Illas Salomón
| Solomon Islands Illas Salomón |
|||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||
Illas Salomón (inglés: Solomon Islands), é un país de Oceanía que forma parte da Mancomunidade Británica de Nacións. O seu territorio está formado por máis de 990 illas pertencentes á Melanesia, situadas ao leste de Papúa Nova Guinea.
Índice
Historia[editar | editar a fonte]
O Reino Unido estableceu un protectorado sobre as illas na década de 1890. Previamente foran exploradas no século XVI polo mariño español Álvaro de Mendaña.
Este territorio foi escenario dalgunhas das máis intensas batallas na Segunda Guerra Mundial; destacándose a batalla de Guadalcanal.
O autogoberno foi establecido en 1976 e a independencia logrouse o 7 de xullo de 1978. A consecuente revolta civil levou a un paro case total da actividade normal: os operarios públicos sufriron atrasos no cobro dos salarios durante meses, e as reunións do goberno tiveron que ser realizadas en segredo para impedir a interferencia dos señores da guerra locais. As forzas de seguridade foron incapaces de restaurar o control, en gran medida porque moitos dos membros da policía e doutras forzas de seguridade están asociados a un ou outro dos grupos rivais.
En xullo de 2003 o Gobernador Xeral das Illas Salomón lanzou un chamamento oficial de axuda á comunidade internacional, que foi despois apoiado polo goberno. Un continxente de seguridade internacional de 2.200 policías e militares, liderado por Australia e Nova Zelandia, que ademais integraba representantes doutras 20 nacións do Pacífico, comezou a chegar o mes seguinte, no que foi coñecida como Operación Helpem Fren. A contribución australiana é coñecida como Operación Ánodo.
- Véxase tamén: Guadalcanal, Illas Salomón.
Política[editar | editar a fonte]
Illas Salomón é unha monarquía parlamentaria. Algúns dos problemas que ten o país son a corrupción, o déficit gobernamental, deforestación e control da malaria.
Os exploradores e os misioneiros que visitaron as Illas Salomón desde o século XVI en diante, foron rexeitados polas poboacións hostís e caníbales co resultado que o arquipélago foi colonizado cerca do final do século XIX, cando se converteu nun protectorado británico en 1893 (como resposta á competencia alemá e francesa).
As tradicións guerreiras dos melanesios persistiron un pouco acougadas baixo o protectorado ata a invasión xaponesa en 1942. Isto foi seguido por unha batalla sanguenta de seis meses gañada polos americanos en 1943. Sesenta e sete barcos de guerra afundíronse, os xaponeses perderon 40.000 homes e os americanos 7.000. A capital Tulagi, a cal fora destruída durante a guerra, foi substituída por Honiara na illa de Guadalcanal onde os americanos construíran unha base militar.
Logo da guerra, os insulares da illa Malaita fixeron coñecer o seu desexo de autonomía, os británicos introduciron asembleas rexionais e eventualmente estableceron un Consello Gobernativo en 1970. Finalmente concedéuselles a independencia en 1978. Desde entón, o país foi dirixido máis ou menos correctamente a pesar das fortes rivalidades entre as illas.
Organización territorial[editar | editar a fonte]
- Artigo principal: Lista de illas das Illas Salomón.
As Illas Salomón divídense en 9 provincias e un territorio capital.
- Central
- Choiseul (Lauru)
- Guadalcanal
- Honiara (territorio capital)
- Isabel
- Makira
- Malaita
- Rennell e Bellona
- Temotu
- Occidental
Xeografía[editar | editar a fonte]
As illas Salomón son un arquipélago constituído por numerosas illas. situado ao suroeste do océano Pacífico, ao leste de Papúa Nova Guinea. As illas principais son: Choiseul, as illas Nova Xeorxia, Santa Isabel, as illas de Russel, as illas Florida, Malaita, Guadalcanal, Sikaiana, Maramasike, Ulawa, Uki, San Cristóbal, Santa Ana, Rennell e Bellona e as illas Santa Cruz. A distancia entre as illas máis occidentais e as máis orientais é de preto de 1500 quilómetros.
As illas Santa Cruz, ao norte de Vanuatu están particularmente illadas, a máis de 200 quilómetros das outras illas. Os volcáns, de graos variables de actividade, están situados nalgunhas das illas máis grandes, mentres que varias das illas máis pequenas simplemente son atois minúsculos cubertos de area e cocos.
Economía[editar | editar a fonte]
- Artigo principal: Economía das Illas Salomón.
A maioría da poboación depende da agricultura, a pesca, e a silvicultura para polo menos parte do seu sustento. A maioría dos produtos manufacturados e o petróleo débense importar. As illas son ricas en materias primas minerais tales como chumbo, cinc, níquel, e ouro. Os problemas económicos no Sueste Asiático levaron a unha diminución brusca da industria madeireira, e a produción económica diminuíu preto dun 10% en 1998. O Goberno instituíu reducións de salario no servizo público e doutros sectores. A economía recuperouse parcialmente en 1999, grazas á subida dos prezos do ouro no mercado mundial e o primeiro ano completo de explotación da mina Gold Ridge. Con todo, a mediados de ano o peche da maior plantación de aceite de palma do país lanzou unha sombra sobre as perspectivas de futuro. A desastrosa situación política non facilita o crecemento económico.
Demografía[editar | editar a fonte]
De acordo coas cifras de 2006 a poboación maioritaria nas Illas Salomón ten etnia Melanesia (94.5%), Polinesia (3%) e Micronesia (1.2%) son os dous grupos seguintes significativos na súa composición.
Cultura[editar | editar a fonte]
| Datas | Nome en galego | Nome local | Notas | ||
|---|---|---|---|---|---|
| O segundo sábado de xuño | Aniversario da Raíña | Queen's Birthday | Festa polo aniversario oficial da Raíña | ||
| 7 de xullo | Día da Independencia | Independence Day | |||
| O terceiro luns de novembro | Día do Príncipe Carlos | Prince Charles Day | Aniversario oficial do príncipe |
Na cultura tradicional das Illas Salomón, os costumes tradicionais transmítense dunha xeración á seguinte, supostamente a través dos espíritos ancestrais, para formar os valores culturais das Illas Salomón.
A relixión das Illas Salomón componse dun 96% de cristiáns (anglicanos 45%, católicos romanos 18%, Unión 12%, bautistas 10%, Adventistas do Sétimo Día 7%, Outros cristiáns 4%) e ao redor dun 4% de crentes de relixións indíxenas.
|
|||||
