Alberto II.a Belgikakoa
Alberto II.a Belgikakoa | |
|
|
---|---|
1993 – 2013 | |
Aurrekoa | Balduin I.a |
Ondorengoa | Filipe |
|
|
Jaiotza | 1934ko ekainaren 6a Brusela, Belgika |
Ezkontidea | Paola Ruffo di Calabria |
Sinadura |
Alberto II.a Belgikakoa (Albert Félix Humbert Théodore Christian Eugène Marie, Stuyvenberg jauregian jaio zen, Brusela, 1934ko ekainaren 6an) belgikarren erregea 1993tik, urte horretan bere anaia Balduino I Belgikakoa hil baitzen, eta ondorengorik ez zuenez, Albertok tronua oinordetu zuen. Leopoldo III.aren eta bere lehenengo emaztearen Astrid Suediakoaren semea da. 2013an abdikatu zuen eta tronua bere seme Filiperi pasa zion.
Le Rosey eskola pribatuan ikasi zuen (Suedia), eta bere anaia oinordetu baino lehen Liejako printzea bezala ezaguna zen.
1959ko uztailaren 2an ezkondu zen Italiako printzesa Donna Paola Ruffo di Calabriarekin (1937an jaioa), Fulco Ruffo di Calabria printzearen (Guardia Piemonteseko VI. dukea) eta Luisa Gazelliren (Rossana e di Sebastianoko kondesa) alaba.
Bikoteak hiru seme-alaba izan dituzte:
- Filipe (Philippe Léopold Louis Marie), Brabanteko dukea, 1960ko apirilaren 15ean jaioa. Mathilde d'Udekem d'Acozekin ezkondu eta lau seme-alaban ditu: Elisabet printzesa (2001), Belgikako erregina izango dena; Gabriel printzea (2003), Emmanuel Belgikakoa printzea (2005) eta Leonor printzesa (2008).
- Astrid Belgikakoa (Astrid Josephine Charlotte Fabrizzia Elisabeth Paola Marie), 1962ko ekainaren 5ean jaioa. Lorenzo Austria-Estekoa artxidukearen emaztea. Bost seme-alaba dituzte: Amedeo (1986), Maria-Laura (1988), Joakim (1991), Luisa-Maria (1995) eta Laetitia-Maria (2003).
- Laurendi Belgikakoa (Laurent Benoït Baudouin Marie), 1963ko urriaren 19an jaioa. Claire Coombsekin ezkondua 2003tik, eta hiru seme-alaba dituzte: Louisa Sofia (2004) eta Nikolas Kasimiro eta Aymeric Augusto bikiak (2005).
Mario Danneel kazetariak 1999. urtean, Alberto II.aren emazteari buruzko biografia bat idatzi zuen. Horren ondorioz, erregeak onartu behar izan du ezkontzatik kanpo harreman bat izan duela Sybille de Selys-Longchamps baronesarekin, eta elkarrekin alaba bat (Delphine Boël) izan zutela.
Kanpo loturak[aldatu | aldatu iturburu kodea]
Wikimedia Commonsen badira fitxategi gehiago, gai hau dutenak: Alberto II.a Belgikakoa |
- (Ingelesez) eta (Frantsesez) Belgikako errege-etxearen webgune ofiziala