinireich (UK) | Zypan
Australien | Bäigien | Chile | Denemark | Deitschland | Finnland | Frankreich | Griachaland | Irland | Island | Israel | Italien | Japan | Kanada | Luxnbuag | Mexiko | Neiseeland | Holland | Norwegn | Östareich | Poin | Portugal | Schwedn | Schweiz | Sidkorea | Slowakei | Slowenien | Spanien | Tschechei | Tiakei | Ungarn | USA | Vaoanigts Kinireich (UK)
Koordinaten: 51°-53° N, 3°-7° O
