Club Brugge KV

Ezizena(k)

Blauw-Zwart (nl) ("urdin-beltzak")

Sorrera

1891

Futbol zelaia

Jan Breydel estadioa
(edukiera: 29.472 lagun)

Presidentea

Bart Verhaeghe

Entrenatzailea

Michel Preud'homme

Liga

Belgikako Pro League

2014-15

Belgikako Pro League, 2.a

Webgunea

Webgune ofiziala





Etxekoa





Kanpokoa

1920an lehenengo liga eskuratu zuen taldea.

Club Bruggeko jokalariak 2005eko liga garaipena ospatzen.

Jan Breydel estadioa.

Club Brugge KV (izen osoa Club Brugge Koninklijke Voetbalvereniging) Belgikako futbol talde onenetakoa da, Brujas (Brugge) hirikoa.

Palmaresari dagokionez Belgikako bigarren taldea da, RSC Anderlechten atzetik. Europa mailako titulurik ez du baina bi final jokatu ditu, 1976an UEFA Kopan eta 1978an Europako Kopan.

Eduki-taula

1 Historia
2 Palmaresa
- 2.1 Belgikan: 37
- 2.2 Nazio artean: 0
3 Kanpo loturak

Historia[aldatu | aldatu iturburu kodea]

1890an Brugsche Football Club eratu zen. 1891ean ordea taldea berregituratu eta gaur egungo Football Club Brugeois eratu zen. Hau hartzen da taldearen fundazio datatzat. Belgikako hirugarren futbol talde zaharrena da beraz. Hasieratik talde lehiakorra osatu zuen, Ligan bigarren egin baitzute 1899, 1900, 1906, 1910 eta 1911ean. Lehenengo titulua ordea 1920an lortu zuen.

Bigarren titulurako asko itxaron behar izan zuen, 1968an irabazitako Kopararte hain zuzen ere. 1972an kluba berrizendatu zuten Club Brugge Koninklijke Voetbalvereniging eta orduan iritsi zen taldearen "urrezko aroa". Hamarkada honetan 4 Liga irabazteaz gain Europa mailan maila bikaina eman zuen Europako Kopa eta UEFA Kopako finalak jokatzeraino. Bietan Liverpool FC-k garaitu zuen.

Hurrengo hamarkadetan ere maila bikainean mantendu da RSC Anderlechti aurre eginez. Azkenengo Liga 2005ekoa du baina 2015 urtean bigarren gelditu da eta gainera Kopa irabazi du, berriz ere talde indartsua duela erakutsiz.

Palmaresa[aldatu | aldatu iturburu kodea]

Belgikan: 37[aldatu | aldatu iturburu kodea]

Belgikako Liga (13): 1920, 1973, 1976, 1977, 1978, 1980, 1988, 1990, 1992, 1996, 1998, 2003, 2005.
Belgikako Kopa (11): 1968, 1970, 1977, 1986, 1991, 1995, 1996, 2002, 2004, 2007, 2015.
Belgikako Superkopa (13): 1980, 1986, 1988, 1990, 1991, 1992, 1994, 1996, 1998, 2002, 2003, 2004, 2005.