Monaco

Principauté de Monaco
Principatu de Múnegu
Fürschtetum Monaco

(Details) (Details)
Amtsschproch	Französisch
Houptschtadt	Monaco
Staatsform	konstitutionelli Erbmonarchi
Staatsoberhoupt	Fürst Albert II.
Regierigschef	Michel Roger
Flächi	2,02 km²
Iiwohnerzahl	36'136 (2012), devo 78 % usländisch
Bevölkerigsdichti	17'889 Iiwohner pro km²
Währig	Euro
BIP/Iiwohner	Euro ( )
Ziitzone	UTC+1
Nationalhymne	Hymne monégasque
Autonummere-Kennzeiche	MC
Internet-Ändig	.mc
Vorwahl	+377

S Fürschtetum Monaco (französisch Principauté de Monaco, monegassisch Principatu de Múnegu) isch e Schtadstaat z Weschteuropa. S lit vo Frankriich umschlosse a dr Mittelmeerküste i dr Nächi vo dr italienische Gränze.

Geografii

Luftufnamm vo Monaco

S Fürschtetum lit a dr französische Mittelmeerküste, zwüsche dr französische Schtadt Nizza im Weschte und dr französisch-italienische Gränze im Oschte. D Küschtelängi vom Fürschtetum betreit 4,1 km und di gmainsami Gränze mit Frankriich isch 4,4 km. I de letschte Johrzähnte het mer s Staatsgebiet dur Landufschüttig innere Bucht um 40 ha uf 197 ha vergrössert. Mit siner gringe Flächi isch Monaco nach dr Vatikanstadt dr zwöitchliinschti Staat vo dr Wält, het abr d höchschti Bevölkerigsdichti vo allne Staate. Monaco ghört natürli au zu de Zwärgstaate z Europa.

Politik

Sit 1911 isch Monaco e konstituzionelli Monarchi, wo vom Fürst und sim vierchöpfige Kabinett. Es git sit 1962 no en Nazionalroot (Parlamänt), wo us 24 vom Volk gwäälte Persone bestoot.

Verwaltigsgliderig

D Ungerschiid zwüsche däm Staat und dr Schtadt Monaco isch rein theoretisch, dr Staat bestoht de facto nur us dr Schtadt (Gmeind).

Gäld- und Stüürpolitik

Bis Endi 2001 hät Monaco de französisch Franke (Franc) als Wäärig gha. Sit em 1. Januar 2002 händs au de Euro mit aigne Münze.

Hüt isch Monaco vor allem bi de Riiche als Wohnsitz begehrt, da weder Iikomme- no Erbschaftstüüre erhobe wärde.

Chlima

Z Monaco härrscht e Mittelmeerchlima mit milde nasse Winter und warme abr nid z heisse Sümmer. Di durschnittlichi Tämperatur vo de letschte 60 Johre lit öppe bi 16 °C und variiert vo 11 °C im Winter bis 26,5 °C im Summer. Di durschnittlichi jöhrlichi Sunneschiiduur betrait 2'583 Stunde und s rägnet nie meh als a 62 Dag im Johr.

Bevölkerig

Mit öppe 17'900 Iiwohner pro km² isch Monaco dr am dichteschti besidlti unabhängigi Schtaat uf dr Wält. Är ghört zu de sicherschte. Mer bezeichnet d Iiwohner vo Monaco ass Monegasse. D iiheimischi Bevölkerig bildet abr e Minderheit in irem Land. 47 % vo dr Iiwohner sin Franzose, während je 16 % Monegasse oder Italiener sin. D reschtliche 21 % verteile sich uf 125 verschideni Nationalitäte.

Schproch

D monegassischi Schproch isch e romanische Dialäkt, wo mit äm ligurische Dialäkt vom Italienische verwandt isch. Alleinigi Amtsschproch isch aber s Französische. Im Fürschtetum wird au vil Italienisch und Änglisch gredt.

Religion

D römisch-katholischi Chile isch d offizielli Schtaatschile. D monegassischi Verfassig garantiert jedoch d Freiheit vo anderne Religione und Konfessione. 90 % vo de Monegasse sin Katholike, 6 % Protestante, danäbe git s orthodoxi und jüdischi Minderheite.

Weblink

 Allmänd (Commons): Monaco – Sammlig vo witere Multimediadateie

• Offizielli Internetsite vo de Regierig vom Fürschtetum Monaco
• Länder- und Reiseinformazione vom Dütsche Usswärtige Amt
• Statistischi Landesdate uf lexas.net